نقاش ، أفضل سيارة فى مصر من حيث الجوده والأمان و توفر قطع الغيار

**2CODE** · 18-04-2015 11:57 AM

المشاركة الأصلية كتبت بواسطة ibrahiiimooo

لأ ممكن
عربيتي فورد فوكس 1 2005 اتوماتيك
استهلاك بنزين حلو
قطع غيار اغلى حاجة بسيطة اوي عن الكوري و قد اليباني و ارخص من كل الالماني (العربية بالمناسبة انتاج مصنع فورد المانيا و تجميع اسباني) و بمناسبة توافر قطع الغيار الحرفيين ما خلتش حاجة (بالمناسبة برضة معانا عربية بروتون جين 2 بنتعب اكتر في صيانتها و قطع غيارها)
ثبات علي الطريق وهمي (ثبات العربيات بيتقاس على ثبات الفوكس)
لو واخد عربية سليمة مش هتعمل حاجة غير انك تغير زيت و فلتر ( العربية معايا بقالها 8 سنين والحمد لله هو ده اللي انا بعمله بس)
العربية من الداخل وسعها حلو( قاعدة العجلات بتاعتها 2615 مم في حين ان قاعدة عجلات الصني الجديدة 2600 مم بس)
ارتفاعها مناسب و ببقى محمل 5 اشخاص و شنط و ما بتحكش

مش للدرجة دي

انا ركتب الـ2007 المانيوال ثاني فئة خليجي الشكل اللي فيها علامه فورد بتتحرك لفتح الكبوت بالمفتاح وكان الثبات مش حلو نهائي !!!!!!

الثبات عمره ما اتقاس على الفورد لعلمك لكن هي عربية حلوه طبعاً بس مش بالشكل اللي متصور ده :)

**م أحمد** · 18-04-2015 02:08 PM

الواحد بيسمع حاجات اول مرة عن الفوكاس

على العموم تكملة البيانات
زوج كبالن 5000 آلاف جنيه
كاوتشة باور (20 سم) ب 220 جنيه
مسمار لمجموعة الكاتينة ب 70 جنيه وبكرر مسمار
بوجيهات ب 230 جنيه
قطع غيار عن واحد فى التوفيقية وواحد فى مصر الجديدة
تكييف ضعيف
واطية فى المطبات

ثبات ممتاز و قوة موتور ممتاز و قوة خامات ممتازة

**carrier** · 19-04-2015 02:04 AM

المشاركة الأصلية كتبت بواسطة ahmedo0o

حبيبىى يا حوده شكراً على سرعه الرد
، بس نسيت أهم جاجه " المرايات " دى أسرع حاجه بتتكسر فى الكبارى ، ، ، الأسعار تمااام قوى وحاجات رخيصه يعنى عندى التكيف العادى بتاع الشقه كباسه بــ 400 جنيه
بس برده سؤال هل فيه صنيعيه كويسين وأسعار التوكيل طبعأ الأضمن بتكون نفس الكلام كدا
هل نفس قطع الغيار ونفس الأسعار ولا إيه
وبرده السعر حاجه بحالتها تعمل كام

ممكن نبذه بسيطه عن السياره وقطع الغيار
وشكراً

.... جين2 .... من جمالها اللى بيركبها مع حد بيعجب بيها وحابب يشتريها

.... عيوبها دلع .... عفشتها بلا مشاكل خالص ..... وحجاتها معمرة

وهتبقى مبسووط جدا مع سيارة ولا اروع .... وبتتباع فى لحظات

ملاءمة جدا لشوارعنا وحوارينا واقاليمنا .....

ليها شخصية وكاريزما بتخطف العين ومن 2006 ومازالت الى الان .... ببرستيج عالى جدا

جين2
...... واقفة فى طابوور الكبار ....

