اسقط موتور بالفتيس الاتوماتيك ولاابيع العربية

**mora-badr** · 08-05-2015 12:52 PM

السلام عليكم رجالة الاوبل عربيتى فيكترا 97 مانيوال الموتور الاسود 1600 حالتها كويسة ومفيهاش مشاكل الحمد لله انا عايز اركب اتوماتيك ايه رايكم ابيع عربيتى اللي انا عارفها واشترى واحدة 2000 اتوماتيك ولا اسقط لعربيتى ماكينة 2000 2 كامة بالفتيس الاتوماتيك انا العربية معايا من سنتين فابريكة بالكامل ومغيرلها عفشة كاملة و4 كاوتش يابانى وبطارية جديدةوتكييف مغيره استيراد مكلفنى 3 الاف جنيه والماكينة حالتها كويسة بجيب بيها 170 وايدى في العربية على طول فالو بعت مش همسك اللى صرفته ولو سقطت وحبيت ابيعها بعد كده هتبقى الخسارة اكبر
لو سقطت هبيع الماكينة 1600 اللي راكبة ولا هتبقى خردة ؟ علشان مفيش ليها ورق
انا محتار ومش عارف اعمل ايه وياريت خبراء الاوبل يفيدونى عن سعر عربيتى لو هبيعها على وضعها دلوقتى اطلب كام
ولو هسقط هتتكلف كام وهحتاج اعدل ايه في عربيتى واجراءات المرور هتمشى ازاى
ومتشكر جدا مقدما

**al_manara** · 08-05-2015 02:19 PM

بالنسبة للسعر
تقريبا اي عربية اوبل مش مرشوشة من برةسعرها بعد ال 50 الف . هي وحالتها
دة بعد ماشوفت ودورت كتير .

**اشرف الحاوى** · 08-05-2015 07:50 PM

لو العربية سليمة زى محضرتك بتقول وكل حاجة شغالة تكيف وعفشة جديدة وكاوتش وفرش جديد بدون تردد سقط ماكنة ومعلوماتى ماكينة بتاعتك تتباع بتوكيل فى المرور وكمان الماكنة السوداء لو سليمة انتا تبعها بسعر عالى لانها مش موجود منها استيراد والله المستعان

**mora-badr** · 08-05-2015 09:11 PM

شكرا يا استاذ اشرف على ردك
حضرتك تعرف حد باع ماتوره المستعمل قبل كده
علشان الميكانيكى قاللى انه عنده كذا ماتور مخلوع من عربيات بيتباع خرده بالكيلو

**احمد فهمى** · 08-05-2015 09:21 PM

عربيتك هتتباع فى الاربعينات وده مش هيجيبلك عربيه اوتوماتيك وحتى لو لاقيت فيكترا 2000 سي سي سليمه هتبقى غاليه وبرضو فيها مصاريف انت جيب متور بفتيس وعدل عادي بشكمان وكنترولات بس حاول تلاقى ضفيره اصلى مش معدله ومتورك تجيب له شهادة بيانات من المرور قبل ما تفك وتبيعو بفتيسو هيجيب رقم كويس لو سليم لأنو مش موجود والناس بتدور عليه بس اهم حاجه الفك والتركيب ويكون الشغل عند حد فاهم وعندو ضمير وبالتوفيق

**احمد فهمى** · 09-05-2015 12:33 AM

المشاركة الأصلية كتبت بواسطة mora-badr

قدامى عربية 2002 cdx كاملة 2000 سي سي ايكوتيك هتفرج عليها كده واشوف اخرها كام وهاخد رايكو برده
كلمت الميكانيكى قالي بالنسبة للتسقيط ماكينة بفتيسها بالردياتير هتتكلف حوالى 9000 الي 10000 بالتركيب والتعديل وماتوري بفتيسه ممكن ابيعه للتاجر ب 2500

متورك بفتيسو اغلى من 2500 طبعآ وشوف السي دي اكس وبلغنا التفاصيل ونشوف ايه الصالح

**keleshspot** · 09-05-2015 07:19 PM

انا عايز اسقط لماكنه 2000 ايكو تك وعربيتى فيكترا 2002 الماكنه السودا واحد كامه مانيوال

أشترى نص امامى بمشتملاته زى ما كله بيقول كده الاصح
ولا اسقط ماكنه وانا وحظى

وسؤالى لاستاذ احمد فهمى .. انا سألت واحد تاجر عن النص الامامى وارد اليابان عشان بتبقى نضيفه .. قالى هيكون الدريكسيون يمين وطبعا التابلوه .. هل الكلام ده صحيح ..وأيه هى التعديلات اللى هتم وتتغير فى العربيه للتسقيط

وبالنسبه ان عندى المانيوال وحابب اغير لاتوماتيك .. كان ميكانيكى قالى خليك فى المانيوال احسن عشان الاتوماتيك كل فتره الفيتيس بيحصله مشاكل وهيتعبك

بالله عليكم افيدونى

**ah-elgendy** · 10-05-2015 12:18 AM

ربنا يوفقك للاحسن ان شاء الله والناس تقدر تفيدك انا بس لما قريت لقيتك كاتب انك ركبت تكيف استيراد ب 3 الاف جنيه ممكن اعرف التفاصيل بتاعته جبته منين وركبته فين وهو التكيف يتصلح ولا اغير استيراد احسن

-

الموضوع: اسقط موتور بالفتيس الاتوماتيك ولاابيع العربية

LinkBack

أدوات الموضوع

عرض

-

-

-

-

المواضيع المتشابهه

محتار اسقط موتور 1500 مازدا 323 ولا موتور 1300 برايد

محتار اسقط موتور ولا اغير العربية عاوز نصيحة

موتور عربيتي ريجاتا هغيره...عايز اسقط مكنه اكبر و تكون من غير تعديل اسقط ايه ؟؟

مافائدة زرارs وذرار النجمة بالفتيس 307 الاتوماتيك

علاقة الرادياتير بالفتيس الاتوماتيك

الكلمات الدلالية لهذا الموضوع

المفضلات

المفضلات

ضوابط المشاركة