صيانة ال10000 و زيت كاسترول ايدج:
بداية الحكاية انى اداء زيت توتال دا مش عاجبنى خالص و من حكم انى جربت كاسترول فى سيارتى السابقة لمدة 100 الف كيلو و عارف قد ايه هو بيحافظ على الموتور و على الأداء و بيقلل من استهلاك البنزين فا قررت استخدموا فى عربيتى اللوجان الجديدة بس قبل ما أقرر كلمت فرنش موتورز و قالولى عادى
نزلت جبت كاسترول أيدج سعره من بنزينة طاقة فى مدينة نصر 310 و بيقعد من 13 ل 15 على حسب طريقة السواقة..
المهم روحت فرنش موتورز و قولتلهم هعمل الصيانة ال 10 ولأنى مش مقتنع انى اغير فلتر الهواء فا قولتلوا مش هغيروا و اديتوا الزيت و قولتلوا ساعة وراجع
المهم كلمونى وقالولى لو غيرنا الزيت الموتور هيخرج من الضمان فاقولتلهم غيروه و لما اجي نشوف الكلام عشان انا فى التليفون قولتولى عادى المهم العربية تمام و خلصت و رايح ادفع لقيتهم كاتبين لى اقرار انى معترف ان الموتور بره الضمان رفضت تماما و بعد مشاورات و لما حكيت اللى حصل فى التليفون قالولى المرة دى هنعديها عشان دا زيت رينو مش معترف بيه و هما عندهم توتال هو المنصح بيه قولتلهم الريكومندد اويل فى الكاتالوج هو elf مش توتال و اتفقنا الصيانة الجاية نرجع توتال و ان دا خطأ و مش هتكرر . بس انا أخدت قرار انى الصيانة انا هعملها بنفسى و هخلع من التوكيل و سرقة التوكيل.
نجى بقى للزيت و الموتور و الأداء
بعد مخلصت صيانة قولت ادرب مشوار بتاع 150 كيلو عشان ادى حكم مبدأى
بصراحة زيت توتال دا زيت قلية
العربية صوت الموتور بقى هادى عن الأول يمكن اقدر اقول الصوت هدي بنسبة من 25 ل 50 % عن الأول
طبعا الأداء فرق كبير يذكر
بالنسبة للأستهلاك البنزين هيبان لما اخلص التفويلة اللى كانت مع زيت توتال بتقعد 550 كيلو ويبقى فاضل 2 شرطة
الخلاصة انى معايا لحد صيانة ال 20 لو لقيت فى مشاكل فى العربية هكمل مع التوكيل و لو ملقتش يبقى هخرج من الضمان و سرقة التوكيل
وبالنسبة للزيت انا مش هحط فى العربية دى غير زيت كاسترول من الأخر