عرض للطباعة
السلام عليكم يا جماعة.
أنا عندى 23 سنة و اتخرجت السنة اللى فاتت و متخلف عن الجيش دلوقتى و كنت عايز اعمل بدل فاقد لبطاقة الرقم القومى و قالولى انه ينفع اعملها اونلاين , بس كنت عايز اتأكد اذا كان موقفى من التجنيد مطلوب علشان اعمل بدل فاقد ولا لأ؟ و كمان انا بطاقتى القديمة كان فاضلها سنة واحدة و صلاحيتها تنتهى, هل بكده "بدل الفاقد" هيطلع بصلاحية سنة واحدة بس زى البطاقة القديمة ولا بـ7 سنوات عادى؟ شكراً و آسف على الاطالة, جزاكم الله خيرًا.
بص يا باشااقتباس:
المشاركة الأصلية كتبت بواسطة muhammed samy
موضوع الاون لاين ده واقف دلوقتى ومش هيطلعولك بطاقة ..... يعنى ملهوش لازمة
بخصوص صلاحية البطاقة ... بتبجدد عادى من جديد ... مش بتكمل على المدة السابقة
بخصوص موضوع تخلفك عن الجيش معرفش ايه نظامه .... بس خللى بالك واسال كويس
علشان طالما انت تحت ال30 بتكون مشكلة لو وقعت تحت ايديهم
لازم هيحتاجوا موقفك من التجنيد .......... ولما تعملها مش بتكمل على المدة اللى كانت فاضية يعنى هتزيد 7 سنين كمان عادى
أنا طلعت بدل فاقد عادي من غير موقف من التجنيد وبيحسبلك المدة من الأول مش بيكمل على المدة القديمة بس سيبك من حوار الأونلاين وروح السجل المدني علطول
حضرتك حصل معاك كده عن تجربة شخصية؟ شكرًا على الرد.اقتباس:
المشاركة الأصلية كتبت بواسطة yahiaashraf
تمام. انا بس كل اللى شاغل بالى حكاية الوظيفة, اكتب فيها ايه؟ لان البطاقة القديمة كان مكتوب فيها "طالب" طبعاً, و دلوقتى انا بشتغل فى شغل خاص بينا, يعنى مش وظيفة حكومية. يعنى لو جيت اكتب طالب من جديد, ممكن يطلبوا ختم شئون الطلبة من الكلية او كده.اقتباس:
المشاركة الأصلية كتبت بواسطة أبو آسر
متشكر جدًا على الرد.
اقتباس:
المشاركة الأصلية كتبت بواسطة muhammed samy
لا انا كنت بعمل حاجة اسمها تغير بيانات المهم هى نفس الاستمارة سواء بدل فاقد او تغير بيانات ومن ضمن البنود انا فاكر كان فيها الموقف من التجنيد
هيعملوا ايه لو "وقعت تحت ايديهم"؟ انا مقدمتش من البداية, يعنى متخلف عن الجيش, مش هربان.اقتباس:
المشاركة الأصلية كتبت بواسطة mahmoud nagieb
شكرً على الرد.
