الموضوع: اشترى البيرسونا من المصريه ولا الوكيل ؟

اسال على سعرها فى
B-Auto
4 Brothers
El-Kersh
ممكن تلاقيها بتلعب مابين ال 117 و 118500 .... مبروك مقدما :)

المشاركة الأصلية كتبت بواسطة member 18

معلش يا بشمهندس انا عارف انى مصدعك :)
بس واضح ان حضرتك محايد وده اللى مشجعنى اسألك
فيه ناس نصحتنى انى ادفع اللى معايا مقدم للشارك واقسط الباقى احسن من البيرسونا
فهل فعلا الشارك احسن؟
وهل فرق الجوده يستاهل فعلا 30 الف فارق سعر ؟
...
معلش انا بعتذر جدا ، بس خلاص انا تعبت فعلا ، والمبلغ كبير بالنسبالي :))

لا اله الا الله يا عم :) ... مافبش صداع ولا اى حاجة انت تؤمر :)

لا فرق الجوده مايستحقش المبلغ طبعا ! + انك عايز تزنق نفسك علشان الشارك ....يبقى من غير نقاش لا ,, البروتون عربية كويسة و معظم الناس الى معاهم العربية من 2008 و 2007 بيشكروا فيها و بيقولوا عليها اعتمادية :) الشارك افضل نسبيا .. او بمعنى اصح اريح نفسيا من البروتون و الناس بتتقبل المشاكل الى فيها علشان كلمة "يابانى"... بس هيا مش عربية صامتة يعنى .. ليها مشاكل مش قليلة و البروتون نفس الكلام ...بس البروتون علشان صناعة ماليزية "رديئة" فالناس مركزة شويتين تلاتة اربعة :)

االعربيتين فيهم كتير كتير من بعض ..... ثبات متقارب و شكل و اداء (موتور) رياضى شبابى ,,,,


راى فى الحالة ديه ان تطلع الشارك برة اللعبة و تقارن بين السياز و البيرسونا :)
انا معاك و اسال كل الى نفسك فيه :)

المشاركة الأصلية كتبت بواسطة member 18

الف شكر يا بشمهندس
والله كان نفسي تقولي الفرق مايستاهلش :))
بس انت رجعت حيرتنى وقولتلى السياز وبتاع :d
انا مش ناقص حيره زى مانت اكيد اخدت بالك :)))))
انت جبته لنفسك :)) ، ليه بأه سياز مع انها 1400 واقل من البيروسنا ، والوكيل بتاعها الناس بتشتكي منه ؟
علما انها فى الميزانيه ، ايه المميزات؟ علما انى هسافر بالسياره

بص كل حاجة ممكن ببصلها من ناحية تبقى ميزة و من ناحية تانية تبقى عيب علي سبيل المثال موضوع ال 1400 سى سى صحيح اضعف من موتور البيرسونا بس موفر فى البنزين بحبة حلوين و اعتقد هتلاقيه اهدى و انعم ....
بص السياز للوهلة الاولى عربية جميلة شيك جنطها ال 16 جميييييييل و العربية من الداخل جميلة و تقفيلها حلو جدا و فيها حبة دلع مرايات ضم كهربا و بلوتوث و ستارت استوب انجن بس مافبش كروز كونترول !
موضوع التوكيل .... انا ماعنديش معلومات عنه بس التوكيل ده اخره بيبع كام عربية فى السنة ؟ السويفت و الديزاير و السياز مش بسهوله تشوفهم فى الشارع لانهم عليهم قوائم انتظار كبيرة و التوكيل مش عارف يغطى القوائم ديه تحسه توكيل على قده ....اللوجان فى ظرف شهر من نزلها بقيت تشوفها فى كل حتة ....ما علينا :)
السياز رغم كل الى قلته ده ...ناقصة اهم حاجة انى ماسوقتهاش :) فراملها؟ ثابتها ؟ اعتماديتها ؟ متانتها ؟ كل ديه اسئلة مش هتبان غير مع الاستخدام ....ليهم جروب على الفيس ماتصحكش تخشه :) لا حيـــــاد على الاطلاق :)

بص ! لو سفرك كتير خلص فى البروتون و استفيد باهم ميزة فى البروتون ....الثبات !

المشاركة الأصلية كتبت بواسطة eng f3lix

انا ليا رأي ..

لو حضرتك تقدر تزود المبلغ لل 132 الف هتلاقي السيات توليدو اول فئة في انتظارك :)

hahahahaha :D
قابل بقى يا عم ...بقوا 3 عربيات من 2
التوليدو كان معمول عليها عرض تقريبا فى احدى المعارض ..... كانوا منزلين الهاى لين بجنط 17 بسعر 151 الف جنيه ! و افتكر ان ام 132 ديه عليها عرض برده و نزله من سعر اعلى من كده ....

المشاركة الأصلية كتبت بواسطة member 18

يا جماعه حرام والله :) دا انا كنت خلاص هحجز :)))
الحقيقه يا بشمهندس انا مقدرش ازود ، بس اقدر ادفع 120 مقدم وازنق نفسي فى قسط بسيط جدا بشرط يكون الفرق فعلا يستاهل ..
فهل السيات فرقها يستاهل ؟ ، ولا ابص كمان على سكودا رابيد وتويوتا ياريس :)))
ياريت حضرتك تفيدينى بما انك من ملاك البروتون ، متحيرنيش وتسيبني :)
...
المفروض اغير عنوان الموضوع وانقله قسم المقارنات :)))

لا مالكش دعوة الياريس ! لو عايز تزنق نفسك و تزود ممكن بصة على الكروز و الفلوينس (اتمنى يكون فيه حل لموضع الزيت)