عربية مغيرة موتور بسبب كارتيرة الزيت ....أشتريها ولا لأ؟؟؟

**essamz** · 16-04-2015 11:21 PM

قدامى عربية جين تو حالتها العامة جيدة جدًا ، لكن المشكلة إن صاحبها مغيرلها الموتور بسبب إنه أخد مطب جامد فكارتيرة الزيت الخرمت والزيت اتصفى والموتور الفابريكا باظ،،، وغيره بموتور استيراد ..... هل كدة العربية تعتبر معيوبة، وأشتريها ولا لأ خصوصًا إن سعرها عادى يعنى صاحبها مش منزل فى سعرها ولا حاجة ... وهل فى حاجة ممكن أشيك عليه عشان اتأكد من سلامة باقى أجزاء العربية.

**asas630** · 17-04-2015 01:37 AM

بس حضرتك مادام المكنة حالتها كويسة وهوا ثبت الموتور الجديد في الرخصة توكل علي الله عادي مفيش مكنة تعيب عربية

بس اهم حاجة تتاكد انه ثبت المكنة الجديدة في الرخصة عشان لو معملش كدا حضرتك حتوجع دماغك في المرور

**essamz** · 17-04-2015 02:03 AM

شكرًا جزيلا يا باشا

**اسامه نور الدي** · 20-04-2015 12:17 PM

تغيير الماكينه لايعيب العربيه خصوصا ان المكن الاستيراد بيبقي فبريكا و يمكن موافته افضل من المكن الي بينزل مصر لانه بيجي معظمه من اوروبا المهم انك تقيس المكنه و سحبها قبل ماتشتري

**Abo_Mazen** · 20-04-2015 02:03 PM

يا سيدي الفاضل ما إحنا قلنا قبل كده ..إفحص شاسيه العربيه كويس ..ما تضمنش المكنه إتغيرت ليه ..ممكن ما تبقاش كارتيره ومطب ..ممكن تبقى حادثه ..بص على الشاسيه كويس قووووووي وإتأكد إن المكنه مثبوته وتوكل على الله