الموضوع: مقارنة غلبانة (20,000)

معلش تعالى على نفسك و هات الماروتى اهى مشيا حوالينا اهى من زمان و مستحملة, على الاقل حتعرف تبعها كمان 3 سنين العربيات التانية حيبقى صعب بيعها ( خلاص تعبت )

بداية المازدا اغلى من معدل السعر اللى حضرتك كاتبه , بس هى افضل من كل اللى موجود فى الاختيارات .
*المازدا قطع غيار رخيصة و معمرة , و الاصلى موجود و التقليد موجود .
*المازدا سحب جميل و استهلاك قليل فى البنزين ( بالنسبة لعربية موديل الثمانينات ) .
*المازدا ثابتة جدا على السرعات العالية ( لو حضرتك مهتم بيها و بتراعيها و تظبط عفشتها اول باول ) .
*المازدا عفشتها محترمة جدا و لا يمكن بيضة تملص و بلية عجل تفرط و الكلام الفارغ بتاع الفيات ده.
*المازدا لو حضرتك شوفت مقص العجل بتاعها هتعرف ان الشاهين ماكنتش قوية زى ما انت متخيل.
*انا العربية دى قعدت معايا حوالى 8 سنين , عمرى ما اشتكيت منها , عمرها ما عملت حركة نص كم معايا , و بعد ما جبت الجين 2 برضه باحن ليها و الله .
*ممكن حضرتك تنوى على مازدا هاتش باك 4 باب يكون موتورها 1500 و تكون بالتكييف هتعمل حوالى 25 الف جنيه .
*انا بعت عربيتى المازدا موديل 84 بـ31 الف جنيه.
*لا يصح مطلقا مقارنة المازدا بالماروتى !!!!!!!
*انا تحت امرك لو قررت على المازدا و محتاج اى مشورة او مساعدة .

و اخيرا ربنا يهديك لما فيه رضاه و الخير لك .

مع احترامى للاستاذ اللى بيقول مازدا بس هى اغلى من ال 20 الف وفى الفئه السعريه دى ال 128 تكتسح بلا منازع
قطع غيارها ( عند البقال) ارخص مايكون
سهوله اعاده البيع لأنها سياره مطلوبه فى السوق المصرى