ونسيت تسأل كمان المطبات ايه اخبارها (عن تجربة برضه )
كلام حضرتك مردود عليه
أولا الأحساس بالثبات ملوش دعوة بالسواق نهائي
أنا و أنا قاعد في الجين 2 أو النوبيرا أو الأوبل فيكترا مثلا
قاعد فيها و حاسس ان العربية ماسكة نفسها في كل اظروف
إنما لما أنزل منهم و أركب عربية أقل في الثبات و أحس بكدا
ما أعتقدش أن ده عيب في السواق
إنما لما حضرتك تتعود على ثبات عربيتك دي حاجة و لما تركب أقل منها حاجة تانية
يبقى أنت اللي أتعودت على العربية كدا
مش أنا أو غيري اللي مش عارف يتحكم فيها
و السلام عليكم
مع احترامي لكلام حضرتك بس وجهة نظرك عن الأفيو غلط تماما
العربية تسارعها وحش تحت 2500 لفة وبعد كده طلقة
وإن كان المعيار ليس السرعة فوق أو تحت الـ 100 زي ما حضرتك بتقول إلى إني أقدر أقولك إن الـ 100 التانية بتجي أسرع من الـ 100 الأولى
موضوع إستهلاك البنزين وموضوع العفشة , أنا مش فاهم هو المنتدى عاوز يطلع العربية بتستهلك بنزين بالعافية ؟؟؟ وعاوزين تطلعوا العفشة وحشة قهراً ؟؟
ماحنا معانا العربية من سنين و مشينا بيها ألاف الكيلو مترات في كل شوارع الجمهورية و معندناش شكاوي !!!! أنتوا حتعرفوا عن العربيات أحسن من اللي ركبنها ؟؟ ما انا ماشي بيها أكتر من 70 ألف كيلو ما أخدتش بالي ازي تفتكر من العيوب دي ؟؟ انا وكل اللي ركبينها !!!
بدون شخصنة , أنا بحترم كلامك عن تجربتك مع الجين 2 , فلو سمحت ما تصدرش أحكام على عربية أنت مركبتهاش قبل كده
وبمناسبة طريق الواحات , أنا رحت بيها سيوة العيد اللي فات (ليا موضوع عن الرحلة دي) و السرعة ما نزلتش عن 165 واتمسكت ردار في العلمين و معايا الوصل مكتوب فيه السرعة , أشوف اسكانر و أرفعلكم الوصل
علشان محدش يتكلم عن ثبات الأفيو فوق الـ 100 تاني
طبعا الكلام لغير ملاك الأفيو , وعلى فكرة محدش عنده أفيو اشتكى , كل اللي اشتكوا من ثبات الأفيو , هم اللي عمرهم ما ركبوها
شيئ عيب
يا سيدي أنا بارد على الأخ توت اللي قال
ومفيش تسارع بيتقاس كده أصلا يعني إيه بتجمع كويس لحد 100 طيب و بعد كده بنجيب السرعات العالية إزاي ؟؟ بنستلف من اللي جنبنا ؟؟اقتباس:
بس أنا معاك أن العربية الأفيو تقفيلها حلو و شيك من جوه و موتورها حلو و تجميعه كويس قوي لغاية 100 كم بدون أي مجهود عليه
وبعدين الأخوة اللي بيقولوا على الأفيو سحبها وحش بتقرنوها بمين ؟؟ بالمازدا 3 مثلا وألا السيفيك ؟؟
ده في ناس بتقول على موتور الفيرنا وحش !!!
