رجه في العربيه

**gomaaa** · 07-05-2015 06:50 PM

دايما لو خدت نقله بدري او طلعت ع مطلع كوبري ع سرعه بطيئه و اكون ع التاني مثلا .... بسمع صوت رجه او هزه واضحه جدا في جسم العربيه ... بيكون صوت رخم من الاخر .... هل دي مشكله من ايه . ولا عشان العربيه 1200 سي سي ؟؟

**gomaaa** · 07-05-2015 10:37 PM

حد يعبرني

**Zing0** · 07-05-2015 10:55 PM

راجع ضبط الكهرباء فى الإسبراتير (لو الكهرباء مأخرة تعمل كده)
و تشوف كل البوجيهات واصلها شرارة و لا لأ

و العربية الـ 1200 مش ضعيفة لدرجة أنها مش قادرة تطلع كوبرى يعنى.

لو مكانش كده يبقى تراجع طقم الدبرياج (إعمل كشف على الواقف)

**Abo_Mazen** · 08-05-2015 01:00 AM

المشاركة الأصلية كتبت بواسطة zing0

راجع ضبط الكهرباء فى الإسبراتير (لو الكهرباء مأخرة تعمل كده)
و تشوف كل البوجيهات واصلها شرارة و لا لأ

و العربية الـ 1200 مش ضعيفة لدرجة أنها مش قادرة تطلع كوبرى يعنى.

لو مكانش كده يبقى تراجع طقم الدبرياج (إعمل كشف على الواقف)

وياخد معاه قواعد الموتور والفتيس بالمره..وأهو يبقى كشف بكشف بقى

**gomaaa** · 08-05-2015 12:45 PM

المشاركة الأصلية كتبت بواسطة zing0

راجع ضبط الكهرباء فى الإسبراتير (لو الكهرباء مأخرة تعمل كده)
و تشوف كل البوجيهات واصلها شرارة و لا لأ

و العربية الـ 1200 مش ضعيفة لدرجة أنها مش قادرة تطلع كوبرى يعنى.

لو مكانش كده يبقى تراجع طقم الدبرياج (إعمل كشف على الواقف)

طب الرجه الي لما انقل بدري دي بسبب الاسباب الي حضرتك قولتها دي ؟

**abokoko** · 08-05-2015 03:11 PM

ابدا بقواعد الموتور
بتبان من النظر مباشرة
هل هى مايله فى اتجاه معين
كمان بتبان من حركة الموتور على السلانسيه بتلاقي الموتورز بيترج والعربيه واقفه ( ده بفرض ان الكهرباء مضبوطه والبوجيهات سليمه )

الاحتمال الثانى لو القواعد سليمة
يبقي طقم الدبرياش
والميكانيكى بيعرفه لما بيجرب العربيه على الغيار الرابع
ولا ينصح بان تعمله بنفسك

اخر مرة غيرت طقم الدبرياش امتى ؟؟

**gomaaa** · 08-05-2015 07:45 PM

المشاركة الأصلية كتبت بواسطة abokoko

ابدا بقواعد الموتور
بتبان من النظر مباشرة
هل هى مايله فى اتجاه معين
كمان بتبان من حركة الموتور على السلانسيه بتلاقي الموتورز بيترج والعربيه واقفه ( ده بفرض ان الكهرباء مضبوطه والبوجيهات سليمه )

الاحتمال الثانى لو القواعد سليمة
يبقي طقم الدبرياش
والميكانيكى بيعرفه لما بيجرب العربيه على الغيار الرابع
ولا ينصح بان تعمله بنفسك

اخر مرة غيرت طقم الدبرياش امتى ؟؟

هو السلانسيه ده الي هو ايه ؟؟؟ ....هو عموما العربيه لما اجي اسخنها لو سيبت رجلي من البنزين و هي لسه مش سخنه بتحصل رجه برضه ... اما لو سخنه و سيبت رجلي من البنزين مبيحصلش حاجه .... اما بالنسبه لطقم الدبرياج فمعرفش عشان هي مش عربيتي

**abokoko** · 08-05-2015 08:42 PM

السلانسية هو اللى بتقول عليه
تشغيل السيارة وهى واقفه وبدون ضغط على الدواسة

غالبا ما دام بتبقي دايرة وهى سخنة بدون رجة
يبقي مش قواعد

- لو العربية مضبوطة كهرباء وبوجيهات -
يبقي فى احتمال طقم دبرياش
دسك و اسطوانه وبلية - ولو واحد فيهم بايظ والباقي سلام برضة بتتغير المجموعه

عموما
اى حد بيفهم فى اللادا او ميكانيكى عادى ممكن يقول لك العربية مضبوطة والبوجيهات سليمة ولا فيها حاجة
وممكن من غير ما تتكلم وتبين انك مش عارف حاجة فى السيارة
تروح لاى ميكانيكى وتقول له عايز اضبط العربيه ضبطة كويسه
ومش هياخد كتير 10او 20 جنيه حسب ما هيعمل فى العربية لانه ممكن يضبط من الكربراتير فقط
وممكن يقول لك نغير البوجيهات وممكن يغير الكوندنسر و الابلاتين
وكله هيكون نظافة للعربية

