الموضوع: افيدوني كيا سيراتو الشكل الجديد مش ثابته وبتسحف في الفرامل

المشاركة الأصلية كتبت بواسطة tasaka

كلام دقيق جدا .. و للتذكره اول ظهور لسيارات المرسيدس الصغيره ( اعتقد الفئه a او b ) .. السياره انقلبت اثناء اول ظهور رسمى لها .. و كانت فضيحه ( و لكن عذر مرسيدس ان هذه كانت اول تصميماتها للفئات الصغيره ) .. و كان الحل ( المؤقت طبعا ) بأضافه انظمه سلامه نشطه لتسويق السياره .. و لكن السياره نفسها غير ثابته او متزنه طبقا للتصميم الفيزيائي ..

و مثال آخر على ذلك طائرات f-117 , B2 فهى ايرديناميكيا غير متزنه و لا يستطيع الطيار السيطره عليها اثناء الطيران , و لكن يتم ذلك عن طريق كمبيوترات الطائره فقط

افضل نظام سلامه هو الذى يحققه التصميم المبنى على القوانين الفيزيائيه الطبيعيه ( هذا هو الفيصل و الاساس ) .. و تكون انظمه السلامه النشطه عامل اضافى يزيد من الامان

تحياتى و اعزازى

كانت مرسيدس A-Class في سنة 1997... وكان الكلام ده في اختبار لمجلة Teknikens Värld إحدى مجلات السيارات المتخصصة في السويد.

ومن ضمن الاختبارات حاجة اسمها "اختبار الأيائل" (Elk Test أو Moose Test) وده عبارة عن حركة مناورة مفاجئة تعملها على سرعة 60-70 كم/س علشان تتفادى الاصطدام بواحد من الأيائل اللي بيعدوا الطريق كتير هناك..



تعليق مرسيدس إن العربية غير مصممة للاستخدام المتطرف ده.. وده السبب إن العربية ما نزلش فيها أنظمة السلامة النشطة الموجودة في باقي سيارات مرسيدس..

وبالتالي مرسيدس عملت تعديلات كبيرة على العربية (كلفتها حوالي 250 مليون دولار.. ده غير السمعة اللي اتأثرت) علشان يركب عليها أنظمة السلامة دي .. واستدعت كل السيارات اللي اتباعت على مستوى العالم (2500 سيارة في وقتها) علشان تتعدل هي كمان.

Mercedes A-class W168

بالمناسبة .. الأيائل نوع من الغزلان كبيرة الحجم .. بحجم الحصان تقريباً أو أصغر من الجمل قليلا.. والاصطدام بواحد منها بيسبب كارثة.




ربنا يحفظنا ويحفظكو


...