بص بصراحه واحد صاحبي بصلي عليها
بس بالنسبه للطنابير والتيل هو قالي مش محتاجيين يتغيروا مع ان التوكيل قال يتغيروا ومش هايكملوا معاك 1000 كيلو
لو محتاج مساعده اقدر اقدمهالك قولي اساعدك ازاي
عرض للطباعة
الصوت دا فعلا من المانيفولد و سبب الحرق على العربيه , انت لو رحت لصنايعى كويس ممكن يفكه و بيكون فيه شرخ وبيلحمه بعجينه و الصوت بيروح ( انا عملت دا عندى )
بالنسبه للطانبير لو مفيش هزه في دواسة الفرامل يبقي بلاش تخرطها لان الخرط بيقلل سمك الطنابير و كمان انت مش ضامن ايد الصنايعى اللى بيخرط ممكن يزود في حته عن التانيه و تفضل بنفس المشكله .
التيل بيكون في طرفه حتة معدن بتطلع صوت صفاره عاليه لما يقرب يخلص لما تسمع الصوت دا يبقي تغيره .
انا جربت التوكيل مرتين و لما لقيت مستوى الشغل تعبان قررت امشي على جدول الصيانات اللى في الكتالوج لكن بعمل الشغل كله برا التوكيل
حته المعدن الى فى التيل لو وصلت للطنابير بتاكل فيها لازم تغيير التيل قبل الوصول لحته المعدن دى.بالنسبه لصاحب الموضوع باين جدا ان حضرتك صغير فى السن وبتقرص على العربيه والدليل ان بعد 46الف كم فقط العربيه محتاجه حاجات كتير .من واقع خبرتى 4 سنين مع الحبيبه جين2 لغايه ما بعتها اقدر افيد حضرتك بالاتى:
المانيفولد لازم تغيره مش تلحمه لان فى خطوره من لحامه
الطنابير مهما تخرطها كفاءه الفرامل بتقل غيرها افضل لو فيها ريجه كبيره ودى يعرفها الميكانيكى ولو الدركسيون بيرعش مع فرامل الطوارئ يبقي لابد تغيرها.
التيل غيره بتيل ناعم جودته كويسه لان التيل كل ما يكون ناشف يبوظ الطنابير بسرعه.
السكاترا فى اى عربيه من اسباب تدميرها الى ميعرفهاش ناس كتير الجرى على الارض المكسره.ااى طريق مكسر امشى عليه ببطئ جدا لغايه ما تعديه وعلى فكره عمر الكبالن كمان بيقصر لو اخدت مطبات جامده وانت لافف الدركسيون يعنى مطب مع ملف او المناورى العنيفه على طرق مكسره
ارجو انى اكون افدت حضرتك
شكرا .. طبعا حضرتك افدتني مفيش شك .. انا خلاص غيرت المانيفولد تبع الضمان و الصوت راح .. بالنسبه للفرامل انا مش بحس برعشه بس بحس بتكحيت .. انا حاطط تيل ريمسا امامي و خلفي .. مع العلم ان التكحيت غير مستمر ورعلي فترات متباعده ..
اخوك ف الله مجمد عثمان ٢٩ سنه مهندس اتصالات
اوعى تكون زعلت لما بقولك انت صغير فى السن انا يا سيدى 38 سنه خريج هندسه اسكندريه 2000 وعلى فكره نسبه مش قليله من ملاك الجين مهندسين .لما تقرب من ال40 حتحس ان كل العشرينات صغيرين وخاصه انى بعت الجين لانها كانت برتقالى وكل ما روح التوكيل الاقى كل الى حواليا بيكلمونى كانى جدهم وفاركين العربيات ومطلعين عينها فاخدت انطباع ان كل ملاكها سنهم كده.على العموم انا اسف ما تزعلش بجد.اخوك مصطفى