استفسار حول منظف الانجكشن

**طارق صلاح** · 11-04-2015 06:52 AM

السلام عليكم
انا لدي سكودا فيليشيا موديل 2000 انجكشن
عند وضع منظف الانجكشن مع البنزين يتحسن اداء السيارة كثيرا بضعة كيلو مترات ثم ترجع مرة اخري ان السيارة ثقيلة علي الارض و سحبها ضعيف حد عندة معلومة اة السبب

**Abo_Mazen** · 11-04-2015 08:52 AM

خايف أقولك كمية المنظف اللي حضرتك بتحطها قليلة ..تقوم حضرتك مزود كمية المنظف ..تتلف الرشاشات ..أبقى أنا السبب ..عموما ..حاول بقى تنضف الرشاشات الترا سونيك أضمن

**طارق صلاح** · 11-04-2015 03:52 PM

انا بحط الزجاجة علي نصف التنك

**Abo_Mazen** · 11-04-2015 03:57 PM

ما هي كده تمام قوي ..هقولك هتزود كمية المنظف قد إيه تاني؟؟؟..عموما حاول تشوف الرشاشات تتنضف على الترا سونيك أحسن

**ali ashraf** · 11-04-2015 04:17 PM

المشاركة الأصلية كتبت بواسطة m_m_sh_a

ما هي كده تمام قوي ..هقولك هتزود كمية المنظف قد إيه تاني؟؟؟..عموما حاول تشوف الرشاشات تتنضف على الترا سونيك أحسن

معرفش محرك السيارة تربو او gdi حضرتك كنت فى نقاش الموضوع ده امبارح تحت عنوان المحرك الفاشل....البنزين فى مصر اوكتين اقل من المعيار الدولى يعنى 92 جايز يكون 90 و ال95 جايز يكون اقل و الحاصل ضعف قدرات المحرك بعد فترة ده اساس موضوعى امس و اعتقد الواحد يفضل احسن فى محركات البنزين التقليدية

539

**Abo_Mazen** · 11-04-2015 04:25 PM

المشاركة الأصلية كتبت بواسطة ali ashraf

معرفش محرك السيارة تربو او gdi حضرتك كنت فى نقاش الموضوع ده امبارح تحت عنوان المحرك الفاشل....البنزين فى مصر اوكتين اقل من المعيار الدولى يعنى 92 جايز يكون 90 و ال95 جايز يكون اقل و الحاصل ضعف قدرات المحرك بعد فترة ده اساس موضوعى امس و اعتقد الواحد يفضل احسن فى محركات البنزين التقليدية

539

بس مش للدرجه اللي حضرتك قايل عليها دي

**ali ashraf** · 11-04-2015 04:40 PM

لو حضرتك تتذكر موضوع تلف محركات معظم السيارات المرسيدس من كام شهر و مشاكل الرشاشات زى موضوع الاخ اللى كتب المشكلة و الحقيقة ارجع و اقول انا مش متخصص فى الموضعات دى انا مجرد قارئ بس طبعا مش هاين على احط مبلغ معتبر و بعدين الاقى نفسى بدور على ورش و ميكانيكية انظف الموتور و مش عارف اعمل ايه الواحد بيشترى عربية على الزيرو علشان ينسى المشاكل دى كم سنة
946

**طارق صلاح** · 11-04-2015 08:06 PM

يعني الموضوع لية علاقة بضعف طرمبة المبزين مثلا ولا بوبينة الكهرباء. ولا المتور بيتحسن مع اضافة هذة المادة بش مؤقت

**ali ashraf** · 11-04-2015 09:56 PM

المشاركة الأصلية كتبت بواسطة طارق صلاح

يعني الموضوع لية علاقة بضعف طرمبة المبزين مثلا ولا بوبينة الكهرباء. ولا المتور بيتحسن مع اضافة هذة المادة بش مؤقت

أنا مش مهندس و معلوماتى من القراءة على النت ساعات الرشاشات و الاسطوانات تحتاج تنظيف من رواسب الكربون حاول تسأل فى الموضوع ده و ياريت اللى ممكن يفيدك يرد عليك

2965