ايه انعم عفشه لعربيه فحدود ٢٠٠ الف لواحد عنده مشاكل بالظهر

**karimelnagar** · 06-05-2015 12:04 PM

حاليا معايا اكسنت ار بي بس تاعباني اوي وقررت اغير خلال شهر ان شاء الله .. مشكلتي الرئيسيه المطبات والحفر اللي فشوارعنا الجميله .. عايز عربيه ناعمه محسش معاها بالطريق خالص .. ايه انعم عفشه لعربيه فحدود ٢٠٠؟ بعد بحث طويل ومتابعه انحصرت اختياراتي في فلوانس - كورولا - استرا
ناس بتقولي الكورولا بتدب فالمطبات مش عارف ده صحيح ولا لا .. وفنفس الوقت الناس بتشكر في عفشة فلوانس بس مش عارف هي فعلا ناعمه لدرجة اني محسش بالشارع ولا برضه عاديه .. استرا معرفش عنها حاجه غير توكيلها السيء ومشاكلها مع البنزين المضروب بتاعنا ..
ولو حد عنده اختيار تاني غير التلاته دول يقول برضه .. مع العلم اني بحب السحب الحلو واعايز ادلع نفسي شوية فالاوبشنز لان الاكسنت كانت فاضيه .. شكرا لاحلي شباب

**JapRuleZ** · 06-05-2015 02:01 PM

قرار صعب
يفضل تجربة ال subaru impreza و a7 skoda

**karimelnagar** · 07-05-2015 12:26 AM

المشاركة الأصلية كتبت بواسطة japrulez

قرار صعب
يفضل تجربة ال subaru impreza و a7 skoda

للاسف ماليش ف سكودا خالص مع اني عارف انها عربيه كويسه .. وسوباروا مالهاش سوق فمصر .. اشكرك علي ذوقك

**JapRuleZ** · 07-05-2015 04:56 AM

المشاركة الأصلية كتبت بواسطة karimelnagar

للاسف ماليش ف سكودا خالص مع اني عارف انها عربيه كويسه .. وسوباروا مالهاش سوق فمصر .. اشكرك علي ذوقك

والله يا ريت تعيد النظر فى السوبارو
و مش حتركب غيرها بعد كده
مالك سوبارو من 10 سنين و قطع الغيار مش نار ولا حاجه ... مجرد كلام الشارع ... فانوس الكورولا فى النوكيل ب 3000 جنيه ناهيك عن غلو الالمانى فعلا
ة بقت عربية معروفه
على الاقل test drive
صدقنى ختريحك اوى

**karimelnagar** · 07-05-2015 05:47 PM

المشاركة الأصلية كتبت بواسطة japrulez

والله يا ريت تعيد النظر فى السوبارو
و مش حتركب غيرها بعد كده
مالك سوبارو من 10 سنين و قطع الغيار مش نار ولا حاجه ... مجرد كلام الشارع ... فانوس الكورولا فى النوكيل ب 3000 جنيه ناهيك عن غلو الالمانى فعلا
ة بقت عربية معروفه
على الاقل test drive
صدقنى ختريحك اوى

اوعدك هفكر فيها واقرا عنها شويه لانها مكانتش فاهتماماتي .. وممكن التيست درايڤ يغير حاجات كتير فعلا

**superdry90** · 09-05-2015 04:47 AM

الاسترا احسن value for money و سعرها برا مصر اغلي بكتير من المذكورين حتي من السكودا ناهيك عن انها أكثرهم ثباتا و اقواهم صاجا و احلاهم شكلا .و جودة تقفيل هي افضلهم برده

**ahmzd** · 06-05-2015 09:10 PM

أنا سأفتي بقول لا أعلم!!
لأن ما تستفتي فيه يحتاج لتجارب عملية، وأنا لم أجرّب قيادة أي من هذه السيارات الثلاث!!
هداك الله لأرشد أمرك وقدّر لك الخير حيث كان إن شاء الله.

**karimelnagar** · 07-05-2015 12:27 AM

المشاركة الأصلية كتبت بواسطة ahmzd

أنا سأفتي بقول لا أعلم!!
لأن ما تستفتي فيه يحتاج لتجارب عملية، وأنا لم أجرّب قيادة أي من هذه السيارات الثلاث!!
هداك الله لأرشد أمرك وقدّر لك الخير حيث كان إن شاء الله.

اشكرك علي اهتمامك وردك الكريم ..

**ENG.MaRk** · 06-05-2015 09:23 PM

الكورولا اللي بتنزل مصر عفشتها سبور علشان تبقي أكثر ثباتا علي السرعات و هي فعلاً بتدب في المطبات بس الموضوع نسبي علي حسب حضرتك بتقارنها ب ايه أما بالنسبة للفلوانس فهي أحسن عفشة و عزل في فئتها و الكلام ده عن تجربة ... الأسترا من العربيات المحترمة و لكن توكيلها يخليك تفكر أكتر من مرة في الموضوع و كمان أضيق واحدة فيهم ... الرد اللي قبلي كان بيقترح علي حضرتك السكودا a7 بس الموتور الmpi بتاعها لا يتناسب مع رغبات حضرتك في الشد و الامبريزا مش منتشرة و إعادة بيعها مش تمام ... خلاصة الكلام فلوانس هي الاختيار الأمثل

**karimelnagar** · 07-05-2015 12:33 AM

المشاركة الأصلية كتبت بواسطة eng.mark

الكورولا اللي بتنزل مصر عفشتها سبور علشان تبقي أكثر ثباتا علي السرعات و هي فعلاً بتدب في المطبات بس الموضوع نسبي علي حسب حضرتك بتقارنها ب ايه أما بالنسبة للفلوانس فهي أحسن عفشة و عزل في فئتها و الكلام ده عن تجربة ... الأسترا من العربيات المحترمة و لكن توكيلها يخليك تفكر أكتر من مرة في الموضوع و كمان أضيق واحدة فيهم ... الرد اللي قبلي كان بيقترح علي حضرتك السكودا a7 بس الموتور الmpi بتاعها لا يتناسب مع رغبات حضرتك في الشد و الامبريزا مش منتشرة و إعادة بيعها مش تمام ... خلاصة الكلام فلوانس هي الاختيار الأمثل

متفق معاك تماما .. واللي بتقوله ده بالضبط هو اللي سمعته من كذا حد جرب الكورولا .. عربيه طبعا لا غبار عليها لكن النقطه دي تحديدا تهمني .. والفلوانس كل اللي ركبها بيقول فيها شعر .. ولحد دلوقتي هي الاختيار الاول بالنسبالي .. ناقص بس الخطوه الاخيره قبل القرار النهائي وهي ال تيست درايڤ ..
الاسترا برضه عربيه حلوه بس صعب اجيب عربيه ب ٢٠٠ الف وتبقي اعتماديتها قليله .. للاسف مش اي عربيه حلوه تنفع تمشي فمصر