أي بيانات قديمة بتفضل زي ما هي لحد ما تقدم بيانات جديدة تلغي البيانات القديمةاقتباس:
المشاركة الأصلية كتبت بواسطة muhammed samy
يعني بطاقتك القديمة طالب يبقى هتفضل طالب من غير ما تحتاج أي إثبات من الكلية
عنوانك القديم على مكان معين هيفضل زي ما هو ومش هتحتاج تثبته لحد ما تقدم بيانات جديدة لعنوانك الجديد لو حبيت تغيره
المتخلف عن الجيش لو وقع تحت ايديهم بيبقى برده في قضية وحبس لكن أعتقد ممكن يكون الحكم مخفف شوية عن الهربان بس الاتنين بياخدوا أحكام ، بس متقلقش تجديد البطاقة أو الرخصة وما شابه ملوش دعوة بالتجنيد لكن حاول تبعد عن أي موطن شبهة علشان لو وقعت تحت إيد الشرطة العسكرية مثلا لا قدر الله هما دول اللي ممكن يفتشوا عن موقفك من التجنيد ويأذوك لكن مصالح الأحوال المدنية أو أقسام الشرطة العادية وإدارات المرور وما شابه ملهاش علاقة بحوار التجنيد والجيش إلا بقى لو طلعوا قانون جديد !اقتباس:
المشاركة الأصلية كتبت بواسطة muhammed samy
ممكن تعملها اونلين لو الوظيفه مش طالب فى البطاقه القديمه و صدقنى روح اعملها فى السجل و لا هتفرق معاهم حاجه خالص و سيب خانه الجيش دى فاضيه خالص و لا حد هيكلمك
اخويا هرب من الجيش دخل و بعدين هرب و عمل 3 بدل فاقد من ساعتها و عمر محد كلمه و لا ساله فى ايه اصلا
ياباشا متخلف عن الجيش او هربان الاتنين واحد ... ان موقف جيشك مش قانونى وفيها حبس وتقضية خدمة او غرامة بعد سن ال 30اقتباس:
المشاركة الأصلية كتبت بواسطة muhammed samy
المهم ياباشا اللى انا متاكد منه انه مش هيحتاج منك ورق جيش فى البطاقة ... وده انا متاكد منه لانى كنت بعمل بطاقة الاسبوع اللى فات
ولو ليك نقابة ... بتروح تختم ورق البطاقة منها او تصور كارنية النقابة علشان يتكتب فى الوظيفة مؤهلك بدل طالب
وربنا يوفقك
.....
متشكر جدًا على الافادة و الاهتمام. انا دلوقتى بحاول اعرف اذا كان ينفع آجل التجنيد تانى عن طريق انى أدرس من جديد او اعمل دراسات عليا بحيث انى اقدر اطلع 6 جند تانى لو ينفع.اقتباس:
المشاركة الأصلية كتبت بواسطة أبو آسر
سؤال آخير لو سمحت, حضرتك اما روحت بعد سن ال30 علشان تدفع الغرامة, حد ضايقك او قالك ان كان المفروض يتحكم عليك بسجن؟ و الغرامة كانت كام؟. شكرًا
شكرًا على الرد, ربنا يطمنكاقتباس:
المشاركة الأصلية كتبت بواسطة karim alaa
معتقدش ينفع تأجل الجيش تاني حتى لو قدمت على دراسة أو دراسات عليااقتباس:
المشاركة الأصلية كتبت بواسطة muhammed samy
أنا لسة مروحتش أسوي موقفي للأسف متردد شوية لأني ملتحي لكن كل الناس بتروح وبتبقى غرامة عادي أعتقد متوسطها أقل من ٤٠٠٠ جنيه والقانون أيوة في حبس أو غرامة أو الاتنين بس مسمعتش لحد دلوقتي عن حد اتحبس بسبب الموضوع ده
فيه حاجة عايز أوضحها , بالنسبة للمتخلف عن التجنيد تحت 30 سنة , يعنى اللى مقدمش ورق خالص , القانون بيقول ان عقوبته انه يتجند بدون ارجاء يعنى يكشف طبى و لو اتقبل ( و طبعا ده حيتقبل الا لو فيه اعاقة واضحة زى الشمس ) مش حيسمع ارجاء زى الناس العادية و كمان يخدم سنة زيادة ( هى فى الواقع 45 يوم ) ,, أما لو اتمسك ففى محامى قالى انهم بيبيتوه فى القسم و و تقريبا بيبعتوا الشرطة العسكرية تيجى تتعامل معاه , مش فاكر قالى ايه بعد كده , بس أنا فاكر انه قالى الأفضل تخلص فى ساعتها كأن مفيش حاجة حصلت لكن الأكيد ان مفيهاش سجن زى المتهرب من التجنيد ...اقتباس:
المشاركة الأصلية كتبت بواسطة أبو آسر
طيب دى مشكلة, انا لقيت ان فى تعديل للقانون ده بيقول, "جاء فى تعديل قانون خدمة الصف والجنود «يوفر القانون تدبير احتياجات الشرطة من الأفراد المجندين بقرار من وزير الدفاع بناء على طلب من وزير الداخلية»، وغلظ القانون الغرامة الخاصة بالتخلف عن مرحلة الفحص أو التجنيد وأطلق عقوبة الحبس فيها، وحدد القانون تحديد بدء مدة الخدمة العسكرية الإلزامية من تاريخ انضمام المجند إلى السلاح الموزع عليه"اقتباس:
المشاركة الأصلية كتبت بواسطة أبو آسر
انا كمان بنتمى لحزب دينى...اعتقد انه مش مفضل بالنسبة للقوات المسلحة! انا شخصياً مش ملتحى بس اخوانى و والدى ملتحيين, و بالتالى خايف اتعامل معاملة مختلفة بسبب الانتماء ده. و نقطة "و أطلق عقوبة الحبس فيها" دى مش مطمنانى بصراحة.
