اخي الفاضل
مبدئيا انا معي شارك و جبتها في شهر يناير ٢٠١٥
فية كذا نقطة انا عايز اقولهملك
١_ انا قرأت احتياجاتك من العربية وكان ليك هدف انك مش عايز عربية صوتها عالي و تقريبا معظم العربيات اللي في نفس السعر هتلاقيها فيها صوت للمتور حتي الشارك فيها (بس انا بستمتع بصوتها عجبني ) ممكن السيراتو او التيوتا كورولا يكون مافيهمش بس انت كدة هاتعلي بالفئة السعرية .
٢_ تاني حاجة انا عايز اقولهالك اني لما كنت بفكر اشترى من خمسة شهور كنت هاجيب البيرسونا لانها عربية محترمة يعيبها وكيلها اللي سمعتة يقال انها زفت ، انا ماتعاملتش معاه وكمان يعبها سعر اعادة البيع ودة اللي خلاني ابعد عنها و ادوس علي نفسي و جبت الشارك علشان سعر اعادة البيع ، لو تقدر تجيب الشارك هاتها ومش هاتندم
٣_ فية عربية جديدة اسمها سوزوكي سياز انا مجربتهاش ولكن اصحابها بيشكرو فيها جدا
٤_ ابعد تماما عن النيو اوبترا لاني سمعت انها وحشة و مش فاكر صراحة الشكوي كانت من اية بالظبط لان دة كان من فترة
٥_ اللوجان عربية حلوة بس انا شخصيا مش بحبها مش عارف لية انما اسأل عليها كويس وقارن ما بينها وبين البيرسونا كويس

ولو احتجت ايي استفسار انا تحت امر حضرتك