ايه انعم عفشه لعربيه فحدود ٢٠٠ الف لواحد عنده مشاكل بالظهر

**karimelnagar** · 07-05-2015 05:50 PM

المشاركة الأصلية كتبت بواسطة dr_smart

طيب الفورد فوكس اخبارها ايه ؟

والسيفيك ؟

السيڤيك بره الميزانيه ومش عارف ليه غاليه كده .. عربيه توكيلها مضيعها .. من احسن العربيات فالفئه دي ورغم كده مش منتشره خالص اعتقد سعرها هو السبب .. الفورد فوكس كنت خلاص هخلص فيها من كام شهر لما كان عليها عرض .بس ملحقتوش .. عربيه جميله فعلا بس ضيقه شويه وانا عايز حاجه واسعه

**superdry90** · 09-05-2015 04:47 AM

الاسترا احسن value for money و سعرها برا مصر اغلي بكتير من المذكورين حتي من السكودا ناهيك عن انها أكثرهم ثباتا و اقواهم صاجا و احلاهم شكلا .و جودة تقفيل هي افضلهم برده

**RAMYALI_1982** · 09-05-2015 12:33 PM

ليا تعليق ياجماعة ارجو انة يكون مفيد لصاحب الموضوع بالنسبة للاسترا عربية ممتازة طبعا ولكن من ناحية العفشة مش هى الانعم فى الفئة دى انا جربتها بتاعة صديقى الصدوق هى ناعمة طبعا وفخمة جدا بس لما اخدت بيها نفس التكسير اللى فى الارض فى طريق انا حافظة وكنت قاصد اجرب على نفس السرعة اللى انا باخدها فى عربيى المتاوضعة النيو لوجان الحقيقة كان رد فعلها اسوء مش عارف ازاى دى مش مقارنة بين العربيتين دى فئة دى فئة تانية خالص محدش يهاجمنى بس دى تجربتى الشخصية فى نفس المكان وعلى نفس السرعة لطريق بروح واجى علية كل يوم اللوجان صوت مكتوم اكتر واحساس اقل فبالتاى اظن ان الفلونس هاتكون احسن واحسن

**karimelnagar** · 09-05-2015 05:39 PM

المشاركة الأصلية كتبت بواسطة superdry90

الاسترا احسن value for money و سعرها برا مصر اغلي بكتير من المذكورين حتي من السكودا ناهيك عن انها أكثرهم ثباتا و اقواهم صاجا و احلاهم شكلا .و جودة تقفيل هي افضلهم برده

متفق معاك فمسألة الثبات وايضا الشكل والتقفيل .. الاسترا عربيه محترمه بلا جدال .. بس انا كان سؤالى الاساسى عن العفشه .. وبرضه ياريت تدينا فكره عن تجربتك مع التوكيل بتاعها بما انك احد ملاكها .. واشكرك على اهتمامك

**karimelnagar** · 09-05-2015 05:44 PM

المشاركة الأصلية كتبت بواسطة ramyali_1982

ليا تعليق ياجماعة ارجو انة يكون مفيد لصاحب الموضوع بالنسبة للاسترا عربية ممتازة طبعا ولكن من ناحية العفشة مش هى الانعم فى الفئة دى انا جربتها بتاعة صديقى الصدوق هى ناعمة طبعا وفخمة جدا بس لما اخدت بيها نفس التكسير اللى فى الارض فى طريق انا حافظة وكنت قاصد اجرب على نفس السرعة اللى انا باخدها فى عربيى المتاوضعة النيو لوجان الحقيقة كان رد فعلها اسوء مش عارف ازاى دى مش مقارنة بين العربيتين دى فئة دى فئة تانية خالص محدش يهاجمنى بس دى تجربتى الشخصية فى نفس المكان وعلى نفس السرعة لطريق بروح واجى علية كل يوم اللوجان صوت مكتوم اكتر واحساس اقل فبالتاى اظن ان الفلونس هاتكون احسن واحسن

اشكرك على الرأى المفيد جدا لانى كنت عايز حد جرب كل عربيه من التلاته ويقولى رأيه فى العفشه تحديدا .. لأن باقى الامكانيات تقريبا واضحه بالنسبالى .. الاسترا زى مانت بتقول عربيه ممتازه واكتر عربيه شدتنى فيهم من ناحية التصميم بره وجوه .. وطبعا الالمانى معروف بثباته .. بس العفشه مكنتش اعرف عنها حاجه .. اشكرك مره تانيه وياريت حد من الاخوه الافاضل فى المنتدى يدينى القول الفصل فعفشة الكورولا.

**ENG.MaRk** · 10-05-2015 12:10 AM

المشاركة الأصلية كتبت بواسطة karimelnagar

وياريت حد من الاخوه الافاضل فى المنتدى يدينى القول الفصل فعفشة الكورولا.

أعتقد إن أنا قولت لحضرتك القول الفاصل في عفشة الكورولا في المشاركات الأولي و لو حضرتك حابب تتأكد أكتر ممكن تسأل الملاك في قسم تويوتا و ربنا يوفقك في الاختيار إن شاء الله

**Mecha** · 10-05-2015 01:06 AM

طلباتك تنطبق علي مرسيدس ,مش هتلاقي عربيه عاديه تديك الراحه المطلوبة.

**samyyousef** · 10-05-2015 02:54 AM

اهم حاجة في اي عربية في مصر بشوارعها و مطباتها هي البحث عن عفشة ناعمة...اشاركك البحث...و ان كان واضح انه سينتهي عند الفلونس......ياترى الشارك ناعمة ؟

**ENG.MaRk** · 10-05-2015 09:51 AM

المشاركة الأصلية كتبت بواسطة samyyousef

اهم حاجة في اي عربية في مصر بشوارعها و مطباتها هي البحث عن عفشة ناعمة...اشاركك البحث...و ان كان واضح انه سينتهي عند الفلونس......ياترى الشارك ناعمة ؟

الشارك مالتي لينك و ناعمة و كويسة لكن الفلوانس أنعم

**mmsobhi** · 10-05-2015 11:20 AM

الفلوانس عفشتها ناعمه وجميله بس انا بقارنها بالسيارتين اللي كانوا معايا قبل كده اوبل كورسا 2005 زيرو ولانسر بومه2007 زيره فرق شاسع,,,,,اما الكورولا والاسترا مجربتش حاجه فيهم