الموضوع: مقارنة غريبة اشترى ايه بديل للفوكس تكون اكبر

هي مقارنة فعلا غربية و اتمنى ان ما حدش يبخل عليا برده و اتمنى مشاركة الاستاذ احمد فهمي المحترم
القصة باختصار ان انا معايا دلوقتي عربية فوكس 2005 اتوماتيك بقالها 8 سنين الحمد لله ما قصريتش معايا ابدا و كنت بهلكها و استخدام كتيير لكن الحمد لله العربية ماشية كويس معايا و مصاريفها معقولة جدا (فتحت بقها شوية صغيرين بعد ما عدت ال200 الف كم و لكن تم استبدال بعض المكونات الاساسية زي الريداتير و طرمبة البنزين و المساعدين الاربعة و الكبالن) من فترة بسيطة و العربية دلوقتي بقالها سنتين الصيانات و تغيير الزيت و الفلتر و بس و طبعا مع العمر الطويل ده بقيت حافظ العربية كويس و كل مسمار فيها
طب السؤال فين ؟؟؟
السؤال دلوقتي ان اسرتي كبرت و بقيت محتاج عربية اكبر بالاضافة اني مؤخرا بدات احس بقيمة حاجات كنت الاول بعتبرها كماليات مرفهة ( زي فتحة السقف و مثبت السرعة و الكراسي الكهربا و غيره) فبدات ادور على بدائل للعربية و اللي كان في دماغي الاتي
1- ناس كتير نصحتني ان احدث موديل العربية لفوكس احدث ( زي ال2009 التوب لاين او 2011/2012) و تبقي العربية ستيشن و ده هايتوفر فية الاوبشن اللي مش موجود عندي في العربية و كمان مساحة التحميل الكبيرة (انا بسافر كتير جدا) بس الراي ده ما كانش نريح بالنسبالي برغم اني حافظ الفوكس لكن حاركب عربية بنفس الموتور و الفتيس (ال2009 مش ال2011) يعني نفس الاداء اللي انا متعود عليه و مش حلبقى حاسس بتغيير كتير و بصراحة مل بقيتش مقتنع بالسيدان و خصوصا في شوارعنا الجميلة و اساليب القيادة المصرية الصميمة
2- الجديد شايفه كله اسعاره مبالغ فيها جدا و اي عربية مهما كانت ماركتها بتخسر كتير عند البيع و برضة حته السيدان ال 1600 انا مابقيتش مقتنع بيه ( اختياراتي كانت تنحصر في الفوكس الجديدة و الشارك و الفلوانس و بعدهم الكورولا الجديدة و الكارينز رغم اني ما بحبش الكوري)
3- وده الاختيار اللي واكل دماغي دلوقتي اني اجرب ال SUV و بالاخص الفورد الاكسبلورر (شايفها انسب عربية SUV بالنسبالي لاني مش حاطلع off road و عربية مريحة في الركوب و من اقرب العربيات ال SUV لركوب السيدان بسبب العفشة الامامية المالتي لينك مش ناشفة زي الجيب و اعتمادية اعلى من الشيروكي و شكل احلى و اكبر و انا مش فارق معايا الترخيص و لا البنزين و بالنسبة لقطع الغيار مش حتكون مشكلة لاني بعرف اجيب قطع غيار الفورد سواء الاوروبي او الامريكي بسهولة) و طبعا بسبب السعر المهول للنوع ده من العربيات فالاختيار حا ينحصر على موديل 1997-2000 و العربيه برده حايبقى فيها كل الاوبشن اللي انا عايزة بالاضافة لقوة الاداء اللي انا منبهر بيه ( حربتها اسبوع و بعده ما بقيتش عارف اركب عربية 1600 تاني)
4- فكرت في فترة في العربيات السيدان ذات المواتير الكبيرة و الاداء الاعلى (الفورد التورس- الكرايسلر 300 M/C و اBMW 525) موديلات 98 لحد 2001 بس العربيات دي واطية على الارض و برده امكانيات التحميل صغيرة بحكم انها سيدان
انا اللي عابزه انها تكون عربية ( اكبر- اداء ماتور قوي للسفر-الاوبشن-امكانية التحميل الكبيرة-الارتفاع عن الارض علشان الشوارع) و انا شايف ان معظم ده متحقق في الاكسبلورر بس خايف استبدل عربية مريحاني و انا حافظها بعربية SUV تطلع عيني يا ترى رايكوا ايه؟؟؟؟؟





تم تعديل العنوان
م.ع 7

المشاركة الأصلية كتبت بواسطة ibrahiiimooo

انا اللي عايزه انها تكون عربية ( اكبر- اداء ماتور قوي للسفر-الاوبشن-امكانية التحميل الكبيرة-الارتفاع عن الارض علشان الشوارع)

انا فعلا قولت اللي عايزه و انا عايزه مش كله متوفر في الفانتازيا (عندي الفوكس 2009 الاستيشن التوب لاين برقبتها) و لا الكورولا و لا القاشقاي الجديدة ( انا مش مقتنع باداء العربيات ال1600 حتلى التيربو منها فاكيد مش حافكر فعربية 1200 سي سي )
رينج السعر من 85 لغاية 135 الف
العربيات ال SUV عمرها اضعاف عمر العربيات السيدان و موديل 98 دا مايعتبرش موديل قديم اتفرج على الشيروكي و لا الباجيرو و لا الاند كروزر و لا حتى الاكسبلورر الموديلات اللي اقدم من كدا كمان شغالة و عامله ازاي, الامريكان لهم مقولة صادقة في النقطة دي (امريكا فيها اكبر عدد عربيات SUV في العالم نتيجة للمسافات البعيدة و السفر ) بيقولوا على العربيات دي (they can run forever)