طمانينة المرسيدس فى السفر ... وقوة الاودى فى الجرى ... وعفشة اللوتس فى الثبات

**دكتور خالد** · 19-04-2015 02:25 AM

مع احترامى الشديد للعربيات اللى الاخوة زكروها - بس انا شايف مبالغة شديدة جدااااااااااااااااا - وكل واحد راكب عربية طالع بيها السماء - ولو الدنيا حلوة كده مكنتش البلد كلها ركبت لانوس و فيرنا و اسبيرانزا و بى واى دى

**Ahmedo0o** · 20-04-2015 12:26 AM

2CODE
شكرا على المتابعه
أنا صرفت نظر لإن فيها حاجات قطع غيارها مبالغ فيها

الواحد بيسمع حاجات اول مرة عن الفوكاس

على العموم تكملة البيانات
زوج كبالن 5000 آلاف جنيه
كاوتشة باور (20 سم) ب 220 جنيه
مسمار لمجموعة الكاتينة ب 70 جنيه وبكرر مسمار
بوجيهات ب 230 جنيه
قطع غيار عن واحد فى التوفيقية وواحد فى مصر الجديدة
تكييف ضعيف
واطية فى المطبات

ثبات ممتاز و قوة موتور ممتاز و قوة خامات ممتازة

شكرا على التفاعل أستاذ أحمد
حضرتك بتتكلم عن الفوكاس ولا عربيه تانيه

.... جين2 .... من جمالها اللى بيركبها مع حد بيعجب بيها وحابب يشتريها

.... عيوبها دلع .... عفشتها بلا مشاكل خالص ..... وحجاتها معمرة

وهتبقى مبسووط جدا مع سيارة ولا اروع .... وبتتباع فى لحظات

ملاءمة جدا لشوارعنا وحوارينا واقاليمنا .....

ليها شخصية وكاريزما بتخطف العين ومن 2006 ومازالت الى الان .... ببرستيج عالى جدا

جين2
...... واقفة فى طابوور الكبار ....

طمانينة المرسيدس فى السفر ... وقوة الاودى فى الجرى ... وعفشة اللوتس فى الثبات

carrier
شكرا يا معلم على رجوعك للموضوع بس عاوز أعرف أسعار الصانه الدوريه بتاعها بما إنك من ملاكها
مرايات مساعدين كشافات وارا وقدام الكهربا بتاع العربيه أى حد بيشتغل فيها ولا لازم توكيل
وأنا معجب بالهوندا أكورد بتاعك ونفسى بس البلح غالى

**Ahmedo0o** · 20-04-2015 12:30 AM

مع احترامى الشديد للعربيات اللى الاخوة زكروها - بس انا شايف مبالغة شديدة جدااااااااااااااااا - وكل واحد راكب عربية طالع بيها السماء - ولو الدنيا حلوة كده مكنتش البلد كلها ركبت لانوس و فيرنا و اسبيرانزا و بى واى دى

دكتور خالد
أنا معجب بكلام الإخوه والموضوع نقاش لو فيه عندك تجربه مع عربيه فى الفئة اللى أنا عاوزها قولى عليها
علشان يبقى الموضوع مرجع مفيد بلاش تحطم فى الناس اللى بتساعد مقابل دعوة فى ظهر الغيب مش مستنيه منى أشترى عربيتها ولا مستنيه منى مقابل مادى

**omaranes77** · 20-04-2015 01:30 AM

الجين 2 مليانة عيوب تقفيل وعيوب في الفرامل والكلام عن تجربة موديل 2014
حضرتك شوف باسات 2000. اوكتافيا جولف 4
صني 2006. خليجي

**ibrahiiimooo** · 21-04-2015 04:20 AM

المشاركة الأصلية كتبت بواسطة م أحمد

الواحد بيسمع حاجات اول مرة عن الفوكاس

على العموم تكملة البيانات
زوج كبالن 5000 آلاف جنيه
كاوتشة باور (20 سم) ب 220 جنيه
مسمار لمجموعة الكاتينة ب 70 جنيه وبكرر مسمار
بوجيهات ب 230 جنيه
قطع غيار عن واحد فى التوفيقية وواحد فى مصر الجديدة
تكييف ضعيف
واطية فى المطبات

