قطع غيار الفلوانس و امكانية صيانتها خارج التوكيل

**karbon** · 19-04-2015 05:26 AM

السادة الاعضاء

انا بفكر اشترى رينو فلوانس 2015 e3, انا بصراحة مسمعتش ولا كلمة وحشة علي الفلوانس, لكنى قلقان من حاجتين بما إنى ساكن فى المنصورة:
1- هل قطع الغيار بتاعتها متوفرة خارج التوكيل و بالأخص فى المنصورة؟ و تقريبا اسعارها غالية ولا لأ؟
2- هل الصنايعية (اللى برة التوكيل طبعا) بيفهموا فى العربيات الفرنساوى ولا لأ؟ عشان الناس مخوفانى اني مافيش حد فاهم فيها.

عندى كمان استفسار تانى, هو انا لو مأمن على العربية, هل التأمين المفروض انه يدفع تمن التصليحات بتاعت العربية؟ علشان لو فى الحالة دى, اريح دماغى و ابقى مع التوكيل علطول!

ارجو المساعدة لأنى محتار جدا

شكرا جزيلا
م/كريم

**yasser100** · 19-04-2015 09:11 AM

كل العربيات الفئات دى لا يفضل نهائي صيانتها خارج التوكيل .

فى المنصوره ما اعرفش بصراحه .

الفرنساوى مش اى صنايعى يفهم فيه بسهوله للامانه . الفرنساوى تكنولوجيا عاليه و كهربا معقده و بيعتمدوا على الحساسات بشكل كبير .

التأمين يشمل الحوادث فقط . الصيانات و الاعطال ﻻ .

توكيل رينو له انتشار كبير فى المحافظات و مراكز خدمته كمان .

**mmsobhi** · 19-04-2015 09:58 AM

عن تجربه .صدقني توكيل اي سياره هو افضل مكان لصيانتها والحصول علي قطع غيار الاصليه .قطعه الغيار الاصليه تستاهل تمنها..وفيه عندك توكيل العدوي بالمنصوره مركز خدمه معتمد لرينو

**ramymechanics** · 19-04-2015 11:34 AM

العربية متحبش اى حد يمد ايده فيها الا التوكيل .. طول ما انت محافظ على كدة مش هتحس بيها و لا هتتعبك ان شاء الله .. قطع الغيار فى منها موجود فالسوق لأنه مشترك مع الشكل القديم و فى منه موجود فالتوكيل بس معرفش حد وقف على قطعة غيار بصراحة .. العربية محترمة جدا و ان شاء الله تبسطك

**تامر.محمد** · 19-04-2015 11:39 AM

كده كده اول كام سنة هتلاقي نفسك طبيعي في التوكيل بس طالما شاري زيرو
لأن العربية في الضمان , و اغلب الناس بتأمن عليها

فأغلب الناس مش بتحتاج برة التوكيل في حاجة خالص تقريبا