الموضوع: دريكسيون ميجان حادف شمال

طالما فى اجماع على الاصلية.. خلاص هتوكل على الله واجيب اصلية..

اشتريها منين طيب ؟ انا مش عايز اشترى واركب عند نفس للراجل

غيرت كاوتش الدنيا اتظبطت...

للمعلومات جبت فردتين قدام بريدجستون من اشرفكو عاملين 1300 جنيه الاتنين بالتركيب..

للمعلومات برده اول ما غيرت الكاوتش لاقيت العفشة بقت ناعمه اوى على المطبات انا لو اعرف انه للدرجه دى كنت غيرتهم من غير حاجة..

اخر حاجة بقى للمعلومات برده :)

من كتير ما انا مبسوط كنت طاير بالعربية كلت مطب على 110 العربية طارت كانى بعمل فيلم وكارتيرة الزيت اتكسرت ومشيت بالعربية من مدينة نصر (مكان المطب) للزمالك (لحد ما الزيت خلص) وانا مش واخد بالى انها بتنزل زيت..

فضلت ماشى بالعربية لحد ما وقفت لواحدها واستغربت.. اتاريها مفيهاش ولا نقطة زيت (بمعنى الكلمة)

طبعا لمبة الزيت نورت و لمبة ستوب نورت.. بس قلت لنفسى اكيد العربية هيست من المطب ما العربية زى الفل اهى معايا

الحمد لله غيرت 4 سبايك (استيراد) فى المكنة و كارتيره (جديدة تركى) ب 1100 جنيه بالمصنعية.. والحمد لله مشيت.. بس السحب مش اوى.. فى ناس بتقولى استنى لما السبايك تطبع وبعدين هتظبط.. ويا مسهل..

انا قلت انقل التجربة كاملة يمكن تفيد حد من الاعضاء..

و شكرا يا رجاله لنصايحكوا