خفف الله عنك يادكتور waga
ماتدعيش انت عليهم علشان عربيتك تتصلح بسرعه ...سيبلي انا مساله الدعا انا هادعي بالنيابه
عنك اصلي مفقوع من اللي بيحصل في المنتدي ناس كتير كفاءات محترمه سابت المنتدي
واخرهم محمد ممدوح كان بيساعد ناس كتيره ..
اولا نبتدي بالدعا لمراقبين القسم هنا الجدعان
اللهم بارك في تفوليتهم ...اللتر بلترين يارب العالمين
يارب ..شد سيورهم ونعم مواتيرهم يارب
يارب.. كيفهم تكييف عنب الصيف ده وحافظ علي فريونهم مايطيرش يارب
يارب.. استرها معاهم وابعد عنهم شياطين الاسفلت يارب العالمين
يارب.. يركنوا ببلاش في اي مكان ..
ثانيا ..المراقب اللي بيدي الايقاف الظالم
يارب سخن رادياتيره وفور قربته
يارب الدع جوان تاكيهاته وخرر زيته
يارب عجز مساعدينه ونشف بطاحاته
يارب فقش بيض عجله يارب العالمين
يارب اكسر له كوعته وبوظ له ثرموستاته
محدش قال امين يعني .....ايه خايفين ؟؟؟؟؟
ثالتا العضو اللي بلغ عن waga
علي فكره انا عارفه هو عضو طيب علشان كده ها ديله دعوه صغيره
يارب وز عليه عيال الحته يفسوله الكاوتش
انا هادي فرصه لبقيه الاعضاء الروشين يكملوا دعاوي بافيهات
المفضلات