الموضوع: بداية تشغيل السيارة واستهلاك البنزين

المشاركة الأصلية كتبت بواسطة borio1704

هو لو كانت الكوعة مكشوفة شوية.. كنت قلتلك اعملها بنفسك.. بس اللي أنا شايفه إن سير التقسيمة جنبه ومش بسهولة توصل للكوعة.

فالموضوع أتوقع محتاج ميكانيكي... وممكن حد من الزملا هنا يفيدنا أكتر.. لإني بصراحة ما اشتغلتش في اللانوس ولا امتلكتها.. بس باتكلم من واقع موجود في كل السيارات بلا استثناء.


بالنسبة لمية الرادياتير... فالحقيقة إن كل المية في أي مكان أعلى من الكوعة هتنزل عالأرض.. سواء كانت في الرادياتير أو جوه الموتور


علشان كده.. يفضل تكون مظبط الدايرة كويس ومنضفها.. ومتأكد إن مفيش أي تسريب.. وبعدين تفتح تحط الكوعة.. وبعدين تحط ميه خضرا.


...

شكرا
انا بحط ميا خضرا
ان شاء الله اروح لميكانيكى

لكن يا جماعة ترموستات الكوعة لها مشكلة لو قفلت مفتحتش يرتفع امبير الحرارة ولو مخدتش بالك العربية تجيب وش سلندر ذى ما قال الخ الفاضل لازم تكوندرة التبريد فبريكة والترموستات الكوعة شغال

المشاركة الأصلية كتبت بواسطة matrix012

هوا تانك البنزين بتاع اللانوس 1 كام لتر ؟؟
انا المؤشر بتاعى بيخرف
فولت من كام يوم لحد ما المسدس بتاع البنزين فصل والمؤشر كان على قبل الفول بحته صغيره قوى
عملت 180 كيلو ولقيت المؤشر نزل لحد الربع الاخير روحت البنزينه انهاردا وقولت افول اشوف هتعمل كام لتر اكتشفت ان المسدس فصل عند 22 لتر والمؤشر رفع تانى لحد نفس الحته الى قبل الفول
حاجه غريبه الصراحه ممكن حد يفيدنى اعمل ايه
ولكم جزيل الشكر
صحيح نسيت اسئل على حاجه تانيه
اول ما بدور الصبح بيبقى ال rbm عالى شويه وصوت الموتور بيبقى عالى حتى بعد التسخين ومع المشى والغيارات الصوت بيهدى شويه
معلش انا اول مره اركب كورى سامحونى

45 لتر وكده فى مشكلة عندك فى صرف البنزين نضف الرشاشات واكشف عن حساس الشمكان

المشاركة الأصلية كتبت بواسطة mahmoudkhalil

متايع باهتمام
المنظف اسمه ايه اللى حطيطه فى التانك

اسمه ABRO injector cleaner