لوجان 2015 - حصر لكل عيوب التقفيل

**kalkool2010** · 06-04-2015 07:22 PM

على الرغم من ان اداء السياره مرضي جدا و سعرها مناسب بالمقارنه بمثيلاتها في نفس الفئه السعريه .. انتشر كلام كتير عن عيوب تقفيل مختلفه ظهرت مع الناس اللي استلمو السياره وجربوها .. بعضها المشاكل فرديه و تم تعديلها في التوكيل و بعضها مشاكل عامه.

طبعا كلنا عارفين ان السياره بتتقفل في المغرب و ان المنتج الموجه لمصر ينقصه بعض معايير الجوده على عكس نفس السياره اللي بتتصنع في نفس المصنع و تتصدر لاوروبا

ارجو من الساده الاعضاء طرح كل المشاكل الخاصه بعيوب تقفيل السياره لوجان الشكل الجيد سواء مانوال او اوتو لحصرها و لافاده اللي مقبلين على الشراء او اللي بالفعل منتظرين استلامها

انا هبدا ببعض المشاكل اللي سمعتها:

1) زنه مسموعه في التابلوه خصوصا في السرعات العاليه / تم تظبيط مشاكلها في التوكيل

2) قطمه الدركسيون / تم التعديل في التوكيل

3) بعض مخارج الصوت (السماعات) مش شغاله بشكل مرضي

4) تاخير في الدواره / التوكيل بيعدل السوفت وير و بيحل المشكله

5) كاوتش سيء جدا و يؤثر سلبا على ثبات السياره

6) بعض الفوارق بين الاكسدامات و هيكل السياره

**Abo_Mazen** · 06-04-2015 08:29 PM

صاج كبوت ضعيف جدا ..مع واحد جاري ..عربيته كانت واقفه وش في وش مع عربيه ماروتي ..عادي ..راكنين هما الإثنين عند البيت وكل واحد راكن قدام بيته ..جاي عيل صغير ..أو صبي تقريبا ..جاي عايز يعدي من بينهم معرفش ..طبعا لإن العربيتين واقفين قصاد بعض إكصدام في إكصدام لزق .قام الوله بصنعة خفه كده قام ساند بإيده على كبوت الماروتي وبإيده التانيه على كبوت اللوجان وقام هووووب ..ناطط معدي الناحية التانيه ..اللي حصل ..تقفيعه في كبوت اللوجان ملهاش إستعدال لإنها ضعيفه وميلمهاش غير معجون ..وكبوت الماروتي ..وله يا وله ..ولا حصله حاجه ..

**Salah Kamal** · 07-04-2015 01:20 AM

عندى السماعات شغاله بس الصوت مش مرضى

وعايز اعرف لو قطمه الدركسيون فيها مشكله اعرف ازاى او ايه العيوب اللى تظهر تخلينى اعرف ان فيها مشكله

انا العربيه بتحدف يمين سنه صغيره معايا عايز اعرف السبب

**kalkool2010** · 07-04-2015 10:20 PM

المشاركة الأصلية كتبت بواسطة salah kamal

عندى السماعات شغاله بس الصوت مش مرضى

وعايز اعرف لو قطمه الدركسيون فيها مشكله اعرف ازاى او ايه العيوب اللى تظهر تخلينى اعرف ان فيها مشكله

انا العربيه بتحدف يمين سنه صغيره معايا عايز اعرف السبب

يستحسن حضرتك ترجع للتوكيل ..

**corsair** · 09-04-2015 03:40 PM

المشاكل المنتشرة

1- قطمة الدركسيون وبتتغير علي الضمان
2- صاج ضعيف عند الكابوت فقط
3- مشكلة الدوارة وبتتحل بسوفت وير في التوكيل
4- الدهان سئ من الداخل بالاخص جوه الشنطه عند الاستبن
5- سلوك الضفيرة داخل الكبوت شكلها مش ظريف بالمره

ده للامانه لا يعيب السيارة في المجمل لانها بجد تستحق لقب السيارة الرابحه في الفئة السعرية

**Abo_Mazen** · 10-04-2015 01:45 PM

المشاركة الأصلية كتبت بواسطة corsair

المشاكل المنتشرة

1- قطمة الدركسيون وبتتغير علي الضمان
2- صاج ضعيف عند الكابوت فقط
3- مشكلة الدوارة وبتتحل بسوفت وير في التوكيل
4- الدهان سئ من الداخل بالاخص جوه الشنطه عند الاستبن
5- سلوك الضفيرة داخل الكبوت شكلها مش ظريف بالمره

ده للامانه لا يعيب السيارة في المجمل لانها بجد تستحق لقب السيارة الرابحه في الفئة السعرية

وهو فيه بعد اللي حضرتك قلته ده عيوب تاني ..ده كفاية عليها موضوع الكبوت ولا سلوك الضفيره اللي شكلها مش ظريف ..على فكره موضوع سلوك الضفيره ده من العيوب اللي أنا شفتها بس نسيت أقولها برضه

**salsl** · 10-04-2015 09:44 PM

رغم اني مش معايا نيو لوجان بس هيا عجباني انا شايف انها متفوقه من ناحي’ الأمكانيات و الشكل مقارنه با لانوس او فيرنا او حتى افيو عربيات فاضيه مفيهاش اي حاجه بالأضافه اني اعرف ان توكيل رينو محترم جدا
ده رأي و يحتمل الخطاء او الصواب

**kalkool2010** · 12-04-2015 10:04 PM

ياريت لو حد لاحظ عيوب تقفيل تانيه يكتبها للافاده يا جماعه

**2CODE** · 13-04-2015 07:53 AM

رأيي الشخصي

العربية بالسعر ده بالمواصفات دي ومفيهاش عيوب ميكانيكية انا اشوفها ممكن تتعايش معاها لغاية ما يحلها التوكيل

مش شايفها مشاكل جوهرية على انك تاخد عربية بالمواصفات دي بسعر 115 الف جنية تقريباً

وانتوا عارفين مشاكل الصني والبيجو 301 شكلها ايه من فرامل وغيره هي دي المشاكل الجوهرية المؤثرة لكن االلي انا شايفه ده ممكن تتعايش معاه لغاية ما يحله التوكيل او تتعود عليها وخلاص

**corsair** · 14-04-2015 03:46 PM

المشاركة الأصلية كتبت بواسطة m_m_sh_a

وهو فيه بعد اللي حضرتك قلته ده عيوب تاني ..ده كفاية عليها موضوع الكبوت ولا سلوك الضفيره اللي شكلها مش ظريف ..على فكره موضوع سلوك الضفيره ده من العيوب اللي أنا شفتها بس نسيت أقولها برضه

ههههههههههههههههه حضرتك دي عيوب متوقفش عربية ولا تعطلك ثانية ولا تؤثر علي أمانك وامان اسرتك في شئ واي حاجه بتحصل او هتحصل التوكيل مبيتأخرش لان شهاده هتحاسب عليها التوكيل فعلا مبيأثرش في اي مشكله

الموضوع: لوجان 2015 - حصر لكل عيوب التقفيل

LinkBack

أدوات الموضوع

عرض

-

-

-

-

-

المواضيع المتشابهه

تزييق فرش الابواب والابواب مع حركه و وقوف اللانوس2011 و عيوب التقفيل

تحت بند عيوب التقفيل القاتلة

عيوب التقفيل فى الجين2؟

عيوب و مشاكل التقفيل في الآنوس 2088 !

ما هيى عيوب التقفيل اللى فى الجين 2

الكلمات الدلالية لهذا الموضوع

المفضلات

المفضلات

ضوابط المشاركة