ثبات ممتاز و قوة موتور ممتاز و قوة خامات ممتازة

و الله العظيم و الله العظيم انا كاتب المشاركة دي على عينى علشان اكتر حاجة انا بكرها ان الواحد يمجد في العربية اللي هو راكبها لمجرد انها معاه بس برده بيصعب على الواحد ان يتقال كلام عن العربية (اي عربية ) من غير معرفة لمجرد انه "بيسمع" حاجات عن العربية
باشمهندس احمد
اولا انا معرفش منين حضرتك جبت ان سعر جوز الكبالن للفوكس 1 5000 جنية لان سعر الكبالن الاصلي للفوكس 2012 اقل من الرقم ده بكتيير و ده رابط لاسعار قطع غيار الفوكس 2012 من التوكيل
http://www.nilemotors.net/Nile/309717-2012.html
و برضه ده لو رقم صحيح فيل ربت حضرتك تقولي اسعار الكبالن الاصلي من التوكيل للبروتون و السيراتو و السيات التوليدو و الانسر و غيرها من التوكيل, يكفي اقول لحضرتك اني مركب كوبلن خارجي شمال صيني معفن ب 140 جنيه بقاله 3 سنين مكحش
العربية ليها قطع غيار جديدة الماني و ايطالي و تركي و صيني برخص التراب و بالمناسبة الكوبلن الاصلي عليه ضمان مدي الحياة طول ما تعمل صيانة منتظمة و بينبص على الكاوتشة بتاعة الكوبلن
البوجيهات الاصلي ب 110 جنيه اللي ب 240 دي البلاتينيوم اللي بتعد 40 الف كم
ما عرفش ايه هو مسمار الكاتينة لان اللي بيغير كاتينة بيغير سير و بلية الشداد بتاع الكاتينة و بيتتباع طقم على بعضة عمرنا ما غيرنا "مسمار كاتينة"
قطع الغيار مالية الدنيا في كل حتة و اسال اي حد راكب عربية فورد بيتعب في انه يجيب قطع الغيار و لا لأ (يا ما لفينا الحرفيين على قطع غيار البروتون الجين 2)
التكييف ضعيف ازاي؟؟؟ الا لو العربية اللي حضرتك ركبتها كان فيها تسريب فريون

**م أحمد** · 21-04-2015 09:08 PM

المشاركة الأصلية كتبت بواسطة ibrahiiimooo

و الله العظيم و الله العظيم انا كاتب المشاركة دي على عينى علشان اكتر حاجة انا بكرها ان الواحد يمجد في العربية اللي هو راكبها لمجرد انها معاه بس برده بيصعب على الواحد ان يتقال كلام عن العربية (اي عربية ) من غير معرفة لمجرد انه "بيسمع" حاجات عن العربية
باشمهندس احمد
اولا انا معرفش منين حضرتك جبت ان سعر جوز الكبالن للفوكس 1 5000 جنية لان سعر الكبالن الاصلي للفوكس 2012 اقل من الرقم ده بكتيير و ده رابط لاسعار قطع غيار الفوكس 2012 من التوكيل
http://www.nilemotors.net/nile/309717-2012.html
و برضه ده لو رقم صحيح فيل ربت حضرتك تقولي اسعار الكبالن الاصلي من التوكيل للبروتون و السيراتو و السيات التوليدو و الانسر و غيرها من التوكيل, يكفي اقول لحضرتك اني مركب كوبلن خارجي شمال صيني معفن ب 140 جنيه بقاله 3 سنين مكحش
العربية ليها قطع غيار جديدة الماني و ايطالي و تركي و صيني برخص التراب و بالمناسبة الكوبلن الاصلي عليه ضمان مدي الحياة طول ما تعمل صيانة منتظمة و بينبص على الكاوتشة بتاعة الكوبلن
البوجيهات الاصلي ب 110 جنيه اللي ب 240 دي البلاتينيوم اللي بتعد 40 الف كم
ما عرفش ايه هو مسمار الكاتينة لان اللي بيغير كاتينة بيغير سير و بلية الشداد بتاع الكاتينة و بيتتباع طقم على بعضة عمرنا ما غيرنا "مسمار كاتينة"
قطع الغيار مالية الدنيا في كل حتة و اسال اي حد راكب عربية فورد بيتعب في انه يجيب قطع الغيار و لا لأ (يا ما لفينا الحرفيين على قطع غيار البروتون الجين 2)
التكييف ضعيف ازاي؟؟؟ الا لو العربية اللي حضرتك ركبتها كان فيها تسريب فريون

