سامسونج والسقوط فى المستنقع

**egyplan** · 13-08-2015 04:20 PM

سامسونج بدئت تتجه الى المستنقع
خامات الموبيلات المتوسطة السعر (2000 الى 3000) شئ سئ جدا ويعتمدوا على خامات شكلها حلو ولكنها ضعيفة
- شاشات تنكسر من اقل خبطة ويبيعوا الشاشة الجديدة باكثر من 1000 جنية
- تعمد جعل البطاريات مدمجة لتحتاجهم فى الصيانه
اصبح انك تحصل على موبيل ب 2500 جنية قوى ويتحمل الصدمات شئ صعب جدا
كى تحصل على موبيل قوى هتدفع على الاقل 4500 او 5500 جنية

فعلا سياسة تمتص دماء المستهلكين الذين جعلوا من هذه الشركات غول يتوغل ويمتص الدماء
وكله صينى صينى

بحثت فى الدرج على موبيل صينى قديم بلوحة زراير وشاشة صغيرة ومش اندرويد
ولقيت خاماته افضل من موبيل سامسونج ويتحمل وبطاريته لا زالت تعمل رغم السنين واسمه G-Tide
فعلا موبيل طلع اصيل فى وقت الزنقة بعدما اتكسرت شاشة السامسونج الجديد وكل مركز صيانه يقعد يتنك
واللى يقولك يتصلح ب 1400 واللى يقولك 1200 و 1100 رغم ان الموبيل جديد ب 2500
والموبيل له ضمان تبع شركة سكاى وبيقولوا هياخدوا الموبيل 48 ساعة ثم يتصلوا يحددوا سعر الاصلاح

فين ايام الموبيلات اللى ترميها على الارض ويوم ما يتبهدل تلاقى ظهر الموبيل فقط اتكسر وتشتريله ظهر جديد ب 20 جنية
حاجة بصراحة مقرفة

**Mohamed_Hamid** · 13-08-2015 04:24 PM

سامسونج عرة
هواوى واكل الجو دلوقت امكانيات افضل وسعر اقل وخامة احسن

**ahmedsrs** · 13-08-2015 04:48 PM

فعلا نهاية سامسونج هتكون ذى نهاية نوكيا

**eng.m7md.ali** · 13-08-2015 05:19 PM

المشاركة الأصلية كتبت بواسطة ahmedsrs

فعلا نهاية سامسونج هتكون ذى نهاية نوكيا

نهاية نوكيا مكانتش بسبب الخامات .. ممكن يكون عشان اعتمادهم علي نظام سيمبيان

ونوكيا مع الويندوز فون احسن بكتير جداً تعالي شوف الموبيل مفحوت معايا وخبطات وصدمات ولا حياة لمن تنادي .. خلي بالك خامات نوكيا لوميا او الكوفر الخارجي بتاعه داخل في صناعته كاربون فايبر مع بلاستيك ده مديله صلابة وقوة تحمل

**egyplan** · 13-08-2015 07:57 PM

سامسونج اصبحت تنتج موبيلات ورق ورقيقة جدا اى خبطة تلافى الشاشة اتدشتدشت - تحس انهم قاصدين الموضوع ده عشان يلموا فلوس من الصبانة وتلافى الشاشة بنص تمن موبيل والله اعلم هل هتكون اصلية ولا مضروبه وهل هتشتغل كويس ولا هتقعد تعلق والموبيل طبعا اصبح ملعوب فيه وفقد سعرة

سياسة قذرة

مش عارف هل اصلح الموبيل ب 1200 جنية ؟
اشترى ماركة تانية ويكون سعرة رخيص والموبيل المكسور اركنه فى الدرج.؟

**Abo_Mazen** · 13-08-2015 11:03 PM

والله ياأخي فكرتني بموضوع كده حصل زمااااان ..كنا في سنة 2000 تقريبا أو 2001

تفتكر زمان كان فيه أكواد كده تكتبها في الموبايل ..أيام النوكيا 3300 والنوكيا 3200 والإريكسون 866 ..المهم كنت تكتب الكود ده يطلعلك تاريخ الإنتاج بتاع الجهاز ..وتاريخ السوفت وير بتاع الجهاز ..أيام ما كان السوق كله مفيهوش غير أربع أنواع للموبايل ..إما نوكيا أو إريكسون أو الكاتيل أو موتورلا ..قبل حتى السيجام ما يكون ليه وجود

المهم واحد صاحبي قالي انا معايا كود للنوكيا يجيبلك كل حاجه عن الجهاز ..ومن ضمن الحاجات اللي يجيبها درجة الجوده ..أو الـ QC بتاعة الجهاز

