الموضوع: كيف توفر الوقود من خلال الهيدروجين drycell او wetcell

المشاركة الأصلية كتبت بواسطة rotanamasoud

وصلت الفكره الغاز حيدخل مع الهواء للمحرك مع البنزين ده حيؤدى الى انخفاض سحب الوقود صح كده وهل الانخفاض عالى نسبته كام الميه

نسبة إنخفاض استهلاك الوقود ستقل من حوالي 20% الي 100% حسب حجم الخلية وعدد شرايح الاستانلستيل ومقاسها والفولت و الامبير وحسب اسلوبك الخاص في تصميمها وهنا يظهر الابتكار الشخصي مش الاختراع كما ذكرت سابقا و هذا هدف كل الناس اللذين يقومون تجارب لتحسين كمية الغاز باقل فولت و امبير و درجة حرارة اقل و هنا المعادلة الصعبة ...لكن ان شاء الله لكل مشكلة و ليها حل وادينا تحت التجارب لعل الله سبحانه و تعالى يوصلنا لحل مثالي
بالإضافة ان الخلية حتي لو صغيرة هتزيد من هورس باور السيارة و هيقلل من نسبة العادم و نتاج الحريق بخار ماء خارج من الشكمان
بالاضافة ان غاز hho هيقوم بتنظيف البساتم و الصبابات و هتنعم صوت المحرك سواء للديزل او البنزين
بالنسبة للسيارات الديزل ....محرك الديزل يحب الهيدروجين كعامل مساعد للاحتراق لان نسبة الديزل المحترقة داخل غرف الاحتراق لا تزيد عن 45% وايضا مشروع ممتاز اولا هيزيد من عزم المحرك و هيقلل من استهلاك الديزل بنسبة 30% لا اكثر وعلي الاقل تقليل نسبة العادم و القضاء علي الدخان الاسود والريحة من عادم المحركات الديزل بنسبة عالية جدا و ملحوظة
باختصار فؤائد الهيدروجين عديدة و طبعا لغياب الوعي و وعدم مواكبة التكنولوجيا وعدم اهتمام الشباب بالعلوم موضوع بسيط مثل الهيدروجين هناك الملايين مننا لا يعرف عنه شئ
تخليل اذا قلننا نسبة استهلاكنا للوقودمثلا بنسبة 25% نسبة التوفير للناس
عامة ان لو في استفسار ان شاء الله ربي يجعلنا سبب في مساعدة الناس
بالتوفيق

المشاركة الأصلية كتبت بواسطة zarkoor

كلام فارغ و مليء بالجهل ان لم يكن بهدف النصب
يا سادة خلايا الهيدروجين هي تكنولوجيا قتلت بحثا وهي تستخدم لانتاج كهرباء و بالتالي لا تصلح الا للسيارات الكهربائية ويلزم تعبئة السيارة بغاز الهيدروجين المسال

http://www.cnet.com/videos/road-to-t...t-on-hydrogen/

رجاء غلق الموضوع و حظر هذا العضو

علشان تهاجم حد لازم تركز الاول هو بيتكلم فى ايه وتبحث كتير وتتاكد من المعلومات قبل المهاجمه
اللى بتتكلم فيه حاجه مختلفه عن اللى احنا بنتكلم فيه

المشاركة الأصلية كتبت بواسطة ahmed_eng2001

مشكور على الشرح البسيط الوافى .....

لى بعض الاسئلة .....

ما هو انسب نوع ستانلس يصلح لعمل الواح الخلايا ؟؟!! انا سألت على لوح امتر × 2 متر ... وجدت نوع ب 500 جنيه و نوع اخر ب 400 جنيه

العربية حتدور فى البداية على الكاربراتير بطريقة طبيعية .... و بعدين ؟ كيت تتم عملية ظبط الاستهلاك ( تقليل الوقود ) و دخول الهيدروجين ؟

ايهم اكبر انتاجية .... زيادة عدد الالواح بمقاس 15 × 15 مثلا ... و لا زيادة حجمها 30 × 30 ؟!!!

