اشتريت سيراتو ٢٠١٣ الشكل الجديد وكنت راكب قبلها سيفيك ٢٠٠٩ فا بصراحه حاسس ان العربيه مش ثابته اطلاقا وكمان في الفرامل لما بافرمل فجاه العربيه بتسحف ياترى دا طبيعي ولا العربيه فيها مشكله يارجاله
اشتريت سيراتو ٢٠١٣ الشكل الجديد وكنت راكب قبلها سيفيك ٢٠٠٩ فا بصراحه حاسس ان العربيه مش ثابته اطلاقا وكمان في الفرامل لما بافرمل فجاه العربيه بتسحف ياترى دا طبيعي ولا العربيه فيها مشكله يارجاله
..
انت بعد السيفيك .. موش حتجد عربيه كورى او حتى يابانى تضاهيها فى الثبات .. دى افضل ميزه فى السيفيك من وجهه نظرى
انما ممكن تقارن مع اللى راكبين كيا و شوف عربيتك زيهم ام بها عيب
انا كان معايا زمان عربيتين كيا ( سيفيا اتوماتيك و شوما ) .. نعومه و اوبشن افضل من باقى الكورى .. لكن لم ارضى ابدا عن ثباتها و كنت بأحس انها عايمه .. نفس الاحساس اثناء ركوب الامريكى ( احساس شخصى ممكن غيرى لا يوافقنى عليه ) .. يعنى العربيه تحس انها موش تحت السيطره الكامله
و انا كنت اشتريت الاثنين فى نفس الوقت تقريبا .. لم اكن ازيد عن 120 سرعه حتى بعتهم بعد سنتين تقريبا
تحياتى
مش ثابتة اطلاقاً !! اكيد عندك مشكلة
لو مش ثابتة زي السيفيك كلام يعقل ، لكن مش ثابتة إطلاقاً يبقى فيه عيب عندك خصوصا انك بتقول انها بتزحف و انا عن نفسي لا حصلت معايا مع اني ماعنديش abs و لا حد اشتكى من العيب ده في المنتدى
نوع الكاوتش
وطبعا هي ثباتها اقل من الهوندا المقارنه ظالمه
طيب ابيعها ولا اعمل ايه انا بابقي ماشي ١٢٠ وخايف ياجماعه
انا عندى سيراتو 2015 اول فئة وسافرت بيها من الدمام لمكة فى السعودية وكنت ماشى 160 ل 180 وكانت ماشاء الله تبارك الله ثابتة وكويسة . اكيد حضرتك عندك مشكلة ممكن تكون عاوزة تربيط عفشة او ظبط زوايا شيك عليها فى التوكيل وانت هتعرف ان شاء الله
لو ما فيش abd هايكون طبيعى انها تزحف مع الفرمله المفاجأه .
موضوع الثبات ده كان مشكله فى الموديل السابق لكن فى الجديد مش عارف هل موجود فعلا و ﻻ ﻷ ؟ و ايه الظروف اللى فى القياده اللى بتحسسك بعدم الثبات ؟ هل سرعات عاليه بعد ال 120 فى طريق مستقيم و بتحس بعدم الثبات مع تيارات الهوا ؟ او فى الملفات ؟ و ﻻ لما بتعدى حنبك تريلله او اوتوبيس بتحس بخلخله شديده فى الهوا ؟
يفضل انك ما تزودش عن 120 سرعه و ما فيش ﻻ طريق و ﻻ شوارع فى مصر يستحملوا اكتر من كده .
1-طبيعى ان العربية تزحف لما تكبس فرامل لو مافيش abs
2-اعتقد احساس عدم الثبات ده نتيجة انك كنت راكب سييفك و السيفيك غول فى الثبات لو اتقارنت بالسيراتو
السيراتو معايا هنا في السعودية بدون abs.. وما حسيتش بموضوع عدم الثبات ده أبدا.. وباخد ملفات قوية على 100 وساعات 120 ومفيش أي مشكلة.
الكاوتش بيفرق أكيد... ويمكن مقاس الكاوتش عند حضرتك 195/65r15... والأفضل منه في الثبات أكيد هو 205/55r16 وده راكب عندي.
مرة واحدة زحفت بيا وكان ليها ظروف خاصة جدا.. وما هياش حالة نحكم بيها على الزحف..
بس ما دام العربية ما فيهاش abs .. يبقى الزحف شيء طبيعي.. خصوصا لو كانت الأرض فيها رمل أو طينة أو مية.. ويا ما أكتر الشوارع اللي كده في مصر.
...