الموضوع: مميزات اادريكسيون الباور

طيب وهي دي قليلة ..إن الطاره تبقى زي المياه في إيدك ..أولا ده بيديك فرصه للمناورات في الزحام ..إنك في في كلمة بتغير إتجاهك وده طبعا بيخلي ليك السبق في التحرك ..وأثناء الوقوف ..الركن يعني ..وإنت بتركن ..وبيخليك تستفيد بأقصى زاوية في العجل ..عارف ..تعالى على عربية 128 كده مثلا أو أي عربيه مفيهاش باور ..ولف الطارة على الآخر وهي واقفه ..وبعدين تعالى من قدام كده وإرفع العربية على كوريك ..بس يكون الكوريك من النص بحيث إن العجلتين يكونوا هيترفعوا ..لو دققت النظر قوي وبسرعة كده هتلاقي إن العجل كمل بقيت وصوله لأقصى زاوية بمجرد ما إترفع من على الأرض ..عارف ده معناه إيه ..؟؟...معناه إن فيه زاوية ..هي صحيح صغيره قوييييييي..بس برضه الباور بيخليك توصلها وتستفيد بيها عشان وإنت بتركن مثلا ..

المشاركة الأصلية كتبت بواسطة gomaaa

مش حكايه زي المياه فيها خطوره ع السرعات .... هل الباور بيخلي الدريسكيون ماسك نفسه .. يعني مش اي هزه في ايدي تحرك الدريكسيون .... اصل انا بسوق لادا و بعاني من اادريكسيون اني مبعرفش امشي خط مستقيم !! ...البوش بتاع الدريسكسيون ده مضايقني ... مش كل ما ايدي تريح الاقي العربيه بتميل

ما هو دلوقتي في العربيات الحديثه بيتم ضبط الباور بتاع الدريكسيون بحيث إنه يتقل الطاره معاك في السرعات العاليه ..غير الباور اللي كان موجود في العربيات بتاعة زمان زي الإكسيل مثلا..اللي عندها مشاكل في الإتزان على السرعات العاليه وإن كنت أعتقد إن جزء كبير من المشاكل دي بسبب الباور