افيدونى فلوينس 2011 والا جيتا 2008 ضرورى جدا

**tenky wenky** · 29-04-2015 03:32 PM

الساده الافاضل اعضاء المنتدى حد يفيدنى فى الحيره بين الاختيار ما بين رينو فلوينس 2011 و فولكس جيتا 2008 بس يكون الرد بتوضيح دقيق لسبب الاختيار

**TeMoON** · 02-05-2015 10:00 AM

لو الجيتا سليمة وحالة نضيفة وزيت الفتيس متغير ومش متهانة اتكل على الله مش هتندم عربية محترمة وعن تجربة
بالنسبة للفلوانس معرفش عنها حاجة لانى ماجربتهاش بس الى اعرفة عن الفرنساوى عموما انة لما بيقدم مشاكلة بتزيد

الميزة فى الالمانى لما بتشدة وبتجددة من الاول وجديد كانك راكب عربية زيرو

**tenky wenky** · 02-05-2015 04:06 PM

المشاركة الأصلية كتبت بواسطة temoon

لو الجيتا سليمة وحالة نضيفة وزيت الفتيس متغير ومش متهانة اتكل على الله مش هتندم عربية محترمة وعن تجربة
بالنسبة للفلوانس معرفش عنها حاجة لانى ماجربتهاش بس الى اعرفة عن الفرنساوى عموما انة لما بيقدم مشاكلة بتزيد

الميزة فى الالمانى لما بتشدة وبتجددة من الاول وجديد كانك راكب عربية زيرو

الالمانى اكيد عربيات محترمه جدا بس كان عضو فاضل ف المنتدى قال كلمه وهى ان الالمانى يتحافظ عليه بس ميتعمرش
طب هو توكيل فولكس بيعمل خدمه الكشف على العربيه للبيع او التقرير الشامل بحاله العربيه فى ناس بتقول ان التوكيل بطل يعمل كدا

**mohamedaghali** · 07-05-2015 05:43 PM

نصيحة بلاش جيتا لما بتقدم مشاكلها بتزيد انا كانت معايا ال2008 بعد 90000 كم فتحت بقها ومشاكل كتير وكل اسبوع عند الميكانيكى فى حاجات خايبة وحاليا معايا فلونس ممتازة واللى خلانى اجيبها واحد قريبى معاه 2010 عاملة 160000 وزى الفل
بعض المشاكل:
تسريب مياه من شبكة التوزيع
عطل زراير الازاز الكهرباء
كسر قفل درج التابلوة لوحده من الشمس
تسريب فريون
واخيرا ترزيع الفتيس رغم انى كنت محافظ عليها جدا لكنها سيارة غير معمرة بالمرة