تخيل بقى لقينا الكيو سي بتاعة الجهاز كام ؟؟؟..لقيناها 8 ..تخيل لقينا الكيو سي بتاعة الجهاز 8 ..يعني الجهاز اللي كان معانا درجه تامنه ..يعني المفروض فيه سبع مستويات من الجوده قبل مستوى الجهاز اللي حضرتك ماسكه ده

على فكره ..في أمريكا في نوعيات كتيييييييير لأجهزة المحمول عندهم ..يمكن هما معندوهمش نظام الموبايل الكشكول زي عندنا ..اللي هو الموبايل تستخدمه إتصال وكاميرا وتابلت ولاب توب ..يعني تلاقي كل حاجه عندهم ليها إستخدامها ..لكن برضه عندهم أنواع أنا عمري ما سمعت عنها ...بس رغم كده ..أي نوع منهم أجدع من أحسن ماركه عندنا ..

خلاصة القول ..إنت هنا في مصر بتجيلك أسوأ جوده ..من أسواء دولة ..وده عشان تقدر تاخد منتج رخيص يقدر المستورد يبيعه ..زي العربيات كده بالضبط ..تلاقي الخليجي منها مليان أوبشن ..وخامات طابلوه وصالون نضيفه جدا ..وهي هي البراند ..من نفس الشركة ..لكن المنتج اللي جاي مصر ..تلاقي حاجه تانيه خالص ..إيه الفرق ؟؟..الفرق إن المنتج ده إتعمل عشان جايلك مصر ...

شركة سامسونج من الشركات المساهمة في الإقتصاد الكوري ..أو إقتصاد كوريا الجنوبيه إن أردنا الدقه ..شركة كبيره بتنتج سيارات ودراجات بخارية وأجهزة حاسب محمول وأجهزة حاسب شخصي وأجهزة محمول وكاميرات مراقبة..حتى الإسطوانات المدمجه وإسطوانات الفيديو الرقمية ..وشركة كبيره كمان في إنتاج المعالجات الدقيقة Micro processor وكانت من 15 سنة بس شركة سامسونج في كوريا الجنوبيه وشركة IBM الممثلة في شركة VIA الأمريكية هما الوحيدتين على مستوى العالم اللي بيعملو الشرائح الرقيقة المستخدمه في إنتاج المعالجات الدقيقة ..شركة سامسونج مش شركة صغيره عشان توقع نفسها في جهاز محمول بتلتميت ربعميت دولار ..

هي المشكلة كلها مشكلة مستورد ووكيل ..بيقضي على الحاجه أو يعملها إسم وسمعة في مصر من جديد ..

مقدرش أنكر إن الجهاز أصلا غالي ..لكن إرتفاع سعره داخل فيه حاجات كتير ..زي جشع المستورد وجشع التاجر والقوانين اللي إتحطت عشان تطلع بأي فلوس من أي ذبابه داخله البلد ..ضيف على كده إن هو بيجيبلك مواصفات جوده تكاد تكون مش موجوده في العالم كله إلا عندك ..وكله على قد فلوسك

**hamo81** · 14-08-2015 09:59 AM

هات موبايل أنفينكس زيرو 2 ب 1300 من سوق دوت كوم
موبايل فيه كل الإمكانيات إلي الواحد محتاجها
انا لسه مشتري واحد الشهر إلي فات

**Hussein_Ramdan** · 24-08-2015 03:25 PM

انا قررت عدم شراء سامسونج نهائيا
بسبب قمت بشراء موبيلين من سنه سامسونج جراند دوث ب 3400
وسامسونج نوت 10 اصداء 2014 ب5900 وجراب اصلى ب 450
المهم ماشاء الله الموبيل الشاشات بتاعتهم تتكسر فى اسبوع واحد تقولى ازاى اقولك معرفش واحد وقع على الارض الشاشه اتكسرت دة الجراند
اما النوت قمه الفكاهه والله ازازه كتشب وقعت على الشاشه اة والله المهم التوكيل تصليح
النوت هيتكلم 2500
والجراند 1250
الكارثه الكبرى الجراند دوث الجديد ب 1500 يعنى نزل اكتر من 60 من تامنو ودى قصه سوده لوحدها
النوت مابقاش ينتجو يعنى اصبح لا سعر له وكان اخر سعر وقف عليه 4000
قررت هشترى هاوواوى

**egyplan** · 24-08-2015 04:02 PM

الهاواوى بدءت تلعب لعب قذر ايضا
بدئت تعمل موبيلات بامكانيات ضعيفة وبدئت تداعب الشريحة فوق ال 3000 جنية بموديلات محترمة
يعنى بعد ما كسبت الثقة بموبيلات محترمة فى حدود 2000 الى 2400 جنية بدئت تستغل الثقة دى وتلعب لعب قذر على حساب المستهلك