الموضوع: هشترى سيارة فيات 131 موديل 81 ومحتاج رايكم

السعر عالي جدا من وجهه نظرى و الافضل لك تحط عليهم 8 الاف او اكثر قليلا و تشترى هونداى اكسيل 95 ( الكامله ال 1500 ) افضل من 131 ميه مره و فلوسها فيها و شكلها حديث و قطعها معمره

ميزة 31 إنها شياله حمايل يعنى ممكن تحط فى الشطنه طن بضاعه " عن تجربه " الـ504 ماتليحشى تشيل كدا جرب جابت كاوتشين ورا
و غير تركب ليها شبكه وبحمل عليها 4 سلالم و بحمل 4 ركاب ورا و 3 قدام يعنى تيتشيل 6 ركاب غير السواق و بضاعه فى الشنطه وسلالم وماشاء الله ما بتحكش فى مطب
انا بكلم لانى عشت عمر مع العربيه دى وحاجاتها ببلاش
بس برده ركز فى كلام الإخوه وخصوصاً الأخ hugan

المشاركة الأصلية كتبت بواسطة على عاطف

السلام عليكم
انا لسة اول مرة اشارك على المنتدى ومحتاج مساعدتكم ورايكم بما انكم خبرة فى العربيات :)
انا لسة جديد فى العربيات ولسة اول مرة اشترى عربية
وقدامى عربية فيات 131 موديل 81 موتورها 1600 ولسة مشدودة ومترخصة ل 2018
لونها ابيض هى فبريكة من جوا ورشت برة نضافة
وفيها حتت هو ممعجنها ولسة مرشهاش
وهيديهالى من غير سماعات لان السماعات الى فيها غالية
هو احنا اتفقنا على 22.5
اية رايكم ف السعر وهل ترشحو لي فيات ولا من رايكم اشوف عربية تانية
مع العلم ان هو مديهالى بالحتت الممعجنة دى والمفروض انى انا الى هرشها

وشكرا ليكم :)

اتاكد من كل حاجة لان رغم ان قطع الغيار رخيصة و لكن ممكن تكتشف انها محتاجة حاجات كتير كدا تعدى ال 2-3 الاف او اكتر ... فلازم واحد متمرس يكشف على المكنة و الفتيس و العفشة كويس جدا لان دول اغلى حاجة تقريبا
و تدور على اشهرالاماكن اللى فيها بارومة
و اى رش داخلي كل دا ينزل من السعر

من رائي الشخصي انضف حالة بمكنة 1600 ماتعديش ال 20
الان ال 1300 افضل فى البيع الطلب عليها احسن