حسبي الله و نعم الوكيل

**triton** · 15-07-2009 02:47 PM

السلام عليكم اعضاء المنتدي الكرام

انا صدعتكم كتير الايام اللي فاتت و دايما كنتم بتفيدوني بس النهارده المشكله اكبر شويه بس اعذروني لو متكلمتش ممكن يحصللي حاجه

انا كنت شاري عربيتي علي انها عامله 43 الف موديل 2006 و لما كشفت في البنزينه الراجل قاللي ان العربيه عامل بالكتير 50 الف

النهارده كنت بحجز في التوكيل عشان اعمل صيانه ال 50 الف

تخيلوا يا جماعه العربيه عامله صيانه الستين الف قبل ما انا اشتريها بسنه و نص

يعني اكيد معديه دلوقتي التمانين الف و اللي باعها لي لاعب في العداد و مخليه 43 و لما كلمته طبعا عمل زي مانتو عارفين و اتهرب و قاللي ابقي اعرضهالك و ابيعها لواحد تاني

انا في اقصي درجات الاحساس بالظلم دلوقتي ومش عارف اعمل دنا حتي مش عارف العربيه عامله كام

وانا عمال اقول الحاجات اللي عمال اغيرها دي مش حاجات بقالها 40 الف

مفيش غير كلمه واحده اقولها للي غشني ده

حسبي الله و نعم الوكيل

15-07-2009 02:54 PM

كشفت في بنزينة و ما كشفتش في التوكيل ليه ؟

**M.Moustafa** · 15-07-2009 02:54 PM

قول اللهم اجرني في مصيبتي واخلفني خيرا منها،

ما تزعلش مني بس الغلط في جزء كبير منه عليك انت لانك ما روحتش كشفت في التوكيل واكتفيت بالكشف في البنزينه اللي الصنايعي اللي فيها كبيره يحط بنزين مش اكثر من كده.

عموما اعتقد والله اعلم ان العربية حتى لو ملعوب في عدادها سهل يتعرف هيا ماشية قد ايه ممكن تسال التوكيل يشوفلك هيا ماشية قد ايه ومعلش قدر الله وما شاء فعل بس نصيحتي ليك دلوقتي اكشف على العربية في الوكيل كشف كامل عشان تعرف العربية فيها ايه بما ان اللي باعلك العربية كان انسان غير امين فاكشف عليها عشان ما يطلعلكش حاجة فجاة وانت مش عامل حسابك

**mostafabakry** · 15-07-2009 03:10 PM

المشاركة الأصلية كتبت بواسطة col. Eng. Khaled

كشفت في بنزينة و ما كشفتش في التوكيل ليه ؟

+11111111111111

عموما انت قلت حسبي الله و نعم الوكيل و بلغ اللي بعهالك انك مش هتبطل حسبنة فيه خالص عشان لو عنده دم يحس بالغش اللي ارتكبه و يحاول يصلحة و يحلل الفلوس اللي خدها منك بالحرام دي

لا حول و لا قوة الا بالله
الناس بقت سيئة بدرجة فظيعة جدا

**Amr_Moh** · 15-07-2009 04:23 PM

أبسط شك أب انك تاخد رقم الشاسيه وتبس عالفيل بتاع الصيانة فالتوكيل
وتقارن التواريخ وال عداد أبل متشتري

قدر الله وماشاء فعل

**tofy_urban** · 15-07-2009 04:56 PM

متزعلش ياباشا ربنا يعوضك خير و طالما نيتك كانت كويسة يبقي اكيد ربنا شايلك حاجة احسن او شال عنك ضرر ,,, اللهم اجرني في مصيبتي و ارزقني خيراً منها و المهم ان متخليش الموضوع ده يضايقك من العربية

**عمرو عمارة** · 15-07-2009 05:07 PM

قدر الله ما شاء فعل

ماتزعلش نفسك الموضوع أبسط من كده......طلاما العربية حالتها نضيفة مش مهم الكيلومتر حتى لو كانت عاملة 400ألف كم......أهم حاجة ماتخليش حالتك النفسية تأثر على الموضوع ده عشان هتوسوس من كل حاجة في العربية

**ashrafsadany** · 15-07-2009 05:41 PM

اكثر من التوبة والاستغفار والله ربنااا هيرضيك ويخلف عليك بلخيير وهتلاقى نفسك استريحت وابشر لو فعلأ ادرت تستغفر باخلاص

**ahmed_gamal** · 15-07-2009 06:05 PM

ربنا يعوضك خير ان شاء الله
انا بس كنت عايز اعرف حاجة التاجر اللي انت اشتريت منه اسمه ايه و المعرض بتاعه فيين
اصلي نوهت في موضوع قبل كده عن تاجر نصاب و معظم شغله في الميجان و بيلعب في العداد علي طول