عامله كام كيلو ؟ العربية توكيلات ولا مالك مباشر ؟
انت تعمل كالتالى :
سوق العربية وسيب الدريكسيون شوف هيحدف لواحده ولا هيفضل مظبوط
وانت على الواقف ومبطل العربية هات اخر الدريكسيون يمين وشمال وحاول تسمع اى صوت طقطقة
جرب سحب العربية شوف هترتاح معاه ولا هتحسه غريب وودنك طبعا مع صوت المكنة
حاول تخلى صاحبها يمشى بيها فى حته مكسره بالراحة طبعا وشوف اى صوت هيطلع
افتح الريدياتير شوف نضيف من جوه ولا مطحن
اول ما تدور العربية وتيجى رسالة oil level ok اتك على زرار reset بتاع العدادات.. هتلاقيه فى العداد نفسه.. شوف الزيت كامل ولا لاء
كاوتش العربية شوف حالته عشان لو هتغير هيعمل 5200 الاربع كاوتشات بريدجستون.. وده عشان الكاوتش بتاعها عريض
وطبعا تجرب التكييف :)
طبعا كل ده فى الاول قبل ما تروح تكشف فى التوكيل عشان متتكلفش ال 500 جنيه على الفاضى او حتى 200 جنيه فى اى مركز صيانة...
99% من اللى مش بيرضى يروح التوكيل بيبقى عشان عارف التوكيل هيطلع بلاوى العربية..
امسك فى انك تكشف فى التوكيل ولو مرضاش ومسك فى كلامه اعرف انه قاله كده كده البيعه هتبوظ لو روحت التوكيل فهمسك فى رايى وخلاص :)
قوله انا هدفع فى العربية مبلغ محترم عشان الحاله.. سيبنى بقى اتأكد من الحاله بطريقتى واكشف فى التوكيل
75 كتير طبعا مفيش كلام.. النضيف منها يعمل 68 - 69 اخره .. لو هتدفع 75 يبقى فى موديل 2007 نضيفه كمان..
غير ان 2007 فيها تعديلات كتير فى عيوب 2006 و 2005
وربنا يوفقك فى القرار
المفضلات