سحب العربيه

**marwan_147** · 17-04-2015 01:45 AM

السلام عليكم
تحيه طيبه للجميع وكل عام وانتم بخير .. عربيتى لانسر سوبر اكشن 2005
انا عندى مشكله كبيره انا كنت راكن فى شارع وانا ماشى فؤجئت بحجره كبيره تحت العربيه لدرجه انى حسيت ان العربيه اتعلقت على الحجره ( منه لله اللى حطها ) المهم النتيجه الاوليه كانت فى الشوكمان غيرت الكحكه بتاعت الشوكمان ومشيت وانا بدخل العربيه الجراش سمعت صوت كده وانا برجع لورا زى تخبيط المهم جرت ارجع واطلع للامام وللخلف اختفى الصوت كل دة وانا لم اشعر بسحب العربيه بس حابب احيطكم بما حدث لى المهم بعدها غيرت طرمبة البنزين لانها كانت وحشة بواحده استيراد وسافرت مشوار الى القاهرة وكانت الصدمه العربيه مبتعديش ال 100 كيلو كشفت فى مصر كبيوتر قالى مفيش حاجه مشيت وانا راجع العربيه مبتجبش 80 كيلو بعدها العربيه مبتجبش 60 وصوت الموتور يعلى ومفيش سحب علما انها تمشى لحد 60 ناعمه وكان العربيه مفهاش حاجه وانا طالع مثلا كوبرى احس ان السرعه قلت وصوت العربيه يعلى .. قمت بعمل الاتى غيرت بوجهات وفلتر بنزين وفلتر هوا ومش عارف اعمل ايه يكون علبه البيئه اتخبطت ولا الفتيس ضاع ولا الطرمبه يكون الراجل حط بتاعت موتور 1300 ولا مفيش فرق بين 1300 و1600 .. كمان مرة كنت بغسل العربيه لقيت بخار طالع من العجل الامامى يعنى العجل كان سخن بعدها لقيت الفرامل بتنزل على مراحل يعنى اما ادوس الاقى الفرمله كانها بتعضعض كده وبعدها اتعدلت لوحدها ارجو من اهل الخبرة المساعدة والتوجيه واسف للاطاله حبيت احكى كل ما حدث وشكرا مقدما تحياتى لكم

**ehabahmedie** · 17-04-2015 02:57 AM

السلام عليكم

معلومة مش عارف هتفيد ولا لأ

مرة غيرت موتور طرمبة البنزين وكان في جزء بلاستيك تحته جوان في جسم الطرمبة خلعناه من مكانه عشان ننظف الفلتر بس الجوان مرجعش مكانه كويس، وكانت النتيجة ان البنزين بيهرب من مكان الجوان وكان سحب العربية بعدها مفيش خالص لأن البنزين المضغوط مش بيروح للموتور

مش عارف هل ممكن تكون حاجة زي دي حصلت معاك ولا لأ؟

بص الجوان تحت الجزء البلاستيك اللي عليه دائرة ده

**marwan_147** · 17-04-2015 03:14 AM

عليكم السلام .. اشكر اهتمامك وحبص علىها برغم انى جبت طرمبه جديده وغيرت كمان الموتور بتعها بس يمكن . بس ياترى كانت العربيه بتاعت حضرتك لما حصل فيها كده مكنتش بتسحب معاك والف شكر لردك تحياتى

**ehabahmedie** · 17-04-2015 04:11 AM

السلام عليكم
العربية مكانتش بتسحب خالص بس معدتش سرعة ال 20

ياريت قبل ماتفك الطرمبة الجديدة اللي راكبة اتأكد بس ان الجديدة بتيجي كاملة بجواناتها بدل ماتفك من أول وجديد

وكمان كان حد من الزملاء قال اننا نتاكد من ان موتور الطرمبة نفسه ركب في مكانه كويس لحد الآخر عشان ميهربش بنزينن هتلاقيه في المشاركة

http://www.nilemotors.net/Nile/15826...post3872774355

**Abo_Mazen** · 17-04-2015 12:47 PM

شيك على الفتيس ..واضح إن الخبطه ليها علاقة بالفتيس

**ahmed_eng2001** · 17-04-2015 02:31 PM

اؤيد كلام العضو الفاضل بانه يجب التأكد من حالة الفتيس

و كمان لازم حد يبص على العجل ليه بيسخن كدة !!!

**ahmed_eng2001** · 17-04-2015 02:35 PM

المشاركة الأصلية كتبت بواسطة ehabahmedie

السلام عليكم

معلومة مش عارف هتفيد ولا لأ

مرة غيرت موتور طرمبة البنزين وكان في جزء بلاستيك تحته جوان في جسم الطرمبة خلعناه من مكانه عشان ننظف الفلتر بس الجوان مرجعش مكانه كويس، وكانت النتيجة ان البنزين بيهرب من مكان الجوان وكان سحب العربية بعدها مفيش خالص لأن البنزين المضغوط مش بيروح للموتور

مش عارف هل ممكن تكون حاجة زي دي حصلت معاك ولا لأ؟

بص الجوان تحت الجزء البلاستيك اللي عليه دائرة ده

كلام حضرتك مظبوط ....

الجزء البلاستيك ده طبة ( الى يعرف وظيفتها ايه يبلغنى ) ... و تحتها اورنج ( جوان ) و لازم يركب فى مكانه كويس
من فترة قصيرة .. نسيت ابدل الجوان ده و احطه فى فلتر البنزين الجديد ... العربية مكانتش راضية تدور

و الى اكتشف الموضوع ده عم حمدى الفنى ( الميكانيكى )

و لكن ... طالما العربية بتشتغل و الار بى ام بيعلى معاك ... ده معناه ان البنزين بياخد كفايته من البنزين
و ده يخلينا ندور على سبب اخر لضعف السحب

**marwan_147** · 17-04-2015 02:37 PM

الف شكر على الردود وماذالت المشكله قائمة

**marwan_147** · 17-04-2015 02:41 PM

يعنى يا احمد طالما الارب بى ام بيعلى يبا المشكلة مش جايه من الطرمبه والله انا شكيت ان يكون الراجل ادانى طرمبة بتاعت عربيه 1300 ... وعلى فكر كل ما اروح لميكانيكى يقولى فلتر البنزين علما انى مغيره

**Mecha** · 17-04-2015 02:46 PM

فيه حاجتين حصلوا .الاول حساس o2 في خط الشوكمان ممكن اتخبط او ضفيرته في رقعة الحجر ,والتاني ركبت طرمبة بنزيم استيراد يعني مستعملة يعني ممكن حالتها سيئه.

الموضوع: سحب العربيه

LinkBack

أدوات الموضوع

عرض

سحب العربيه - انشر الموضوع فى :

-

-

-

-

المواضيع المتشابهه

الحقونى ..... مفتاح العربيه جوه العربيه و العربيه مقفوله e90

دخان ابيض او ازرق لما اسيب العربيه يومين ويظهر لماادور العربيه

صوت خروشه لما العربيه بتكون دايره وبتروح لما افصل العربيه ممكن حل؟

ايه رأيكم في تهبيط العربيه ، ناوي اظبط العربيه بمساعدة أيمن مومو

فلشيا الفرق بين اداء العربيه الصبح واداء العربيه باليل

الكلمات الدلالية لهذا الموضوع

المفضلات

المفضلات

ضوابط المشاركة