--

لو تعرف
والعربية شغاله على السلانسيه اللى هو مجرد تشغيل للسيارة
وتشد كابل البوجيهات واحد فى كل مرة وتشوف
يفترض كل ما تشيل كابل واحد فى كل مرة هتلاقى العربية ترج معاك وكانها هتبطل توصل الكابل تلاقيها رجعت انتظمت
وتشيل الكابل الخاص بالبوجيه التانى وهكذا
لو لقيت كابل فيهم مش بياثر على العربية
يبقي اما البوجيه عايز يتغير او الكابل وحش ومحتاج تغير كابلات البوجيات

على فكرة الحاجات دى بتتغير بس اولا ثمنها مش غالى بالمقارنة بالسيارات الاخرى - ثانيا الحاجات دى بتتغير على فترات طويلة
يعنى كابل البوجيهات الواصل بالاسبراتيى الاصلى ممكن يقعد معاك 10 سنين وثمنه فى حدود ال50 جنية اكثر او اقل حاجى بسيطة
البوجيهات لو كويسه ممكن تقعد معاك سنة
الكوندسنر و الابلاتين يتغيروا من مرتين الى اربع مرات فى السنة
بافتراض الانواع مش مضروبة

**mossallem** · 09-05-2015 12:16 AM

المشاركة الأصلية كتبت بواسطة abokoko

السلانسية هو اللى بتقول عليه
تشغيل السيارة وهى واقفه وبدون ضغط على الدواسة

غالبا ما دام بتبقي دايرة وهى سخنة بدون رجة
يبقي مش قواعد

- لو العربية مضبوطة كهرباء وبوجيهات -
يبقي فى احتمال طقم دبرياش
دسك و اسطوانه وبلية - ولو واحد فيهم بايظ والباقي سلام برضة بتتغير المجموعه

عموما
اى حد بيفهم فى اللادا او ميكانيكى عادى ممكن يقول لك العربية مضبوطة والبوجيهات سليمة ولا فيها حاجة
وممكن من غير ما تتكلم وتبين انك مش عارف حاجة فى السيارة
تروح لاى ميكانيكى وتقول له عايز اضبط العربيه ضبطة كويسه
ومش هياخد كتير 10او 20 جنيه حسب ما هيعمل فى العربية لانه ممكن يضبط من الكربراتير فقط
وممكن يقول لك نغير البوجيهات وممكن يغير الكوندنسر و الابلاتين
وكله هيكون نظافة للعربية

--

لو تعرف
والعربية شغاله على السلانسيه اللى هو مجرد تشغيل للسيارة
وتشد كابل البوجيهات واحد فى كل مرة وتشوف
يفترض كل ما تشيل كابل واحد فى كل مرة هتلاقى العربية ترج معاك وكانها هتبطل توصل الكابل تلاقيها رجعت انتظمت
وتشيل الكابل الخاص بالبوجيه التانى وهكذا
لو لقيت كابل فيهم مش بياثر على العربية
يبقي اما البوجيه عايز يتغير او الكابل وحش ومحتاج تغير كابلات البوجيات

على فكرة الحاجات دى بتتغير بس اولا ثمنها مش غالى بالمقارنة بالسيارات الاخرى - ثانيا الحاجات دى بتتغير على فترات طويلة
يعنى كابل البوجيهات الواصل بالاسبراتيى الاصلى ممكن يقعد معاك 10 سنين وثمنه فى حدود ال50 جنية اكثر او اقل حاجى بسيطة
البوجيهات لو كويسه ممكن تقعد معاك سنة
الكوندسنر و الابلاتين يتغيروا من مرتين الى اربع مرات فى السنة
بافتراض الانواع مش مضروبة

نسيت تقوله ياخد باله احسن يتكهرب

**borio1704** · 09-05-2015 01:36 AM

متهيألي الموضوع محتاج مراجعة كمان على شدادات الدفرانس...

وده عيب موجود كتير قوي في اللادا.. وبتحس إن العربية بتروح يمين وشمال من ورا مع كل نقلة.

وممكن كمان يكون فيه مشكلة في كرسي النص بتاع عمود الكردان.

لازم العربية تكشف عند ميكانيكي كويس يعرف ربنا.

...

الموضوع: رجه في العربيه

LinkBack

أدوات الموضوع

عرض

-

-

-

-

المواضيع المتشابهه

الحقونى ..... مفتاح العربيه جوه العربيه و العربيه مقفوله e90

دخان ابيض او ازرق لما اسيب العربيه يومين ويظهر لماادور العربيه

صوت خروشه لما العربيه بتكون دايره وبتروح لما افصل العربيه ممكن حل؟

ايه رأيكم في تهبيط العربيه ، ناوي اظبط العربيه بمساعدة أيمن مومو

فلشيا الفرق بين اداء العربيه الصبح واداء العربيه باليل

الكلمات الدلالية لهذا الموضوع

المفضلات

المفضلات

ضوابط المشاركة