أفضل مكان لدورة Python

**Mzeid** · 16-04-2015 12:27 AM

السلام عليكم و رحمة الله و بركانه

كنت عايز أدرس لغة برمجة و أوصل فيها لمستوى كويس, و بعد بحث سريع قررت أني أدرس Python لأنحسب اللي فهمته أنها لغة سهلة و diverse و ممكن أنفذ بيها تطبيفات كثيرة.

و لكن السؤال مين أفضل مكان لدراسة ال Python في مصر, لأني لفيت على مواقع المراكز المعروفة زي New Horizon و YAT و لمن ملقتش.

و لو حد عنده رأي تاني يتفضل يقوله :) لأني مهندس ميكانيكا أصلا و حابب ادخل مجال البرمجة , و شكرا مقدما.

**ahmed_eng2001** · 16-04-2015 12:59 AM

دور على لغات برمجة تعمل بيها انترفيس ... يعنى تبرمج بيها ماكينات كمان عن طريق دوائر تحكم

ممكن تبدأ تتعرف على ال plc .... بحر كبير .... و عندك لغة برمجة ال cnc ... طريقة برمجة سهلة و خاصة لمهندس ميكانيكا
زمان كنا بنستخدم ال c++ و الدلفى فى البرمجة ..و الان اللغات دى راحت عليها

ممكن تلف لفة صغيرة كدة على المايكروكونترولر و برمجتهم

متابع معاك و ربنا يوفقك

**Mzeid** · 16-04-2015 02:00 AM

أنا كنت بدأت من فترة في ال MikroC علشن المايكروكونرولر, ولكن كان فيه نقاط كنت بقف عندها و محتاج أسأل حد فاهم فوقفته مؤقتا غلشان محتاج كمان معرفة بالدوائر الالكترونية و عايز اكمل دراسة في الكومبيوتر و بعدين هرجعله تاني ان شاء الله

**أبو آسر** · 16-04-2015 02:41 AM

حسب علمي صعب تلاقي حد هنا بيدي كورسات في اللغة دي وبشكل عام دورات البرمجة في مصر ضعيفة فلو حضرتك تقدر تتابع كورسات أجنبية هيكون أفضل وأفيد وأوفر 1000 مرة
الحاجة التانية ليه مفكرتش في net. أكثر انتشار وتقدر تنفذ بيها حاجات كتير برده وهتلاقي مراكز كتير في مصر بتدرسها وممكن تاخد شهادة معتمدة من ميكروسوفت هتنفعك كتير