الموضوع: ايه فايده اننا كل كام شهر نقعد نغير الساعه توقيت صيفي و شتوي ؟؟

المشاركة الأصلية كتبت بواسطة ehabouf

فايدته انك لو بتنام الساعة 3 باليل (علشان ماحدش يقول ان الناس بتسهر) يبقى حاتولع النور من الساعة 6 المغرب الى 3 فجرا = 9 ساعات
بعد تقديم الساعة
حاتولع النور من 7 المغرب الى 3 فجراً = 8 ساعات
يبقى وفرنا ساعة كاملة استخدام كهرباء إضائة يومياً

ده علي اساس ان المحلات و المولات والكافيهات لها مواعيد مش فاتحة 24 ساعة و انوارها اكثر بكثيييير من انوار المنازل.

خلي بالك ان ماحدش حايقر يأخر معاد نومه لأنه وراه شغل الصبح وامور حياتية توقيتها ماتغيرش

لا هيفضل فترة متعذب و بيصحي واقعيا بدري ساعة و يروح الشغل عايز ينام علي ما يتعود علي المواعيد الجديدة و بعد ما يتعود يرجعوا يغيروها تاني في رمضان حتي مش من الاول يغيروا بعد رمضان و خلاص لا لازم الكام اسبوع دول يعذبونا شوية .
في حلول تانية أفضل ذكرتها في موضوع اخر في المنتدي عن الكهرباء . اسمحوا لي اكررها
اولا المحلات و الكافيهات و المولات و كل نشاط تجاري يحتاج لاضاءة عالية يستعمل اللمبه الموفرة و بعدد قليل و طبعا يحتاج هذا الي قرار وزاري او قانون و تفتيش حتي يلتزم الجميع لان للاسف قليل من يلتزم لمصلحة البلد.
عدم ترك نور الشوارع صباحا.
في رمضان طبعا الاستهلاك بيكون عالي زياده .اضعف الايمان منع الزينه الكهربائيه يعني الانوار الزائده في البلكونات و ابواب العمارات و المحلات طول النهار والليل رغم ان استهلاك اللمبات الصغيره بها ليس بكثير الا ان مجموع الزينات دي علي مستوي مصر كلها اكيد هيفرق.
الامر يحتاج الي حمله قوميه لصالح البلد التي هي مصلحتنا مش مصلحة اي حكومة في وسائل الاعلام و بين الناس ووعي ديني ايضا. يعني كل واحد يطفئ النور عندما لا يتواجد في المكان في البيت في العمل في النوادي... كل واحد رقيب علي نفسه. مثلا الحمامات في اي مصلحة عامة او خاصة يترك النور بها طوال اليوم. لو فيه مكان للبريك في اي منشأة تجد ال kettle احيانا يفضل شغال بدون داع. و احيانا في الصيف لو المكان ده به مراوح او تكييف يتركوها بدون داعي ايضا طوال اليوم. لازم نحس بالمسئوليه الجماعية و نوعي الناس.
و طبعا الاكشاك المخالفه و الانوار المسروقه من الشارع اللي علي طول شغاله دي لازملها رقابه مستمرة و البلديه تشوف شغلها.