قطع الغيار اللى قلتها هى للفورد فوكس سيارة زميلى فى العمل موديل 2006

أنا كاتب المشاركة اساسا علشان موضوع تمجيد كل واحد لعربيته و هو مش عارف ان دى شهادة ممكن بسببها غيره يضيع تحويشة عمر بسبب كلمتين

أنا بسمع كلام عن العربية ...لأ.....أنا كنت بروح معاه اشترى قطع الغيار

لما قال لى زوج الكبالن ب 5000 آلاف الاصلى ما صدقتش الرقم اساسا و قلت اجيبهم لك باقل من كدة عن طريق النت و آخد الفارق مهما كان وافق (هو اكبر منى ب بحاجة و عشرين سنة) دخلت فعلا لقيت العملية تقربا بعد الشحن و العمولات محصلة بعضها

البوجيهات الاصلية للموديل دا مكتوب على العلبة فورد من محل عند بتاع المبردات فى شارع الجلاء ظهر جمعية الشبان المسلمين

حضرتك بقول عمرك ما سمعت عن مسمار كاتينة بس دا كلام زميلى المسمار بيقفل على رجلاش للبلية و العامل معانا فى المكتب بيشهد على ثمنه و العربية ما فيهاش ضبط تقسيمة ساعة تغيير السير و لو فكيت المسمار دا بيتلف و دا السر فى سعره المبالغ فيه زى بقية قطع الغيار المولعة

للاسف كلامك فكرنى ببقية قطع الغيار اللى اضطر يغيرها
زيت فتيس ب 1200 جنيه (للبيجو ال 406 2000 سى سى 500 جنيه و للرينو 120 جنيه نفس موديل هذه السنين ) الفتيس له فلتر بيتغير و متركب مغناطيس تحت علشان الرايش

طلمبة بنزين اصلية ب 2500 جنيه و استيراد 1800

بادج الفورد ب 250 جنيه اللى على الشنطة

جوز مرايات أجناب ب 2500 جنيه او 3000 مش فاكر - صينى بغماز جانبى الجوز ب 1200

مقبض الباب مالقهوش جديد

عقربة فتيس (حتة كارتة كمبيوتر) عند اكرم جروب لما كان ماسك التوكيل ب 4000 آلاف جنيه

قطع الغيار عند بدروسيان فى التوفيقية و محل فى مصر الجديدة و اكرم دا كان شماط

تيل امامى اصلى مش فاكر ب 600 او 850 جنيه

ليه يعنى كل دا لعربية موديل 2006

لما نزل اعلان للعربية 3 اتصلو بيه

انا لما قيمت العربية ذكرت نقاط القوة فيها بجانب نقاط الضعف و دا اللى حبيته يكون فى رد حضرتك

و اخيرا زميلى بعد ما جاب جوك 2014 بيتحسر على الفورد دى لمتانتها و بيتمنى لو كان لحق عروض الفطيم الوكيل الجديد على العربية

**ibrahiiimooo** · 21-04-2015 10:21 PM

المشاركة الأصلية كتبت بواسطة م أحمد

قطع الغيار اللى قلتها هى للفورد فوكس سيارة زميلى فى العمل موديل 2006

أنا كاتب المشاركة اساسا علشان موضوع تمجيد كل واحد لعربيته و هو مش عارف ان دى شهادة ممكن بسببها غيره يضيع تحويشة عمر بسبب كلمتين

