ايه انعم عفشه لعربيه فحدود ٢٠٠ الف لواحد عنده مشاكل بالظهر

**karimelnagar** · 07-05-2015 12:40 AM

المشاركة الأصلية كتبت بواسطة scientist9508

بسم الله الرحمن الرحيم

اخى الفاضل طالب النصح الرشيد و الراى السديد

اولاً و قبل كل شى . . شافاك الله و عافاك و سلمك من كل هم و غم.

السوبارو اميريزا هى مطلبك و هى التى تخقق لك كل ما تتمناه يل و زياده ولتحرى الدقه فى الحديث اليك ابرز عيوبها:

1 - استهلاك غالى للوقود

2 - على الرغم من ان صياناتها الدوريه على المدى الطويل ارخص من مثيلاتها الكوريه و الالمانيه و اليابانيه الا ان حادثة واحده فقط (لا قدر الله ذلك و لا كتبه عل احد) تكلفك ثروة من المال لارجاع السياره.

هداك الله لارشد امرك و اقومه

السلام عليكم و رحمة الله و بركاته

اشكرك علي الدعوه الحلوه وذوقك الكريم ..
السوباروا عربيه محترمه جدا .. بس زي مانت بتقول قطع غيار نار ومش موجوده كتير .. انا معايا حاليا اكسنت وانت عارف الكوري دلوقتي اعتماديته بقت زي الياباني .. يعني اللي يركب كوري او ياباني نسبيا بيريح دماغه من مشاكل كتير .. انا بقالي ٣ سنين مبعملش فالعربيه غير الصيانه الدوريه فقططططط .. هيبقي صعب بالنسبالي اركب عربيه اعتماديتها قليله
اشكرك مره تانيه

**karimelnagar** · 07-05-2015 12:44 AM

المشاركة الأصلية كتبت بواسطة ahmedsrs

انعم واحسن عفشة هى ستروين ds5 بس مش عارف ثمنها كام

ال ds5 اول فئه فيها ب ٢٨٠ الف ياباشا .. بره ميزانيتي خالص .. ولو معايا المبلغ ده هجيب مرسيدس سي ١٨٠ موديل ٢٠١١ او ٢٠١٢ .. ربنا يرزقنا
اشكرك علي اهتمامك

**karimelnagar** · 07-05-2015 12:46 AM

المشاركة الأصلية كتبت بواسطة d.r.mahmoud

سكودا فانتازيا 2013 كسر زيرو

للاسف ماليش ف سكودا خالص .. وممكن رأيي فيها يزعل ناس كتير بتحبها .. خلينا ساكتين احسن
اشكرك علي اهتمامك

**Omar Sarray** · 07-05-2015 02:07 AM

طب ايه رايك فى كيا سيراتو عفشتها وسط وناعمه فى سواقه وعن تجربه وعندى ومطبتش معايا خالص وماشيه لغايه دلوقتى 8 الف كيلو معايا وعندك هوندا سيتى حلوا كمان وعندك نيسان سنترا عمليه ومفهاش كماليات كتير وخفيفه

**ashouhdy** · 07-05-2015 04:00 AM

اوبل استرا الجديدة او الكروز الجديدة حرييير

**Dr_Smart** · 07-05-2015 06:14 AM

طيب الفورد فوكس اخبارها ايه ؟

والسيفيك ؟

**karimelnagar** · 07-05-2015 05:41 PM

المشاركة الأصلية كتبت بواسطة omar sarray

طب ايه رايك فى كيا سيراتو عفشتها وسط وناعمه فى سواقه وعن تجربه وعندى ومطبتش معايا خالص وماشيه لغايه دلوقتى 8 الف كيلو معايا وعندك هوندا سيتى حلوا كمان وعندك نيسان سنترا عمليه ومفهاش كماليات كتير وخفيفه

عمر باشا ربنا يباركلك في السيراتو بتاعتك .. السيراتو عربيه حلوه وفكرت فيها فتره بس اللي خوفني منها ان الموديل اللي قبلها ناس كتير قالت عليه ناشف شويه .. معرفش سيراتو الجديده زيها ولا في فرق..

**karimelnagar** · 07-05-2015 05:45 PM

المشاركة الأصلية كتبت بواسطة ashouhdy

اوبل استرا الجديدة او الكروز الجديدة حرييير

اشكرك علي مرورك الكريم .. بس الكروز بقالها كام سنه نفس الشكل وتقريبا هتغير شكل قريب .. والاسترا عاجباني بس توكيلها سيء بشهادة ناس كتير ومبيفهمش في العربيه .. انا ميهمنيش اسعار قطع الغيار لان كده كده اي عربيه جديده فاول خمس سنين بيبقي متأمن عليها وبعد الخمس سنين بتكون قطع غيارها رخصت .. بس يهمني التوكيل يكون فاهم فالعربيه وميضحكش علي العملاء ويقولهم اي كلام .. يحترم الناس يعني .. واللي بسمعه عن منصور مش حلو خالص

**karimelnagar** · 07-05-2015 05:47 PM

المشاركة الأصلية كتبت بواسطة japrulez

والله يا ريت تعيد النظر فى السوبارو
و مش حتركب غيرها بعد كده
مالك سوبارو من 10 سنين و قطع الغيار مش نار ولا حاجه ... مجرد كلام الشارع ... فانوس الكورولا فى النوكيل ب 3000 جنيه ناهيك عن غلو الالمانى فعلا
ة بقت عربية معروفه
على الاقل test drive
صدقنى ختريحك اوى

اوعدك هفكر فيها واقرا عنها شويه لانها مكانتش فاهتماماتي .. وممكن التيست درايڤ يغير حاجات كتير فعلا