الموضوع: بفضل الله استلمت byd l3 مانيوال

تم بحمد الله يوم التلات الماضي مساءا استلمت العربية لون فيرانى وكنت طالب موكا بس مكنش موجود فى المصنع
العربية حجزتها يوم الاحد ويوم التلات خلصت الاورقا واستلمت وعرفت ان فى الوان جاهزة وفى الوان هتنتظر شوية
العربية معايا ما شاء الله جميلة واللون الفيرانى تحفة فيها كل حاجة فيها تمام بس عندي كام ملاحظة
-لسه مستلمتش دفتر الصيانة والضمان بتاع العربية
-الشنطة بتقفل بصعوبة ولازم ارزع كذا مرة على ما تتقفل وان شاء الله اظبطها فى صيانة الألف
-حسب معلوماتى ان الموتور الـ 1500 سير الكاتينة جنزير . انا لما فتحت الكبوت شفت 2 سير جلد عادى ومشفتش الجنزير خالص
-حاسس بصوت المكنة جوة العربية وحاسه صوت خشن شوية مش عارف هل ده طبيعي ولا لأ
-بالليل النور بتاع الكاسيت الاصفر بتاع الزراير وحولين بكرة الصوت احيانا بلاحظ انه بيرعش يطفي ويقيد ، انا كنت فاكرها ريزم مع الموسيقى كدا زي الايكولايزر بس لاحظت انه مش دايما بيعمل كدا
- موضع ازرار تعديل المرايات بصراحة مضايقنى يمكن لانى متعود على الايمجراند بتاعت والدى والفورد اللى كانت معايا مكان الازرار فى الباب فسهل الوصول ليهم وتعديل المرايات من غير ما احتاج ابص عليهم
-وصلة الـ aux مش راضية تشتغل معايا

دي ملاحظاتى عن العربية وتقرير الاستلام وان شاء الله اعمل تقرير صيانة الألف اللى اكيد فيه حاجات كتيرة هتفرق فيه

الف مبروك وربنا يعطيك خيرها ويكفيك شرها ياريت تقولنا السعر الاجمالي بتاعها كام دلوقتي وتجربة الشراء والترخيص ونوع البنزين وهل في تسقيف في الماتور في الغيار الثاني والثالث ولا لأ وايه هي العيوب اللي لحظتها فيها وتقييمك للاداء وشكراً