اي نوع من الاستانلستيل ينفع و السمك لا يقل 5.5 مملي
زي ما كتبت في الاول غاز الهيدروجين هيكون معاك غاز مساعد لتقليل كمية الوقود...الخ يعني هتدور العربية عادي و بعدين تشغل الخلية مفتاح صغير في التابلوة يشغل رالية كبير لتغذية الخلية من البطارية وقبل الراليه فيوز وانصح براليه 70 امبير وسلك 6مم وواحد جرام لكل لتر ماء هيدروكسيد بوتاسيوم koh او صودا من العطار كعامل مساعد للتحليل الكهربي للماء تحذير من نسبة ال koh لاما يزيد الامبير و الحرارة في الخلية و يسببلك مشكلة
عملية ضبط الاستهلاك انت هتحسب معدل الاستهلاك واكيد انت عارف نسبة استهلاك عربيتك و هتلاحظ فيما بعد فرق الاستهلاك وفرق السحب و نعومة المحرك و العادم .......الخ

مقاس الخلية ممكن 15×15 مقاس كويس لان زيادة مساحة الشرايح و عددهم هيستهلك امبير اعلي ومنهوش فايدة لانك مهما هتكبر المقاس او تزيد من عددهم مش هيزود كمية الغاز لانك في العربية محكوم بامبير و فولت محدد ..اما زيادة الكمية بشكل كبير دة موضوع تاني و صعب مازالت التجارب علية ابدأ بس اول خطوة و بعدين هيبان كل حاجة
و عدد الشرايح 21 شريحة كحد معقول 3 من الشرايح سالب و 2 موجب وعدد 16 نوترال
وترتيبهم كالاتي
شريحة سالب و 4 شرايح نوترال و1شريحة موجب و4 شرايح نوترال وشريحة سالب 4 شرايح نوترال موجب 4 شرايح نوترال شريحة سالب وطبعا بين كل شريحة و شريحة gasket او عازل مطاطي زي جوان اي اطار قديم
في انتظار التطورات
بالتوفيق

المشاركة الأصلية كتبت بواسطة zarkoor

كلام فارغ و مليء بالجهل ان لم يكن بهدف النصب
يا سادة خلايا الهيدروجين هي تكنولوجيا قتلت بحثا وهي تستخدم لانتاج كهرباء و بالتالي لا تصلح الا للسيارات الكهربائية ويلزم تعبئة السيارة بغاز الهيدروجين المسال

http://www.cnet.com/videos/road-to-t...t-on-hydrogen/

رجاء غلق الموضوع و حظر هذا العضو

اقسم بالله ان بكلامك دا دل علي جهلك انت ولا تعرف اي حاجة .. يا حبيبي انت خلطت بين خلية (روبرت جروف-العالم الانجليزي اختراع قديم من 130 سنة ) الخلايا الهيدروجينة المولدة للتيار اللي بتفصل الهيدروجين عن الاوكسجين من الماء و دمجمهم مرة اخري لتوليد فرق جهد و بين الخلايا الهيدروجين البسيطة المولدة لغاز الهيدروجين كغاز مساعد للحريق.. واسمها العلمي dry cell او wet cell و انت لو قريت كويس الموضوع الاصلي انا ذكرت ان في سيارة هيدروجين امريكية و المانية و يابانية هتنزل الاسواق
و بعدين انت اتهمتني اني كتبت الموضوع بغرض النصب دي قلة ادب و انا ما اسمحلك ابدا ..و بتناشد بحظري و الغاء الموضوع دا انا اللي لازم اطالب ادارة الموقع بمسح تعليقك دة ... و بعدين نصب ايه؟ دا انا حتي ساكن في اخر بلاد الله وبيني وبينكم اكتر من 5000 كيلو وايه اللي ممكن انصب بيه عليك مثلا.. اتقي الله ...
واذا كان حد المفروض يقرا و يطلع فالواجب انك انت اللي تقري الاول و تتحري الصح من الخطأ وبعدين احكم روح اليوتيوب مليان بتجارب الناس من كل الدول ...بس انت ابحث بس علي اليوتيوب عن الجملة دي ... hho drycell وهتلاقي مئات التجارب مش بس لغرض السيارات دي ممكن تشتغل كمكنة لحام و غاز بديل للبوتجاز المستخدم في المطابخ ......الخ بلاش لعب دور البطل المنقذ بدون علم
دي مثلا تجربة https://youtu.be/6spwRbYfbuA
https://youtu.be/sIqOmFj4Nt0
خلي بالك لا انت ولا غيرك ممكن يمنعني باني اوصل معلومة لحد و كل كلامي من البداية للنهاية موضوعي .. وموضوعي هدفه معرفي و للهواة و المهتمين بالامر مش للي زي حضرتك
و لو سمحت لا توجهلي اي كلام ولا تعليق ولا حتي اعتذار و ادارة الموقع لها القرار النهائي
انتهينا.....