أنا بسمع كلام عن العربية ...لأ.....أنا كنت بروح معاه اشترى قطع الغيار

لما قال لى زوج الكبالن ب 5000 آلاف الاصلى ما صدقتش الرقم اساسا و قلت اجيبهم لك باقل من كدة عن طريق النت و آخد الفارق مهما كان وافق (هو اكبر منى ب بحاجة و عشرين سنة) دخلت فعلا لقيت العملية تقربا بعد الشحن و العمولات محصلة بعضها

البوجيهات الاصلية للموديل دا مكتوب على العلبة فورد من محل عند بتاع المبردات فى شارع الجلاء ظهر جمعية الشبان المسلمين

حضرتك بقول عمرك ما سمعت عن مسمار كاتينة بس دا كلام زميلى المسمار بيقفل على رجلاش للبلية و العامل معانا فى المكتب بيشهد على ثمنه و العربية ما فيهاش ضبط تقسيمة ساعة تغيير السير و لو فكيت المسمار دا بيتلف و دا السر فى سعره المبالغ فيه زى بقية قطع الغيار المولعة

للاسف كلامك فكرنى ببقية قطع الغيار اللى اضطر يغيرها
زيت فتيس ب 1200 جنيه (للبيجو ال 406 2000 سى سى 500 جنيه و للرينو 120 جنيه نفس موديل هذه السنين ) الفتيس له فلتر بيتغير و متركب مغناطيس تحت علشان الرايش

طلمبة بنزين اصلية ب 2500 جنيه و استيراد 1800

بادج الفورد ب 250 جنيه اللى على الشنطة

جوز مرايات أجناب ب 2500 جنيه او 3000 مش فاكر - صينى بغماز جانبى الجوز ب 1200

مقبض الباب مالقهوش جديد

عقربة فتيس (حتة كارتة كمبيوتر) عند اكرم جروب لما كان ماسك التوكيل ب 4000 آلاف جنيه

قطع الغيار عند بدروسيان فى التوفيقية و محل فى مصر الجديدة و اكرم دا كان شماط

تيل امامى اصلى مش فاكر ب 600 او 850 جنيه

ليه يعنى كل دا لعربية موديل 2006

لما نزل اعلان للعربية 3 اتصلو بيه

انا لما قيمت العربية ذكرت نقاط القوة فيها بجانب نقاط الضعف و دا اللى حبيته يكون فى رد حضرتك

و اخيرا زميلى بعد ما جاب جوك 2014 بيتحسر على الفورد دى لمتانتها و بيتمنى لو كان لحق عروض الفطيم الوكيل الجديد على العربية

بص يا سيدي
بالنسبة لزيت الفتيس كلام حضرتك مظبوط تماما لان سعره كان غالي جدا ايام فكري ما كان ماسك التوكيل دلوقتي رخص كتيير بالمقابل زيت الفتيس للفورد ارخص من الزيت الاصلي لباقي العربيات الالماني باستثناء الاوبل يعني ارخص كتير من الزيت الاصلي لفتليس مجموعة الفولكس كلها و بالمقابل فتيس من غير اي مشاكل طوال فترة تشغيلة طول ما بيتحطله الزيت الاصلي مش زي فتايس الرينو و البيجو 406 اللي هتوفره على الزيت حتصلح بيه الفتيس
النقطة التانية ان كل اللي حضرتك ذكرته دي اسعار قطع الغيار الاصلية بسعر الوكيل "الشماط" بس ياريت حضرتك تقولي اسعار قطع غيار البيجو 406 في التوكيل كام و نقارنها بالفورد
الخلاصة ان اسعار قطع الغيار الاصلية من التوكيل اكيد غالية و ده مش في الفورد و بس ده في كل العربيات لكن الفوكس النهارده زي ما قلت ليه قطع غيار الماني و ايطالي و تركي و صيني برخص التراب و كمان اسعار الاستيراد قليلة اللي حايقول على قطع غيار الفورد غالية ياريت يقولنا على اسعار قطع غيار عربيته من التوكيل عامله ازاي و نقارنها ببعض