الموضوع: استفسار: حادثة عربية فلوانس 2015, أصلحها فين؟

السلام عليكم جميعا,

أنا لسه شارى رينو فلوانس 2015 والحمد لله عملت بيها حادثة, طلعت فوق بلدورة (طوبة رصيف) دخلت من الأكسيدام الأمامى وخرجت من تحت الشنطة:)

بصيت على العربية كان فيها لستة طويلة أهمها:

1) البارةالداخلية لعلبة الدركسيون اتقطمت (أرجو أن تكون قابلة للتغيير لوحدها من غير العلبة)
2) جزء من عضم العربية اتعجن + السدر الأمامى الأسفل لدرجة ان سير المجموعة اتقطع. هذه الأجزاء تعتبر جزء من الشاسيه لحد علمى وتحتاج إلى تعامل دقيق.

ده غير لستة من الفكة: أكسيدام وسدر و دورة الباور اتصفت وناحية من الفرامل ورادياتير اتكسر و علبة الشاكمان وقاعدة الأستبن وفوجات وفانوس ورفرف...إلخ:) (الحمد لله)

أنا أحتاج إلى نصيحة من إخوانى, أصلحها فيين؟؟؟

فرنش موتورز الشروق ولا أروح مباشرة ل eim العبور أو المقطم؟ ولا أعمل حاجة تانية خالص؟

علما بأنى غير مهتم بالشكل الخارجى يعنى ممكن أعمل الرفرف على البارد فى أى حتة برة ومش عايز أرش الأكسيدام لكن يهمنى جدا كل ما هو اعتمادى فى العربية (العضم العفشة الفرامل الميكانيكا عموما).

ما رأيكم دام فضلكم؟
وجزاكم الله خيرا.