الموضوع: مش فاهم ومحتاج توضيح لو سمحتو

المشاركة الأصلية كتبت بواسطة mamer1983

صباح الفل. بصراحه انا دورت العربيه ودوست علي الزراير الجانبيه اللي في دراع المساحه وملقتش خالص موضوع ال Oil level بس غالبا لما أعدت أدور شوفت العربيه لازم تكون علي وضع P وده ما اظنش كان الوضع اللي موجود عليه العربيه لحظه الفحص عشان كده بصيت علي المقاس المنيوال وبعدين الناس اللي في اباظه حاولو يقنعونا ان العربيه ديه محترمه وتوكيل رينو محترم واو في حاجه هيظبتوها وبيقولولي ان العربيه زيزو فمتقلش المهم طيب او العربيه زي ما حضرتك بتقول تعبر ناقصه زيت يعني اطلب من التوكيل انهم يزودهولي ولا استنا بعد ١٠٠٠ ولا حضرتك شايف أني مستلمش العربيه . بالنسبه المشكله هيا خلوص في المحرك ولا برمجه وبالف . سوْال ثاني هي العربيه بيجي معاها كتاب مانيوال عربي ولا إنجليزي بس عشان انا ملقتش غير الانجليزي واعمل ايه لو هوه مش موجود . ثالثا بالنسبه للتكيف اظبته ازاي دويل زون عشان انا مش عارف الفءه اللي معايا e3 وفي النهايه موضوع الزيت ده شاغلي مخي ومش عارف أكبر دماغي واستلم العربيه ولا اعمل ايه خايف البس العربيه وتكون فيها مشكله ولا اتوكل علي الله وخلاص وزي ما تيجي تيجي

على الالف روح التوكيل و اطلب تربيط العفشه و كشف على الزيت هايزوده نص كيلوا تقريبا لانها بتنزل من المصنع كده و مش عارف ليه و هيه العربيه الوحيده اللى فيها مؤشر ديجيتال للزيت و ده بيعمل لخبطه كتير عند الناس مع القياس المانيوال و هيه اصلا ما فيهاش حاجه و كل دايره من دواير العداد الديجيتال بربع على المانيوال .

المشكله مش خلوص بساتم خالص . المشكله فى برمجة فالف التبخير و برمجته و للاسف الحالتين اللى راحوا فالف التبخير بخر كميات من الزيت و ما عرفوش الا بظهور الرساله و ده كان دمر اجزاء من المحرك و اضطروا يغيروه . المشكله دى على فكره ما ظهرتش الا فى مصر فقط . مش موجوده نهائى فى اى دوله فيها رينو بره و همه عالجوها فى موديلات 2015 . مشكلة الاستاذ احمد زكى الحاليه العربيه شاريها 9/2014 . تقريبا مصنع تركيا اللى بيصنع لروسيا و مصر و اوروبا كانت حصلت معاه لخبطه بالنسبه للجو اللى بتتصدر له العربيه .

الكاتالوجات كلها انجليزى ما فيش عربي .

بالنسبه للاستلام ده قرارك . ادخل و شوف عدد المالكين اللى استلموا العربيه فى الكام شهر اللى فاتوا و شوف تقاريرهم و لو ما استلمتش دى و روحت اشتريت واحده تانيه انت ضامن حاجه ؟ ما هو فيه زميل هنا كاتب انه اشترى اسكودا a7 و بعد 300 كم سربت الزيت و دخل فى مواويل مع التوكيل و كانوا عايزين يغير الموتور و هو رفض و رجع فلوسه و اشترى الفلوينس بدلها و زى الفل معاه :) .

مشكلة مالك مرسيدس الجديده c180 الشهيره و اللى اتدمر موتورها فى فتره قصيره و التوكيل نزل بيان هل معناه الناس ما بتشتربش مرسيدس علشان مشكله او اتنين او حتى 10 ظهروا فى 10000 عربيه اتباعوا ؟

بالتوفيق :)