لمبة check engine افيو 2014 اوتوماتيك

**M.sawy** · 26-04-2015 02:39 PM

ياجماعة انا عندى اللمبة الصفراء ( check engine ) بتنور لما ببقى مسافر وماشى على سرعة معينة حوالى 100 مثلا لمسافة طويلة تنور وتطفى تانى يوم بعد اما امشى حوالى 10 كيلو مثلا والموضوع دة مدايقنى جدا والمهندس فى مركز الصيانة المعتمد من التوكيل روحتلة انهاردة الصبح قالى انة حساس باين اسمة الاوكسجين ولما بتمشى على سرعة لمسافة كبيرة بيقرا ان البنزين وحش وتنور اللمبة والبنزين عامة كلة وحش فى مصر فاللمبة بتنور وممكن يكشف عليها بالجهاز وممكن يغير الحساس بس تكلفة على الفاضى واللمبة ممكن تنور بعدها بردة تانى فسالتة طيب الموضوع دة غلط على الموتور او العربية عامة قالى لا وتعايش مع الموضوع دة وانا الصراحة الكلام دة مش مريحنى وسالت ناس معاها عربيات موديلات تانية قالولى نادرا لو حاجة زى دى حصلت لكن انا الموضوع دة بيحصل معايا اسبوعيا السبت والخميس واللمبة تطفى الاحد والجمعة وبردة لزيادة المعلومات السحب تمام ولما باجى ادورها مفيهاش مشاكل ( يعنى مجرد لمبة منورة قدامك بس طبعا تدايق ) كدة يبقى كلامة صح ولو صح فى حل علشان اللمبة متنورش معايا كدة تانى ولا لا وهل دة عيب مثلا فى الموديل 2014 او الافيو عامة ..... رجاء النصيحة وشكرا

**tasaka** · 26-04-2015 02:52 PM

اللمبه موش حتنوور من غير سبب .. و العربيه 2014 يعنى فى الضمان
لازم يحل ليك العيب ده ضمن الضمان .. و خذ الحساس القديم بتاعك معاك ( لو غيرو الحساس )
و اسأله عن رقم كود العطل اللى الكمبيوتر مسجله .. و شوف على النت الكود ده بيدل على ايه

و اقرأ الرد ده علشان تفهم اللمبه بتشتغل ازاى و ليه بتنور .. و ليه بعد كده بتطفى لوحدها
http://www.nilemotors.net/Nile/3875931505-post4.html

تحياتى

**M.sawy** · 26-04-2015 05:39 PM

المشاركة الأصلية كتبت بواسطة tasaka

اللمبه موش حتنوور من غير سبب .. و العربيه 2014 يعنى فى الضمان
لازم يحل ليك العيب ده ضمن الضمان .. و خذ الحساس القديم بتاعك معاك ( لو غيرو الحساس )
و اسأله عن رقم كود العطل اللى الكمبيوتر مسجله .. و شوف على النت الكود ده بيدل على ايه

و اقرأ الرد ده علشان تفهم اللمبه بتشتغل ازاى و ليه بتنور .. و ليه بعد كده بتطفى لوحدها
http://www.nilemotors.net/nile/3875931505-post4.html

تحياتى

هو مغيرش الحساس وقالى تكلفة على الفاضى وممكن تنور تانى عادى حتى لو غيرة وفى الموضوع اللى حضرتك كاتبة اللى فهمتة منة ان اللمبة ازاى بتنور... بس نهائيا اللمبة هتفضل تنور لحد اما الموضوع يتكرر كتير و هيتجاهل الكود فى الاخر خالص..... طبعا انا فهمت اللمبة لية كانت بتنور معايا وتانى يوم بتطفى بس انا عاوز حل للموضوع دة خصوصا ان انا كل مرة بروح اعمل صيانة اكيد بيحطوها على الجهاز علشان يشوفوا لو فى عطل او حاجة وطبعا اللمبة بتكون مش منورة فبيقولى عملنا الصيانة وكلة تمام وبدون ظهور المشكلة دى.... فاية رايك ؟

عموما انا متشكر جدا لحضرتك بس ياريت لو فى اراء تانية من الاعضاء عن تجربة فعلية لان الموضوع دة مدايقنى جدا واللمبة كانت بتنور معايا من اول حوالى 10 الاف كيلو وانا دلوقتى عديت ال 20 الف وبردة لسة المشكلة موجودة ومكنتش بتظهر معايا كتير زى الايام دى

**M.sawy** · 26-04-2015 05:43 PM

وعلى فكرة انا سوقت افيو تانية موديل 2013 وسافرت بيها وعملت نفس الموضوع فهل دة عيب فى العربية عامة ولو عيب فى حل لية ولا فعلا البنزين اللى فى مصر عامة وحش ولا اية انا خلاص هكلم نفسى