هل الكومبريسور بيتصلح ؟

**amr123** · 14-05-2015 03:01 PM

السلام عليكم
انا معايا عربية رينو لوجان
تكيفها كان عطلان من مدة طويلة عشان الكويل الداخليى كان بايظ
ربنا سهل و عرفت اصلحه ..لكن بعد الشحن الراجل بيقولى الككموبريسور ده كبسه ضعيف

عندي سؤال هو ممكن يتصلح ؟ ولا لزم يتغير و بتاعر رينو ده ثمنه تقريبا بكام

و لكم الشكر

**amr123** · 16-05-2015 05:26 PM

يجدعااان !!
اجابة لله :)

**alassaby5** · 20-05-2015 11:08 PM

https://www.youtube.com/watch?v=4q8O3_mjgn4
طريقه اصلاح الكمبيروسر بالفيديو لتكييف السياره

**akmm** · 26-05-2015 10:41 AM

متابع ................

**mbx4e** · 03-08-2015 08:22 AM

مابيصلحش لكن النوع اللي بيركب في العربيات بيشتغل بسير ممكن يتفك وبتعمله صيانه و الفيديو دا دي طريقة فكه وتجميعه وتغيير الشافت سيل والاولسيهات التانيه
الكومبروسر او الكباس او الضاغط وظيفته الضغط او كبس مركب التبريد او الفريون وعشان يعمل كدا لازم داخليا يبقى سليم كبساتم وبلوف ومافيش فيه تسريب ودي وظيفه الاولسيهات والشافت سيل
يعني في حاجتين
١: الكبس وممكن تكشف قبل الشحن عليه بس بسرعه عشان الكشف دا فيه تحميل على الكومبروسر
٢:عدم التسريب وليها طرق كشف مختلفه

**ahmedshouk** · 11-08-2015 05:40 PM

انا معايا عربيه سيراتوا 2010 مانيوال خليجي المشكله ابتدت اني شحنت التكييف مع تغير الولسيهات وبعد الشحن بشهر التكييف ادائه ابتدي يقل تدريجيا روحت للورشه مره تانيه بص علي السرابنتينه لقهاها عليه شبه بقعة زيت فك السربنتيه ونفخها وقالي السربنتينه مخرمه اخرام صغيره ولازم تتغير قولتله طيب امشي عاليها بالمبه ولمها لحد ما اشتريلك واحده المهم الشحن بعد 3 شهور خلص سيبت العربيه وسافرت والدي راح يصلح التكييف علي اساس الكلام الي قولتهوله ان السربنتيه بيظه وبتسرب 3 ورش قالوله يا فندم العيب مش في السربنتينه العيب في للكمبروسر ضعييف المهم انا جيت من السفر وروحت للي قالي سربنتينه علشان اتاكد تاني قالي طيب هنكشف تاني كشف الصنيعي. قالي يا باشا السربنتينه مفهاش حاجه وزي الفل فك بلف الكونترول وقالي هنغير الورده دي ونجرب جرب وشيك علي الدائره المواسيير مفيش تسريب والمواسير بتسقع بس جوه العربيه الاداء ضعيف الفلتر مفهوش حاجه المهم قالي هوه فعلا الكباس ضعييف بعد يوم اكتشفت ان العربيه بتسخن ومناقصه ميه روحت لبتاع ردياتير فك الردياتير وسيخه ونضف الدوره وطلع صدا كتير جدا ونفخ السربنتيه بتاعة التكييف بشغل التكييف وانا واقف عنده لقيته اتظبط فرحت مشيت من عنده مسافة كيلو لقيت التكييف بيطلع هوا سخن بفتح الكبؤت لقيت المواسير سخنه انا الموضوع ده هيجنني وبقيت مش واثق في اي صنيعي ومش عارف في ايه اسف علي الاطاله وارجوا المساعده

**ahmedshouk** · 11-08-2015 05:44 PM

يعني كباس السيراتوا بيتصين؟

**JOHN SAM** · 13-08-2015 01:56 AM

بحكم ممارستي لشحن التكيفات
طالاما الكباس كبسه ضعف الحل التغيير
لان دا بيبقا عامل زي الموتور بتاع العربية اللي الشنبر بتاعه اتاكل
وكل حاجة تتصلح لو قطع الغيار واطقم الاصلاح موجودة