الموضوع: كيف توفر الوقود من خلال الهيدروجين drycell او wetcell

المشاركة الأصلية كتبت بواسطة rotanamasoud

بخصوص ردك على الكتاوت للتشغيل انا فاهم كهرباء متقلقش
بعد مراجعه الفيديوهات مع قليلا من التفرغ
الافكار بدئت فى دماغى اولا على العربيه وهى تمبرا 1600 كاربراتير وانتهت انى اعملها للمولد بتاعى اللى يقدر يصفى 2.5 كيلو واط ويعمل بالبنزين واكيد كاربراتير (يعنى التجارب الاوليه للمولد للوصول لافضل نتائج)
التغذيه لو عملنها للوصول للتشغيل 100% هيدروجين حتكون من نفس المكان (فلتر الهواء)كده صح
بدايه التشغيل حتكون بنزين(النظام المختلط فى مصر المبنى على الغاز والبنزين يعمل اولا بالبنزين وعند اكتمال التسخين ينقلل للغاز) هل حيكون نظام الهيدروجين مشابه
القدره الصافيه وهى دى اهم جدوى من الموضوع والحسم اكيد للتجربه العمليه تفتكر ممكن نولد من المولد ده 1 كيلو صافى لاننا حنطرح منه الامبير المتولد لتشغيل الخليه
ترتيب الافكار فى دماغى
1- عمل خليه تكفى لتشغيل المولد بالكامل
2- ربط مولد صغير 12 فولت بامبير كافى لتشغيل الخليه مع المولد الاساسى(او عمل خليه 220 مباشر)
3-تشغيل النظام بالبنزين وعند تسخين المولد ووصول الغاز لدرجه كافيه نغلق محبس الوقود
ايه رايك

كلام مظبوط انك تعمل خلية لمولد كهربي ولو الخلية من 21 او 31 شريحة مساحة سطح الخلية كمقاس ممتاز ايضا 15×20 سنتمتر ..وممكن المولد يشتغل مباشرة من غير بنزين ..و دخول الغاز طبعا من فتحة الهوا لان قدرة محرك المولد ال220 فولت حوالي 100 او 150 cc ..ولا تهمل الحمل بمعني ان المولد البنزين عندما يشغل لمبة 200 وات غير لما تحمل عليه لمبات اجمالي الاحمال 1000 وات بمعني المولد علي الحمل يستهلك وقود اكتر شوية..
بس انك تعمل خلية 220 مباشر دي عايزة خلية كبيرة عدد خلايها لا يقل 61 شريحة و عدد النوترال 9 الي 13 شريحة مثلا هتبدأ كالاتي شريحة رقم 1 سالب و 13 او 9 خلية نوترال + خلية موجب +13 خلية نوترال ........ وهكذا
-nnnnnnnnnnnnn+nnnnnnnnnnnnn- و هكذا ....... الخ و ممكن تكون مساحة سطح الشريح 15×15 سنتيمتر
و نظام التشغيل ممكن يكون مباشرة بالغاز بس لو تم تشغيل المولد لمدة دقيقة لغاية ما يسخن ثم تحول للغاز يكون افضل في حالة ان الخلية صغيرة مثلا 21 شريحة ل 31 شريحة و شغلها علي 12 فولت من بطارية خارجية او باور سبلاي 12 فولت 20 امبير او دينمو 12 فولت بامبير كافي زي ما حضرتك ذكرت
و الفكرة هتكون كالاتي مصدر كهربة الخلية من البطارية و يتم توصيل شاحن من المولد البنزين ال220 لشحن البطارية لتعويض الفارق الزمني ....او ممكن تشغل المولد ال220 بالبنزين و تاخد منه لباور سبلاي 12 فولت 20 امبير لتغذية الخلية و عندما الخلية تبدا انتاج الغاز لكاربتير المولد ال 220 تقفل محبس البنزين و يبدا المولد يشتغل ذاتي بدورة مغلقة (مولد 220 يغذي الخلية عن طريق محول 12 فولت dc و الخلية تغذي المولد ال220 بالغاز و هكذا )
بالنسبة لي موضوع الغاز اتحسم بلا ريب و لا عندي اي شك ....ليه؟
لاني حسمت الموضوع الاسبوع دة ... بعدما عملت الخلية كبيرة 61 شريحة وشغلتها علي 20 فولت و 23 امبير وعملت عليها التجارب زي ( كمية الغاز ،درجة الحرارة ،الامبير،الفولت) و يوم الاثنين اللي عدي اشتريت عربية متسوبيشي لانسر 1300 سي سي انجكشن موديل 97 ب200 يورو كفار تجارب وتم ادخال الغاز من فحة هوا الموتور....وكانت النتايج بالنسبالي ممتازة و مشجعة مبدئيا ...
اول ملاحظة السيارة لما اسخنها و اقفل البنزين عنها تشتغل بالغاز تلاتات يعني ب RPM بطيئ او زي متكون شغاله ب3 سلندر لما افتح بوابة هوا المحرك تبطل نهائيا...و لما ارجع اشغلها فقط بالغاز تدور طبيعي لمدة 2 ثانية طبيعي و تبطل ...و تاني يوم الصبح جربت ان اشغلها و هي باردة بردو نفس الموضوع تدور عادي لمدة 2 ثانية و تبطل ...حاليا ساعيد حسباتي تاني لتعديل النظام لكى يكون قادر لتشغيل المحرك كليا بدون اضرار جانبية ....لان الغاز غير كافي لتشغيل المحرك كليا......و نتائج التجربة كالاتي
1. الخلية بلا ريب قادرة تشغل محرك بشكل طبيعي لو محرك 700 الي 800 CC
2.الخلية يعتبر قد شغلت 40% الي 50% من قدرة المحرك 1300 CC
3.لو هذة الخلية استخدمت لتوفير فقط البنزين علي محرك 1300 ستوفر بلا شك 50% +- تقريبا
وحاليا بفكر اشتري سيارة بنزين للاستخدام الشخصي بدلا من سيارتي الديزل لان كفاءة الغاز مع البزين افضل بكتير من الديزل
ولو اي تطورات معاك ابقي بلغنا
و ياريت تقولي رأيك في آخر التطورات اللي حصلت معايا
بالتوفيق