سـوزوكى سويفت 99

**Ha Mou Da** · 02-05-2015 04:56 PM

[overline]السلام عليكم و رحمة الله و بركاته
دى تانى مشاركة ليا و بجد كنت استفدت من حضراتكم فى الموضوع ال فات انى كان معايا فيات 132 بس ربنا كرمنى و جبت سوزوكى سويفت 99 ب 22 الف بس كان فى مشكلة فى العفشة و غيرت عافشة كاملة بس برضه بحس ان العربية ناشفة و ظهرت مشكلة جديدة ان الموتور زى ما يكون بيقطع على الاول و انا ماشى براحة و لما اطلع على الطريق و ادى سرعة للعربية يبدأ صوت العربية يعلى بطريقة غريبة اكنها كركرة والفتيس مهما اغير زيت ناشف فى الاولانى
فهل يا ترى كده ايه النظام يعنى مع انى حابب العربية يعنى بس ادينى بحاول انى اعالج بس عاوز اعرف حلول نهائية وشكرا ليكوا[/overline]

**Abo_Mazen** · 02-05-2015 07:59 PM

بالنسبه لنشفان العفشه ..شوف الكاوتش عندك إيه نظامه ..قديم مثلا ولا حاجه ..بالنسبه بقى للكركره دي مع السحب وعلو صوت الموتور ..فدي بقى تغير فلتر هوا وفلتر بنزين وتنظف كابراتير ..بالنسبه لزيت الفتيس ..حط زيت فتيس 90 ..بلاش التقيل ال 140 ..هتقولي ما أنا بحط 90 ..هقولك خلاص يبقى كده الفتيس فيه حاجه ..عموما الموضوع ده لو تعرف تتعايش معاه وما تشغلش بالك بيه يبقى خلاص ..عيش بيه وخلاص ..بدل ما تفتح الفتيس وتفتح معاك فاتوحه

**Ha Mou Da** · 03-05-2015 02:33 AM

أولا انا متشكر لرد حضرتك
ثانيا فى سؤال
ايه نظام الصدادات او السوست الصغير ال بتتحط دى فى العفشة و بالنسبة مثلا لفلتر الهواء و البنزين دول يتكلفوا كتير ؟؟؟

**Abo_Mazen** · 03-05-2015 08:40 AM

معرفش بصراحه إيه الصدادات دي ..ممكن حضرتك بتتكلم عن حاجه أنا عارفها بس في إختلاف شوية في الألفاظ ..بالنسبه للفلاتر متهيألي فلتر البنزين عندك يعمله في حدود تلاتين جنيه تقريبا وفلتر الهوا ما يزيدش عن كده برضه