الموضوع: ارجو المساعدة لشراء سيارة فيةحدود ٣٠-٣٥

البيجو 405 أنا مركبتهاش ..بس كنت بشوفها كتير في الشارع ..والداخلية كانت بتستخدمها كتير في فترة من الفترات ..وكنت معجب بيها جدا ..حتى كنا بنسميها عربيات أتاري ..المهم ..إن من كام يوم قريت كام مشاركه هنا ..تقريبا كده هتخليني أغير رأيي فيها ..والمشاركات كانت بخصوص مشاكل في الحرارة ...وبعدين اللي فهمته بقى من المشاركات دي إن العربيه دي ..اللي هي البيجو 405.. عايزه كهربائي بيجو يشتغل فيها ..وميكانيكي بيجو يشتغل فيها ...أما السيينا بقى ..فهي عربيه جميلة وكويسه ..بس اللي أعرفه عنها إن في ميكانيكية ما بيحبوش يشتغلوا فيها عشان حوضها ضيق ..لكن هي كعربيه سهلة ..مفيهاش حوارات ولا إختراعات ..بس المهم تلاقي ميكانيكي بقى يمد إيده فيها عشان هي مشكلتها إن في حاجات عشان تفكها ممكن تضطر تفور جنب كامل ..زي مثلا الكوبلن الداخلي