المشاركة الأصلية كتبت بواسطة eng. Mostafa
وعليكم السلام ورحمة الله وبركاته
ألف شكر لحضرتك علي تعاونك معايا, وبجد حضرتك بتفدني جدا, ربنا يجعله دائما في ميزان حساناتك, ومعلش استحملني في النقاش معايا, لاني بحاول اوصل لافضل حاجة
حتة البنزين دي, انا تقريبا همشي يوميا من البيت لحد الشغل رايح جاي حوالي 100 كيلو عشان حضرتك تكون معايا في الصورة, لاني ساكن خارج القاهرة وشغلي في القاهرة, يعني في الشهر كدة حوالي 2500 كيلو, يعني رقم كبير
ومن خلال تعليقات الناس عالسويفت لاقيت ان استهلاكها حوالي 17 كيلو لكل لتر, يعني هتستهلك بحوالي 380 جنيه بنزين شهريا, وبخصوص الرينو فاعتقد بتعمل 13 كيلو لكل لتر علي حسب ما قرأت يعني حوالي 500 جنيه, وده الفرق شهريا
نقطة كمان مهمة جدا كانت تايهة عن بالي, وهي ان طريقي خصوصا برة القاهرة مليان مطبات ومطبات عالية جدا وساعات بيكون الطريق غير ممهد من الاساس ومليان حفر, يعني محتاج عفشة قوية, فمش عارف انهي عفشتها اقوي
حاجة اخيرة انا مش من النوع اللي مستعد يلف علي ميكانيكي بصراحة, اخري حد تحت البيت او قريب يعني او التوكيل
وبشكرك علي سعة صدرك