الموضوع: خامس مرة السيارة تسخن مني

بص ..أنا لو مكانك هعمل الآتي :
- هروح للميكانيكي وهقوله بص على ثرموستات الكوع ..قافشه ولا مش موجوده أصلا ..وعموما لازم تشيلها عشان تبدأ تخش على المرحله اللي بعديها في التجربة عشان تقدر تعرف المشكلة سدد في الريداتير ولا في نفخ من وش السلندر
- تروح لواحد بتاع ريداتير وتخليه يغسل الريداتير ويسيخه ..يسيخه مش يغسله وهو راكب والكلام ده ..يسيخه يعني الخزنه اللي فوق دي تتفق والريداتير يتسيخ ماسورة ماسورة
- تعمل بقى إختبار كبس المحرك مع نفسك ..وده تعمله إنك تخلي العربيه بايته من إمبارح بارده تماما وبعدين تيجي تقوم مزود القربه مياه لغاية ما تخليها واصله لفوهة القربه وبعدين تقوم مدور العربيه ..لو لقيت المياه بتفور من القربه أو نطت من القربه مع بداية الدوارة يبقى كده العربيه دي فيها كبس من غرف الحرق لدورة المياه ..خلي بالك الإختبار ده المفروض يتعمل من الريداتير ..ولو ما عندكش ريداتير يبقى هعمل الموضوع ده من القربه زي ما أنا كاتب ..أنا لو مكانك هعمل كده بنفس الترتيب اللي أنا كاتبه ..خلي بالك ..ده كل اللي أنا قايله ده على إعتبار إن مفيش طحينه لا في القربه ولا في ا لريداتير ولا في المكنه

راجع علي المراوح الاول وبعدين دورة المية كلها وبعدين تنضف الرادياتير وتغسل دورة المية