الموضوع: مختصر العبارة.. للتهرب من دفع جمرك السيارة

للأسف العديد من الفنانين و كباتن الكورة و رجال الاعمال و خلافه.....كلهم شغالين على الموضة دى....بس لو فكرت حضرتك او حضرتى نعمل كده....هتلاقى بدل القانون الف قانون نزلين على دماغك ...آسف على دماغى و مش هتلاحق ....الله يرحمك يا عم صلاح جاهين قال من 35 سنه يا بلدنا يا عجيبة فيكى حاجة محيرانى....نزرع القمح فى سنين و يطلع القرع فى ثوانى.....انا قلت اللى فى نفسى بس بأسلوب اعتقد محترم و خالى من الأسفاف و ربنا يستر.

الغريب ان معظم الناس اللي قادرين يشتروا العربيه بتمنها بعد الجمارك هما اللي بيعملوا موضوع السياحه ده

مديري السابق كان عامل كده برغم انه يملك اكتر من ١٥ عربيه ، منهم ٥ عربيات فارهه على الاقل ومترخصين ملاكي

الموضوع دة قديم مش جديد و كمان معظمهم بيدخلوا عربيات جيب زي اللاندكروزر و بيرخصوها باص سياحي

المشاركة الأصلية كتبت بواسطة تامر.محمد

جديدة دي !!

وجديدة على انا كمان , علشان مقلش انى عالم ببواطن الامور....الحكاية و ما فيها كنت بسمع فى الراديو امس حلقة عن الفساد و مواطن شغال فى شركة سياحية آثار هذا الموضوع و كان صعبان عليه حق الدولة اللى بيضيع بالملايين من موضوع عربيات ترخيص السياحة و الظاهر ان الموضوع زاد شويتين فى الفترة الماضية و رائحته زكمت الانوف لان الافاضل فى الراديو كان يتكلمون عن الموضوع بأنه من زمان و مش عرفين يحكموا الرقابة على شركات السياحة و قبل الحلقة دى مكنش عندى ادنى فكرة و ياريت الزملاء الافاضل اللى عندهم تجربة فى الموضوع ده يفيدونا زى الاخ الفاضل المشارك معنا بين انه شاهد الامر ده مع مدير شركة سياحية هو عمل فيها فله كل الشكر و التقدير......بالمناسبة هذا نقد و ليس انتقاد.....النقد علشان نعرف عيوبنا و نحاول نصلحها و الغرض النهائى هو الاصلاح و جبر الاخطاء,,,,, الانتقاد عكس ده تماما وهو الهجوم على اى فعل و تصغيره و تحقيره سواء على حق او على باطل و الغرض منه ليس الاصلاح وارجو اعتبار ما كتبته من نوع النقد "الحميد" علشان بلدنا تبقى احسن و هو كثير مننا مكنوش يعرفوا موضوع الجمارك المضروبة فى شركات السياحة