انا حاولت اعملها اونلين و المهنه طالب رفض و قالى سنك 26 سنه مينفعش اكنبلك طالب من غير ختم الكليه بعد 22 سنه لو خلصت هات الشهاده و تعالى اعمله فى العباسيه و هتجيلك برضه لحد البيت بس نشوف الشهاده لو مخلصتش اختمها من الكليه ده كلامهم لما حاولت من كام سنه اعملها اونلين عشان الكليه مكنتش عايزه تختم عشان المصاريف ساعتها
انت لسة ٢٣ سنة يعني علشان تقعد مستني لحد سن ٣٠ سنة علشان تعمل التصالح وتدفع الغرامة وتاخد الشهادة هتقعد ٧ سنين في قلق وخوف ومش هتعرف تشتغل ولا تسافر فنصيحة حاول تخلص من الحوار ده وتقدم وتقضي المدة بتاعتك ولو الموضوع هيزيد ٤٥ يوم خدمة زي ما الإخوة قالوا فمش هتفرق كتير بس تاخد الشهادة وتخلصاقتباس:
المشاركة الأصلية كتبت بواسطة muhammed samy
كده ممكن يكون كلامك انت صح وأنا كان قصدي لو مكتوب في بطاقتك القديمة حاصل على كذا يبقى مش هتحتاج إثبات جديد وهتفضل زي ما هي حاصل على لكن لو طالب فعلا ممكن يطالبوك بإثبات من الكليةاقتباس:
المشاركة الأصلية كتبت بواسطة karim alaa
الظاهر مفيش قدامى حل غير كده فعلاً و أمرى لله. انا بتعالج نفسياً من "الرهاب الاجتماعى" بقالى 5 سنين, يعنى مش بقدر أكون متواجد فى اى مكان فى ناس كتير او فى بيئة مضطر اتعامل مع ناس و اتشارك معاهم كل حاجة بشكل يومى, لكن طبعاً الجيش مش بيهتم بأى حاجة متعلقة بالصحة النفسية ولا المشاكل النفسية. شكرًا ليكم على وقتكم و اهتمامكم.اقتباس:
المشاركة الأصلية كتبت بواسطة أبو آسر
معلش متدراش يمكن دخولك الجيش يكون سبب في علاجك من الموضوع ده شفاك الله وعافاكاقتباس:
المشاركة الأصلية كتبت بواسطة muhammed samy
أهم حاجة تشوف واسطة أو تدفع فلوس علشان تخدم في حاجة إدارية بعيدة كل البعد عن الاشتباكات والضرب واللي بيحصل ده
متشكر ربنا يكرمك. معرفش حد مهم فى المؤسسة العسكرية. لو حضرتك تعرف حد بيقدم الخدمة دى مقابل فلوس ياريت تقولى عليه, معنديش مانع ادفع له.اقتباس:
المشاركة الأصلية كتبت بواسطة أبو آسر
ده طلب تقديم رشوة علني وصريح خلي بالك هههههههههاقتباس:
المشاركة الأصلية كتبت بواسطة muhammed samy
أنا للأسف معرفش وسايط برده في السلك ده ولو كنت أعرف كنت خلصت نفسي وأخدت الشهادة من بدري :)
انت دور في العيلة عندك أكيد هتلاقي حد يعرف واسطة ولو من بعيد
اقتباس:
المشاركة الأصلية كتبت بواسطة أبو آسر
هههههههه ما انا حاولت آجمل نقطة الرشوة دى و اكتبها "خدمة" لكن... هحاول الاقى حد. متشكر جدًا على اهتمام حضرتك و يارب مشكلتك تتحل على خير ان شاء الله قريب, و ابقى طمنا عليك.