الآي فون ٦ بلس بيسخن مع ارتفاع معدل استهلاك البطارية

**mostafabakry** · 01-05-2015 03:38 PM

معايا اي فون ٦ بلس من حوالي ٣ شهور
الجهاز رائع فعلا و البطارية ادائها ممتاز كنت ممكن اقضي يومي ب٥٠-٦٠ ٪ شحن البطارية
من حوالي أسبوع و مع بداية ارتفاع حرارة الجو و خصوصا عندنا في الصعيد لاحظت ان الجهاز بيسخن و خصوصا المنطقة اللي عند زر الباور !! و أداء البطارية مش زي الاول
انا استخدامي إنترنت و إيميل و فيسبوك و متابعة أخبار
ماليش لا في الجيمز و لا الأفلام و لا الموسيقي

يا تري هل دا بسبب حرارة الجو و لا بسبب سوفت وير في الجهازو لا ايه ؟؟ انا عندي iOS 8.1

الشئ الوحيد اللي احيانا بشك فيه أني اشتريت من شهر شاحن سيارة من راديوشاك ماركة enercell !! هل ممكن يكون هو اللي اثر في اداء البطارية ؟؟

الجهاز أداءه زي ما هو متغيرش يعني لا بيتقل و لا بيهنج
بس بيسخن جدا و البطارية بتخلص أسرع من الاول بشكل ملحوظ

حد عنده تفسير للموضوع دا

**AhMeD MeTwAlY** · 01-05-2015 06:55 PM

متابع باهميه

**mostafabakry** · 02-05-2015 10:16 AM

من خلال بحثي في الانترنت علي المشكلة دي لقيت نفس الشكري بتاعتي و بنفس التفاصيل علي منتدي خاص بالاجهزة الكفية و اللوحية و اكتشفت ان اغلب اللي بيشتكوا مصريين !!
شخص من المجموعة دي بيقول انه لاحظ التغير دا بعد ما غير الوقت في الجهاز و دا حصل فعلا في اخر شهر ابريل الساعة اتقدمت لوحدها في الجهاز و طبعا الكل اضطر للدخول في إعدادات الوقت و تأخير السلع
الشخص دا قال انه بعد ما غير إعدادات الوقت في التليفون و رجعها ساعة ظهرت مشكلة السخونة و بالتالي سرعة نفاذ البطارية !! طبعا هو رجع كل شئ زي ما كان و الوقت بقا متقدم ساعة بس وجد ان السخونة راحت و الاستهلاك أفضل بكير

انا عملت كدا فعلا واكتشفت ان السخونة فعلا راحت واستهلاك البطارية طبعا اتحسن كتير
المشكلة دلوقتي ان الوقت مقدم ساعة كاملة حاليا عندي في التليفون ١٠:١٤ !! ازاي تتحل دي ؟؟

يعني لما الحكومة ربنا هداها و عقلت و وقفت العمل بالتوقيت الصيفي الرخم يقوم الآي فون لازم يشغل التوقيت الصيفي !!!

هههههههههه

**AhMeD MeTwAlY** · 03-05-2015 01:04 PM

المشاركة الأصلية كتبت بواسطة mostafabakry

من خلال بحثي في الانترنت علي المشكلة دي لقيت نفس الشكري بتاعتي و بنفس التفاصيل علي منتدي خاص بالاجهزة الكفية و اللوحية و اكتشفت ان اغلب اللي بيشتكوا مصريين !!
شخص من المجموعة دي بيقول انه لاحظ التغير دا بعد ما غير الوقت في الجهاز و دا حصل فعلا في اخر شهر ابريل الساعة اتقدمت لوحدها في الجهاز و طبعا الكل اضطر للدخول في إعدادات الوقت و تأخير السلع
الشخص دا قال انه بعد ما غير إعدادات الوقت في التليفون و رجعها ساعة ظهرت مشكلة السخونة و بالتالي سرعة نفاذ البطارية !! طبعا هو رجع كل شئ زي ما كان و الوقت بقا متقدم ساعة بس وجد ان السخونة راحت و الاستهلاك أفضل بكير

انا عملت كدا فعلا واكتشفت ان السخونة فعلا راحت واستهلاك البطارية طبعا اتحسن كتير
المشكلة دلوقتي ان الوقت مقدم ساعة كاملة حاليا عندي في التليفون ١٠:١٤ !! ازاي تتحل دي ؟؟

يعني لما الحكومة ربنا هداها و عقلت و وقفت العمل بالتوقيت الصيفي الرخم يقوم الآي فون لازم يشغل التوقيت الصيفي !!!

هههههههههه

يعني الموضوع دا كله بسبب الساعه اتقدمت ولي اتاخرت يا شتات الشتات

**Ahmedo0o** · 03-05-2015 04:08 PM

حاجه غريبه والله
نظام ios 8.3 نزل من زماان
8.4 هاينزل قريب
نصيحة حدث جهازك دايماً ، كل اللى بيشترى أبل ويدفع فيها فلوس علشان الدعم الفنى بتاعها
والجيلبريك هاينزل على النسخه 8.4 ماتقلقشى لو إنتا من مستخدميه

**mramzy** · 03-05-2015 06:12 PM

غير البلد الى هاراى جنوب افريقيا هاتظب الوقت تلقائى

**aly_hosny** · 03-05-2015 08:48 PM

ايه دخل الساعة بالموضوع ؟؟؟
يعني ايه ال ممكن تعمله الساعة يسبب ان الموبيل يسخن و يستنفذ البطارية

بتهيالي الموضوع دا في حاجة غلط من ابل و عيوب سوفتوير

**NaderNabil** · 03-05-2015 11:04 PM

انا ايفون 5 و لاحظت فعلا اليومين دول ان البطارية بتخلص بسرعه و حرارته بقت عالية بشكل يدايق جداً بس مجاش في بالي خالص موضوع الساعة ده!

هاجرب كده أغيرها و أتابع تاني