الأفيو بتعمل من 0 : 100 في 12.1 ثانية وأدي الدليل
http://www.autoteam.co.za/specificat...0)_(2006).aspx
أما الوحش الغبوري
فبتعمل من 0 : 100 في 13.45 ثانية وأدي الدليل
http://www.indiacar.com/roadtest/acc.../techspecs.htm
يعني سحب الأفيو أحسن من سحب الوحش اللي بيقولوا عليه
إنما رغم كل ده حتلاقي برضه كل المواضيع اللي بتتكلم عن الفيرنا بيقولولك ان موتورها وحش (بتسكين الحاء) , أما الأفيو فموتورها وحِش (بكسر الحاء)
والأغرب إن ولا واحد جرب الأفيو , كله سمع عنها , زي الفيلم بتاع وردة زمان اللي محدش شفه وكله سمع عنه
حاجة غريبة قوي بصراحة
السلام عليكم يا أستاذ روقي ruqi
أولا تحياتي
يا أستاذي الفاضل أنا تكلمت عن حاجتين في الأفيو و لم أتكلم عن غيرهم
أولا قلت التسارع لغاية 100 حلو قوي و بدون أي مجهود على الموتور
و معلقتيش تاني و مقولتش هو شكله أيه بعد 100 و لكن حضرتك بدأت تدافع عن شئ أنا لم أقوله
بالنسبة للنقطة التانية اللي أتكلمت فيها كانت عن الثبات
و قلت أن ثباتها معقول
و أنا بتكلم عن تجربة و تجربة كتير
لأني العربية مع واحد قريبي و تقريبا لو خرجت معاها أنا اللي بسوق مش هوه
يعني سوقتها كتير و عارف العربية كويس و مش بتكلم عن سمع
و لما أتكلمت عن الأكسنت ........ قلت تجربة واحد صاحبي علشان أنا مسوقتهاش
طيب هاعلق تاني و بتفاصيل أكتر علشان الموضوع يكون فيه موضوعية أكتر
أنا سوقت العربية الأفيو كتير و متكلمتش عن موضوع استهلاك البنزين
طيب ايه اللي أنا حسيته من الأفيو لو قارنتها بأختها الكبيرة النوبيرا ؟؟؟
أن الأفيو خفيفة خالص في الجري و علشان تحس بكدا لازم تركب النوبيرا
العربية تجميعها حلو جدا تحت 100 و بعد كدا تجميعها قوته بتقل عن ما هو تحت 100
يعني العربية تجيب معاك لغاية 100 بكل سهولة
إنما بعد كدا بتجيب و كل حاجة ........ بس مش زي تحت 100
و ده طبيعي جدا نظرا لتصميم الموتور من نوع SOHC
و ده مش عيب في العربية زي ما حضرتك متصور أن أنا بتكلم عن عيب
هو تصميم الموتور كدا ........ غير المواتير DOHC
العربية خفيفة و تجميعها حلو جدا لغاية 100 و ثباتها معقول و عربية محترمة للمدن بالأساس
و العربية عيوبها قليلة و تقفيلها حلو
ده كل الكلام اللي أنا قلته في المداخلات السابقة لو حضرتك قرأت الكلام كله الخاص بي فقط
إنما من ناحية الثبات و التسارع ......... النوبيرا تأكلها ..... و ده طبيعي علشان حجم الموتور و تصميم العربية و مش عيب في الأفيو خالص
ياريت حضرتك تفهمني و تفهم قصدي اللي جاي عن تجربة مش كلام مسموع من هنا و هناك
وتحياتي لك و لكل الأعضاء
اقتباس:
يعني سحب الأفيو أحسن من سحب الوحش اللي بيقولوا عليه
إنما رغم كل ده حتلاقي برضه كل المواضيع اللي بتتكلم عن الفيرنا بيقولولك ان موتورها وحش (بتسكين الحاء) , أما الأفيو فموتورها وحِش (بكسر الحاء)
والأغرب إن ولا واحد جرب الأفيو , كله سمع عنها , زي الفيلم بتاع وردة زمان اللي محدش شفه وكله سمع عنه
حاجة غريبة قوي بصراحة
بُص يا أستاذ روقي بالنسبة للمقارنة بين سحب الأفيو و سحب الفيرنا
بصراحة مفيش مقارنة خالص بينهم و الفيرنا سحبها جامد جدا و بتقطع عربيات كتير و منهم عربيات أقوى منها في المحرك في القوة الحصانية
الفيرنا على فكرة 105 حصان و الأفيو حاجة و ثمانين حصان
و برضه الكلام عن تجربة مش كلام سمع و خلاص و أرجوا أن حضرتك متزعلش من الكلام ده و أدينا بنتناقش