الموضوع: تجربة جهاز "إنفرتر" سوكام الهندي

المشاركة الأصلية كتبت بواسطة mk3

دى راجعه للكهربائى وشطارته مش واحد بيأدى وياخد 400 جنيه (كتير جدا جدا على فكره وكان ممكن تجيب كهربائى)
الانفرتر عايز مصدر كهرباء هيجبله من تحت اللوحه سلك محمل ويعمل بريزه بره اللوحه يركب عليها بفيشه حلو كده ؟؟
والانفرتر عايز يخرج كهرباء على مفتاح اوتوماتيك متجمع عليه الاحمال المطلوب تشغيلها فبرضه هيعمله بريزه محمله خارجيه بفيشه فك وتركيب قبل مفتاح الاوتوماتيك برررررره اللوحه وده عشان يتشال على بعضيه فى الشتاء
بص على الفيديو هتلاقى 2 بريزه محملين in & out اتمنى اكون وصلتها

انا عارف انه حرامي في اللي أخذه، وانا موضح كده ومش هتعامل معاهم تاني، بس انا فهمت حضرتك عايز توصل ايه وان شاء الله هبقى اعمله في شقتي، بس حضرتك مركبه عندك ولا بتستورده؟

المشاركة الأصلية كتبت بواسطة فتح الباب

والسؤال الجوهرى هنا الجهاز ده ٢٤ فولت اى بطاريتين ما الفرق بين الجهاز ال ١٢ فولت وبين ده هل الجهاز ابو بطاريتين يعطى وقت اكتر ولا فولت اعلى علشان دى هبنى عليها حسابات ماديه لو تكرمت

هي الأجهزه قدرات والقدرات حضرتك اللي بتحددها حسب انت عايز تشغل ايه، انما تشغلهم قد ايه ده المسؤول عنه قدرة البطاريه، يعني الجهاز ده 1500 وات، علشان انا احمالي 1500 وات، في جهاز تاني 900 لو حضرتك احمالك اقل تجيبه، الاول احسب حضرتك عايز تشغل ايه وبعدين نحدد الجهاز والبطاريات، علماً بإن ال 900 ده 12 فولت يعني بطاريه واحده بس :)

المشاركة الأصلية كتبت بواسطة طارق _عبد السلام

يافندم ربنا يبارك فيك........... والشكر لحضرتك ... ولا داعى للشكر احنا هنا اخوه وبنتمنى الفائده والخير لبعض

وماشاء الله جهاز رائع ونقلك للتجربه مميز جدا

للعلم هو شغال عندى بردوا طول السنه....... واقف مستعد لمواجهه اى انقطاع :)

وعندى البطاريه جافه وليست ديب سايكل والحمد لله من فتره قصيره حدث انقطاع والدنيا زى الفل

بالنسبه لصوته ... هو مالوش صوت دا صوت مروحه التبريد (فانه) بتفضل شغاله طول ماهو بيشحن وطول ماهو شغال فقط.. لكن عند اكتمال الشحن هى واقفه..كلامى بالنسبه لجهازى ليمونوس هندى

اما الصفار فهى وقت الانقطاع بتصفر 3 مرات فقط

ووقت وصول الكهرباء مره واحده فقط

وبجد انا بعتبرالفلوس المدفوعه فيه هو يستحقها واكثر ..لانه حل مشكله مزعجه بلا وقود ولا ضجيج ولاعادم ولاتدخل اطلاقا منى وآمن بنسبه كبيره جدا لو فيه اطفال فى البيت



مبرووووووووووووووك


تقديرى

الله يبارك في حضرتك استاذ طارق، هو فعلاً في مروحة تبريد وفصلت اول ما شحن البطاريات، بس انا اقصد صوت صفاره مش صوت صفاره التشغيل او الشحن، لا صوت صفاره كده يعني صوت مرور الكهرباء على المحول نفسه، صوت مش لذيذ تماماً، وموجود 24 ساعه، وكمان الصوت واضح في مقطع اليوتيوب في التجربة بين الأجهزه، صوت زنه ثايت مش صوت التيت تيت تيت وقت التشغيل :) ده اللي انا اقصده، انا كنت هجيب الليمونيس اللي عند حضرتك بس علشان الراجل من المحله كان حاسب عليا المواصلات وزيادة في سعر التركيب فا اتصرفت انا من هنا بقى :)

المشاركة الأصلية كتبت بواسطة طارق _عبد السلام

تمام

لا الصوت ده مش موجود عندى نهائى...... هو مجرد مابيخلص شحن صوت المروحه وهو خفيف جدا زى مروحه الكمبيوتر بالظبط .. بتبطل وبتحس ان الجهاز كأنه مش شغال غير بس ان لمبات الاستعداد منوره مش اكتر...
وعذرا ان الراجل بتاع المحله استغل بعد المسافه... انا من يوم ماركبت جهازى اصلا مشفتوش ودايما اسمع انه مسافر ممكن الرجاله فى المحل بيشتغلوا على هواهم .....

كده يبقى لازم تعمل له مفتاح فصل وتوصيل. خارجى بس هتضطر تسيبه شغال فى الصيف علشان متقومش تشغله

انا عندى مش شايف اى مشكله ان الجهاز يفضل شغال على طول لانه كده محافظ على شحن البطاريه كامله........ وبردوا معنديش مشكله الصوت

ربنا يبارك لك والدنيا تظبط ان شاء الله والكهرباء تنتظم ومتحتاجوش غير فى الدروريات

للأسف انا عندي صوت صفاره مستمر دايماً، يمكن علشان الجهاز ده سوكام واللي عند حضرتك ليمونيس، خصوصاً إن الصوت انا سمعته على اليوتيوب في كل الأجهزه مفيش فرق، صوت مرور الكهرباء على المحول بمعنى أصح، عموماً انا هجيب جهاز تاني ان شاء الله وهقارن الصوت وربنا يسهل، بالنسبه لإنه شغال علطول فهو قالي اه مفيش مشكله فعلاً لأنه كده شاحن البطاريه وبيحافظ عليها، بس المشكله في الصوت المزعج ده :(