الموضوع: ايه اخبار القاشقاى 2015

المشاركة الأصلية كتبت بواسطة ramykimo

الكلام ده مش مظبوط.. فين التحاليل دى؟ تانى حاجة مصر او مش مصر البنزين عموما مستورد من بره و مش بيتكرر فى مصر المشكلة اللى اتفق معاك فيها هى سوء حالة التانكرز او محطات البنزين او العش و الخلط لكن مش تغيير رقم الاوكتان

خد يابشا ..إضرب اللينك ده وقولي إيه رأيك ..على فكره كان في موضوع معمول هنا في المنتدى عن نفس القصه ده ..بس للأسف مشاركتش فيه عشان كده مش عارف أوصله ..بس اللينك ده يوفي بالغرض

بالمستندات.. الحكومة تبيع بنزين 92 على أنه 95 - المصريون

المشاركة الأصلية كتبت بواسطة ramykimo

اكون شاكر لو شوفت اللينك بتاع التحاليل دى

وإضرب دي كمان يا مان ..وقولي رأيك

المشاركة الأصلية كتبت بواسطة mohamed zahran

علي فكره بنزين 95 في مصر بيكرر في مصر في معامل ميدور ولا يتم إستيراده, اللي بيستورد جزئيا هو النافتا (بنزين 80) ثم يتم خلط النافتا مع 95 ليتم الحصول علي أوكتين 92

يعني من الآخر مصر مفيهاش بنزين 95 ..وبنزين 95 اللي موجوده ده 92

المشاركة الأصلية كتبت بواسطة ramykimo

انت بنفسك شايف الخبر بيقولك تداول نشطاء .منا عارف ان فى كلام زى كده على النت بس انا لتكلم على خبر مكتوب فعلا على الويب سيت بتاع شركة او مؤسسة . ادخل انت بقى و شوف رد و زارة البترول على الهرى ده لانه جمعوا 400 عينة من 400 محطة مختلفة و النتيجة ان ال95 مطابق .. عموما فى الاخر شوف انت مرتاح لايه و صدقه

البلد: بالفيديو.. البترول: لا صحة لتلوث بنزين "95".. وأجرينا اختبارات على 31 محطة
نائب رئيس هيئة البترول: مصر في حالة حرب ولا نلتفت لأكاذيب وشائعات أعداء الوطن‎ | ona - onews agency - وكالة أنباء أونا
بالمناسبة هى ليه مرسيدس بعد ماعرفت ان البنزين فى مص مش 95 ليه لسه بتنزل عربيات يلزمها 95 ؟؟http://www.youm7.com/story/2014/11/20/%d9%88%d8%b2%d9%8a%d8%b1-%d8%a7%d9%84%d8%a8%d8%aa%d8%b1%d9%88%d9%84-%d8%a7%d9%84%d9%85%d9%87%d9%86%d8%af%d8%b3-%d8%b4%d8%b1%d9%8a%d9%81-%d8%a5%d8%b3%d9%85%d8%a7%d8%b9%d9%8a%d9%84-%d9%81%d9%89-%d9%86%d8%af%d9%88%d8%a9-%d8%a7%d9%84%d9%8a%d9%88%d9%85-%d8%a7%d9%84%d8%b3%d8%a7%d8%a8%d8%b9--%d9%84%d8%a7-%d9%86/1958717

يا باشا ما هي شركة مرسيدس كانت المدعي ..ووزارة البترول كانت المدعي عليه ..أكيد طبعا المدعي عليه هينكر التهمة ..نقوم إحنا بقى نصدق مين؟؟..نصدق اللي إحنا مستريحين له ..أو على الأقل اللي ظاهر على أرض الواقع ..أقول لحضرتك بقى اللي ظاهر على أرض الواقع ..اللي ظاهر على أرض الواقع إنك بتمون عربيتك تبص تلاقيها بتكركر ..وتروح تمونها من حته تانيه تلاقيها بقت كويسه ..الظاهر على أرض الواقع إن التفويله بتعمل معاك مسافات مفاوته من بنزينه للتانية ..الظاهر على أرض الواقع إنك بتحط بنزين من محطه تلاقي العربيه ركبها شيطان ..إشي بتهبب من الشكمان ..وإشي ما بتسحبش وإشي بتكركر ..وتروح تمون من بنزينه تانيه تلاقي الدنيا ضبطت ..الظاهر على أرض الواقع إنك لما بتروح دولة زي السعوديه مثلا وتدخل محطة البنزين عشان تحط بنزين بتلاقي البنزين هناك لونه أبيض ..أو أقرب ما يكون للأبيض ..معرفش أنا إيه البنزين اللي عندنا ده ..إشي أحمر وإشي أخضر ..أقوم أنا بقى ..أتغاضى عن كل العك اللي إحنا بنشوفه في البنزين ده كل يوم ..وأصدق وزارة البترول ..اللي هي أصلا متهم من شركة مرسيدس ..ومني أنا شخصيا ..ويمكن منك إنت كمان ..مين فينا ما إتنصبش عليه وإتحطله بنزين مضروب قبل كده حتى ولو مره ..يا بيه أنا معايا سوزوكي التو تلاتة سلندر 800 سي سي ..يعني لو شوية جاز هيمشوها كويس ..إزاي أدخل بنزينه أحط بنزين المفروض إنه 92 واللتر ب 260 قرش ..الاقي العربيه بتكركر ومتسحبش ..وكركره إيه ..ده بعيد عنك المكنه كانت بتخبط ..إتعكننت يوميها وقلت فيه إيه ؟؟..إيه اللي حصل.؟؟وقلت خلاص همشي بيها بقى كده شوية لغاية ما أبقى أروح لميكانيكي يشوف فيها إيه ..وبعديها بيومين رحت حطيت بنزين تاني من محطه إمارات ..الله أكبر ..العربيه إتصلحت ..شوف إزاي !!!!..يعني بنزين 92 اللي في مصر ..والله العظيم غير مطابق لمواصفات بنزين هيشغل عربيه تلاتة سلندر 800 سي سي ..وعايزني أصدق شركة البترول ..بترول إيه ياعم ..ألا صحيح ..هو النور بيقطع ليه ؟؟؟؟؟؟