استفسار من اصحاب الاوبترا

**John Silver** · 18-05-2015 03:28 PM

يا شباب انا معاي 80 الف جنيه وعايز عربيه اتوماتيك وتكون معمره وتستحمل طرقات مصر واقتصاديه وضريبتها مش عاليه وكل اللي نصحوني نصحوني بأوبترا تكون موديل 2007 - 2008 تكون في رنج السبعينات فقلت استفسر منكم عنها وهل هي فعلاً عربيه معمره وممتازه فالاوتوماتيك وراسيه فالسفر ام هناك اختيارات افضل فأرجوكم تساعدوني وتنصحوني بحكم الناس اللي جربت منكم ،،،، وشكـــراً ،،

**abou-yahia** · 19-05-2015 03:04 PM

الموضوع ده حيفيدك جدا

http://www.nilemotors.net/Nile/409284-a.html

تحياتي

**John Silver** · 20-05-2015 03:45 PM

جزاكم الله خير يا شباب على الردود ، الواحد والله احتار بين عدة خيارات مره بيقولوا الاوبترا افضل حاجه مستعمله بالمبلغ اللي معاك ومره بيقولوا الصني ومره بيقولوا الماتريكس مع اني شاب مش صاحب عيله بس الواحد فعلاً محتار وجزاكم الله خير على المساعده

**ahmed.zahra** · 21-05-2015 12:05 PM

انا شخصيا كان معايا ال3 عربيات دول قبل كده و التلاتة احلى من بعض و اوسعهم الماتريكس لكنها اقل منهم في الثبات. اللي تلاقي منهم هاته و انت مطمئن شرط الحالة

**Mostafa.Mahran** · 24-05-2015 01:11 AM

انا جبت اوبترا 2007 اوتو قعدت معايا سنتين و بعتها و عملت بيها 42 الف كيلو
العربية عالية و عفشتها بتستحمل جامد
ثباتها محترم
واسعة و قعدتها مريحة
طول سنتين مفيش مرة جيت ادورها مدارتش معايا
طول السنتين لمبة التشيك منورتش معايا و مغيرتش ولا حساس فيها
متعتبرش عربية ناعمة فى السواقة بس تعتبر قوية و ماسكة نفسيها

اهم حاجة الصيانة المنتظمة و مش لازم تستنى على الحاجة تجيب اخرها و تجيب القطع الاصلية على قد ما تقدر يعنى مثلا التيل الاصلى قعد معايا 20 الف مستريح
البنزين حسب رجلك على الدواسة

من الاخر عربية بتاعة شقى و بهدلة