أنا المعتاد عندي إني بنضف فلتر الهوا كل خمس تلاف كيلوا بالهوا ..يعني تقريبا كل غيار زيت ..لكن شفت فيديوهات على اليوتيوب لناس بتغسل الفلتر ..وجايبين منظفات وإسبريهات وبيغسلوا الفلتر وبيسيبوه لغاية ما ينشف وبيركب تاني عادي ..في حد بقى جرب حكاية غسيل فلتر الهوا ..لإنه بصراحه الفلتر عندي يدوب مكمل عشر تلاف كيلو ..وشكله بقى بشع قوي ..المشكلة إن في كذا ميكانيكي شافه وقالي لالالالا ..ده هو فل قوي كده .لسه شويه ما تغيروش دلوقتي ..وبصراحه هو سعره عامل 80 جنيه ..يعني مش غالي قوي .بس برضه مش رخيص قوي ..عشان كده لو ينفع يتغسل ويقعدله بتاع عشر تلاف تاني وأبقى أغيره وخلاص.. ينفع بقى يتغسل..قبل ما أنسى ..هو ما شاء الله بصراحه مش عامل معايا أي مشاكل ولله الحمد