الموضوع: تقفيل فرش السقف فى الفلوانس

المشاركة الأصلية كتبت بواسطة yasser100

يا باشا ما انا رديت عليك فى الموضوع ده . انا شوفت بس مش موجود عندى . روح التوكيل و من غير اتصال كمان و ده حقك فى 1000 كم الاولى . الموضوع مش صعب علشان تقفل كده :) . همه عندهم متخصصين فى الفرش و الحاجات دى . بالنسبه لتيل الفرامل هاتلاقيه رمل او تراب لانه تيل الفلوينس ما بيصفرش . اغسل العجل كويس هاتلاقيه راح .

الموضوع بسيط :) . روق .

أستاذ ياسر انا عارف والله انى ازعجتك وانك ما اتأخرتش ورديت بس انا قلت ابعت أسأل فى المنتدى وكل واحد يشوف عربيته علشان اعرف هى كل تقفليها كده ولا انا لوحدى

المشاركة الأصلية كتبت بواسطة hany saad

العزيز أستاذ roland،
أنا بصيت عندى و لقيت نفس اللى حضرتك بتقول عليه بل أضف إلى ذلك أنه كمان موجود فى الناحية الأمامية مش الخلفية بس!!!
السؤال هنا هل ده عيب تقفيل أو سؤ تصنيع؟
الأجابة:
1- لأ هو مش عيب تقفيل لأنه موجود فى كل العربيات مش بعضها و كمان أمامى و خلفى يعنى مقصود و الكلام ده من سنة 2010 دون أى مشاكل
2- طيب هو سؤ تصنيع أو خامات ضعيفة؟ برده لأ دى طريقة نقفيل فرش سقف مختلفة عن اللى إحنا متعودين عليها، الفرش ملزوق فى السقف مش بس كليبسات و مقطوع على قد السقف بالظبط و طريقة التقفيل مش زى السابق بتدخل فى جوان داير ما يدور، لأ عبارة عن لزق و كليبسات
طبعاً حضرتك خايف ألا الخياطة تفك أو الفرش نفسه يفك:
بأكدلك أن ده نفس تقفيل الفلوانس من 2010 و مفيش حد أشتكى خالص من فرش السقف سواء خياطة فكت أو فرش ريح
المناطق دى زى ما بيسموها: مناطق عمياء، يعنى الوصول ليها مش سهل و معلهاش هلك من السائق أو الركاب و الدليل أن تقريباً حضرتك أول واحد من سنة 2010 يلفت نظره هذا، و طبعاً بحييك على قوة الملاحظة و خبرتك فى التقفيل، بس فعلاً لازم حد يقولك علشان تبص على المناطق دى، مش حاجة بتلفت نظرك عفوياً

أخيراً بالنسبة لتيل الفرامل، زى ما ياسر بيه نصح، أغسل العربية و خصوصاً عند العجل و جرب، لو تراب أو ما شابه يبقى هيروح الصوت، انما لو أستمر الصوت موجود يبقى تطلع على التوكيل و الموضوع هيتحل فى وقت قصير

أن شاء الله مشاكلك تتحل و ترجع تانى تنبسط من العربية

تحياتى

باشمهندس تحياتى ليك ولذوقك ومعلش بجد استحملونى شوية انا لسه ما كملتش اسبوعين بالفلوانس واكيد أسألتى الساذجة هاتبقى كتير ,,, هوه فعلا اللى انت قلته اقرب للى انا عايز اقوله او بحاول اوصفه وياريتنى فعلا كنت عارف ارفع الصور ,, انا متعود السقف يبقى حتة واحدة او لباد متقفل او على الأقل فعلا متقفل بجوان لكن شكل القماش سايب كده اول مرة اشوفه وكأنه فعلا مقصوص وبمقص كمان من اخر السقف او بالتحديد من الأطراف ,, ممكن زى انت ما قلت انها مناطق عمياء بس تفتكر مع العوامل الجوية والشمس والحرارة والبرد والتراب والرطوبة القماش ده مش هايتغير او يريح او يفك او اضعف الأيمان ينسل او يفتل ويبقى شكله وحش؟؟

المشاركة الأصلية كتبت بواسطة hany saad

العزيز أستاذ roland،
أنا بصيت عندى و لقيت نفس اللى حضرتك بتقول عليه بل أضف إلى ذلك أنه كمان موجود فى الناحية الأمامية مش الخلفية بس!!!
السؤال هنا هل ده عيب تقفيل أو سؤ تصنيع؟
الأجابة:
1- لأ هو مش عيب تقفيل لأنه موجود فى كل العربيات مش بعضها و كمان أمامى و خلفى يعنى مقصود و الكلام ده من سنة 2010 دون أى مشاكل
2- طيب هو سؤ تصنيع أو خامات ضعيفة؟ برده لأ دى طريقة نقفيل فرش سقف مختلفة عن اللى إحنا متعودين عليها، الفرش ملزوق فى السقف مش بس كليبسات و مقطوع على قد السقف بالظبط و طريقة التقفيل مش زى السابق بتدخل فى جوان داير ما يدور، لأ عبارة عن لزق و كليبسات
طبعاً حضرتك خايف ألا الخياطة تفك أو الفرش نفسه يفك:
بأكدلك أن ده نفس تقفيل الفلوانس من 2010 و مفيش حد أشتكى خالص من فرش السقف سواء خياطة فكت أو فرش ريح
المناطق دى زى ما بيسموها: مناطق عمياء، يعنى الوصول ليها مش سهل و معلهاش هلك من السائق أو الركاب و الدليل أن تقريباً حضرتك أول واحد من سنة 2010 يلفت نظره هذا، و طبعاً بحييك على قوة الملاحظة و خبرتك فى التقفيل، بس فعلاً لازم حد يقولك علشان تبص على المناطق دى، مش حاجة بتلفت نظرك عفوياً

أخيراً بالنسبة لتيل الفرامل، زى ما ياسر بيه نصح، أغسل العربية و خصوصاً عند العجل و جرب، لو تراب أو ما شابه يبقى هيروح الصوت، انما لو أستمر الصوت موجود يبقى تطلع على التوكيل و الموضوع هيتحل فى وقت قصير

أن شاء الله مشاكلك تتحل و ترجع تانى تنبسط من العربية

تحياتى

وعلى فكرة ياباشا انا اسمى عمر مدير موارد بشرية بس رولاند دى ماركة كذا حاجة عندى وجت على بالى بالصدفة وانا بعمل الأكونت هههههههههههههه

المشاركة الأصلية كتبت بواسطة roland

وعلى فكرة ياباشا انا اسمى عمر مدير موارد بشرية بس رولاند دى ماركة كذا حاجة عندى وجت على بالى بالصدفة وانا بعمل الأكونت هههههههههههههه

شكل حضرتك ليك فى عزف الموسيقي... ماركة رولاند من أشهر ماركات الآلات الموسيقية... وخصوصا الاورجات...

تحياتي...

المشاركة الأصلية كتبت بواسطة ahmedaligsf

شكل حضرتك ليك فى عزف الموسيقي... ماركة رولاند من أشهر ماركات الآلات الموسيقية... وخصوصا الاورجات...

تحياتي...

كلام مظبوط ,, تحياتى لحضرتك